Египедһээ гаралга 34:1 - Библи

¹ Эзэн Моисейдэ айладаба: – Түрүүшынхидэл адли хоёр шулуун хабтаһа хайжа хэ. Шинии эбдэһэн түрүүшын хабтаһанууд дээрэ бэшээтэй байгаа үгэнүүдые Би тэрэ хабтаһанууд дээрэ бэшэхэб.

Египедһээ гаралга 34:1 ပူးပေါင်းရင်းမြစ်များ

Египедһээ гаралга 24:12

Эзэн Моисейдэ айладаба: – Хада өөдэ Намда гарыш. Энэ арадта ухаа заахын тулада Минии бэшэһэн һургаал, зарлигуудтай шулуун хабтаһануудые шамда үгэхэб.

Египедһээ гаралга 31:18

Синай дээрэ Моисейтэй хөөрэлдэжэ дүүргэхэдөө, Эзэн тэрээндэ Өөрын гараар һиилэһэн Хэлсээнэй хоёр шулуун хабтаһа үгэбэ.

Египедһээ гаралга 32:16

Тэдэ хабтаһануудые Бурхан Өөрөө бүтээгээ, бэшэгүүдыеньшье хабтаһанууд дээрэ Өөрөө һиилэн зураа.

Египедһээ гаралга 32:19

Хүреэндэ дүтэлхэдөө, Моисей алтан тугалыень хараба. Зугаа дэлгэжэ, хатаржа байһан зониие хараба. Уур сухалда абтаһан Моисей абажа ерэһэн шулуун хабтаһануудаа хадын хормойдохи газарта биса хаяба.

Египедһээ гаралга 34:28

Моисей Эзэнтэй дүшэн үдэр ба дүшэн һүни суг байба, юушье эдингүй, юушье уунгүй. Тэрэ хэлсээнэй эрхэ нүхэсэл – Арбан һургаал шулуун хабтаһан дээрэ бэшэжэ абаба.

Египедһээ гаралга 34:4

Моисей урданайхидань адляар хоёр шулуун хабтаһа дархалаад, тэдэнээ гартаа баринхай, Эзэнэй захирһанай ёһоор Синай хада өөдэ гараба.

Ерэмияа 36:32

Тиигээд Ерэмияа ондоо хуйламал ном абажа, бэшээшэ Нэрияагай хүбүүн Баруухта үгэбэ. Тэрэ Ерэмияагай хэлэһые тэндэ бултыень бэшэбэ. Иудын Ёякиим хаанай галда хаяжа шатааһаан түрүүшын хуйламал ном соо байгааша бүхы үгэнүүдые болон Ерэмияагай хэлэһэн үшөөшье ондоо үгэнүүдые тэрээн соо бэшээ бэлэй.

Хуули дабталга 4:13

Тэрэ Өөрынгөө хэлсээе, Арбан Зарлиг, бидэндэ айладхажа, сахин ябахыемнай захиба, хоёр шулуун хабтаһан дээрэ бэшээ һэн.