Египедһээ гаралга 33:4 - Библи

⁴ Һүрөөтэ үгэнүүдые дуулаһан зон гэмшэлэн уйлалдаба, зүүдхэлнүүдээ бэшэ үмдэбэгүй.

Египедһээ гаралга 33:4 ပူးပေါင်းရင်းမြစ်များ

2 Хаан түрэнүүд 19:24

Саулай аша хүбүүн Мэпибоошэт мүн лэ хааниие угтахаяа гараба. Тэрэ хаанай Иерусалимһаа гаража ябаһан үдэрһөө хойшо энэ мүнөө амар мэндэ бусажа ерэһэн үдэр хүрэтэрынь хүлөө угаагаагүй, һахалаа абаагүй, хубсаһаашье угаагаагүй байба.

3 Хаан түрэнүүд 21:27

Эдэ үгэнүүдые дуулахадаа, Ахааб хубсаһа хунараа удара татан, шэрүүн таар хубсаһа үмдэбэ. Тэрэ масаг барижа, таар соо унтажа, уруу дуруу юумэн байба.

4 Хаан түрэнүүд 19:1

Хэзэкияа хаан эдэ бүгэдые дууламсаараа, уйдхар гашуудалаа мэдүүлэн хубсаһаа урижа, таар үмдөөд, Эзэнэй һүмэдэ ошобо.

Эзраа 9:3

Иимэ үгэ дуулахадаа, би дотор, гадар хубсаһаяа удара татажа хаяад, толгойнгоо үһэ, һахалаа ходоро зулгаагаад, аргагүй ехэ гашуудалда орон һуубаб.

Иоов 1:20

Тиихэдэнь Иоов бодожо, гадар хубсаһаяа таһар татажа, толгойнгоо үһэ хайшалуулаад, газарта үбдэглэн мүргэжэ, Эзэндэ хэлэбэ:

Иоов 2:12

Тэдэ холоһоо хараад, нүхэрөө танибагүй. Шангаар уйлалдан, хубсаһаа таһа татажа, толгойдоо шорой хаяба.

Египедһээ гаралга 33:6

Хорээб хадын хажууда Израилиин зон зүүдхэлнүүдээ тайлажа, бэшэ үмдөөгүй.

Исай 32:11

Таанад ехэ хүнгэн, сүлөөхэн ажаһуугаат, харин мүнөө айн шэшэрыта! Хубсаһаа тайлан нюсэгэлжэ, бэлхүүһээрээ таар орёогты.

Эзэкээл 24:17

Абяагүй гашууда. Толгойгоо тэрэл зандаа боолто-малгайгаар орёожо, хүлдөө гуталаа үмдэжэ бай. Гашуудан нюураа бүглэжэ, ямбын эдеэ эдижэ бү байгаарай.

Эзэкээл 24:23

Гашуудалай тэмдэг болгон, толгой, хүл нюсэгэн ябахагүйт, гасалан уйлахагүйт. Нүгэлэйнгөө түлөө таанад гэмшэн, һанаа алдан ябахат.

Эзэкээл 26:16

Далайн эрьеэр оршодог улас түрэнүүдэй хаашуул хан шэрээһээ буужа, нэмэргэнүүдээ, шэрэн оёһон гоё һайхан хубсаһануудаа хуу татан тайлажа, шэшэрэн доогуур һууха. Диилдэжэ байһан тухайш шэнэ һонин байд гээд лэ дуулажа байхадаа, тэдэ шэшэрхэ һалганахаяа оройдоош болюулжа шадахагүй.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Левит 10:6

Моисей Аһароон болон тэрээнэй Эльазаар Итамаар хоёр хүбүүдтэнь хэлэбэ: – Үхэхэгүйн тула, уур хилэнгэйнь хамаг хүн зондо хүрэхэгүйн тула толгойгоо бү нюсэгэлэгты, хубсаһаа бү хахалагты, юрэдөө, гай гашуудалаа бү харуулагты. Зүгөөр Эзэнэй галаар дүргэгдэһэн тухай танай аха дүүнэр, бүхы израильшууд уйдхар гашуудалаа харуулхадань болохо.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Захарияа 7:3

Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

Захарияа 7:5

– Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Тоололго 14:1

Тэрэ һүни бүхы зон оог хашхаралдан, бархиран байгаа.

Тоололго 14:39

Эзэнэй үгэ арад зондо Моисейн дамжуулхада, израильшууд голхоролдон гэмшэжэ,

1 Хаан түрэнүүд 6:19

Бэт-Шээмэшэй далан хүниие ханза нээжэ хараһанайнь тула Эзэн хюдан усадхаба. Арад зониие угаа ехээр хюдаһандань зон гашуудан уйлалдаа һэн.