Египедһээ гаралга 33:3 - Библи

³ Һү тарагаар, бал тоһоор дэлбэржэ байһан тэрэ газарта ошогты! Би тантай ошохогүйб. Юуб гэхэдэ, үсэдһөөтнай хилэнлэн, таанадые усадхажа магадгүйб гэжэ һанан нарилнаб.

Египедһээ гаралга 33:3 ပူးပေါင်းရင်းမြစ်များ

4 Хаан түрэнүүд 17:14

Теэд тэдэнэр Эзэнэй хэлэһэн үгые хайхаран абабагүй. Тэдэнэр Эзэндэ, өөрынгөө Бурханда этигэдэггүй байһан эсэгэнэртээл адляар үсэрэлдэбэд.

Псалманууд 78:8

Элинсэгэймнай нүгэлые маанадта бү ашыт, Өөрын энэрэл хайрые бидэндэ үзүүлыт, ушарынь угаа зобоод байналди.

Египедһээ гаралга 13:5

Ханаһаан, хээт, эмоор, хиив ба евүүс угсаатанай анхан һууһан, һү тарагаар, бал тоһоор билтаржа байһан газар үгэхэб гэжэ эсэгэнэртэтнай Эзэн тангариглаһан юм. Эзэнэй тиишэнь таанадые оруулхада, энэ һарада алдангүй иимэ мүргэл хэдэг байхат:

Египедһээ гаралга 23:21

Тэрээнһээ айжа ябагты, үгыень дуулагты, тэрээндэ харша юумэ бү хэгты. Тэрэ танай эсэргүүе тэбшэхэгүй, юуб гэхэдэ, тэрээн соо Минии нэрэ алдар оршоно.

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Египедһээ гаралга 32:14

Эзэн уур хилэнсэгээ номгоруулба. Өөрын арад угсаатаниие һүнөөхэ гэжэ забдаһан аад, болибо.

Египедһээ гаралга 33:5

Эзэн Моисейдэ зарлиг болобо: – Израилиин зондо иигэжэ хэлэ: «Таанар үсэд зон байнат, суг ошоо һаа, агшан зуура таанадые усадхажа магадгүйб! Шэмэглэл зүүдхэлнүүдээ бэеһээ тайлагты. Юу хэхэеэ хаража үзэхэб».

Египедһээ гаралга 34:9

дуугарба: – Эзэн минии! Танай урда таарамжатай байбални, мантай ябалсыт, Эзэн минии! Энэ арад угсаатан үсэд хүжүүн, тиигэбэшье манай нүгэл болон гэмтэ хазагай ябадалые хүлисыт даа! Маанадые Өөрын үбэ эзэмшэл болгыт!

Исай 48:4

Танай үсэдые, хоолойтнай түмэр, сохотнай гуулин мэтэ гэжэ би ойлгодог һэм.

Ерэмияа 11:5

Тиигэбэлнь, һүн далайн, зүгын балай урдажа байһан, мүнөө тэдэнэй эзэлжэ байгаа газар нютагые үгэхэб гэжэ элинсэг хулинсагтань тангариглаһан тангаригаа бэелүүлхэ байгааб. Би харюудань: – Мүн даа, Эзэмни! – гэбэб.

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Иона 3:10

Бурхан тэдэнэй хэрэгүүдые хараба. Харата муухай замһаа тэдэнэй холодоходо, Бурхан хайрлажа, тэдэниие хэһээхэ гэһэнээ болюулба.

Иона 3:4

Иона нэгэ үдэрэй туршада хото соогуур ябаха үедөө номнол буулган иигэжэ хэлэбэ: – Дүшэн хоногой үнгэрхэдэ Нинэвээ һандаргагдаха!

Тоололго 13:27

Тэдэ Параанай сүл губидахи Кадээшэй хажууда байһан хотон хүреэнүүдтэ бусажа, Моисейдэ, Аһароондо болон түрэл арадтаа хараһан-үзэһэнөө бултыень хөөрэжэ, тэндэхи газарһаа асарһан үзэм жэмэсээ улад зондоо харуулба.

Тоололго 14:12

Би тэдэниие үхэлэй ташуураар сохихоб, хумхиин тооһон болгохоб. Эдээнһээ олон, эдээнһээ хүсэтэй арадые шинии удамһаа бии болгохоб.

Тоололго 14:8

Эзэн бидэндэ энэрхы һаа, эдеэ хоолоор дэлбэржэ байдаг үрэжэлтэй тэрэ газарта бидэниие дахуулжа, үгэг лэ бидэндэ тэрэ газар.

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 16:21

– Та хоёр эндэһээ холодогты. Ушар юуб гэхэдэ, Би тэдэниие энэ дары үгы хэхэм.

Тоололго 16:45

– Эдэ хүнүүдһээ таанад холо бологты. Энэ дары эдэниие үгы хэхэм! Моисей Аһароон хоёр нюураараа газар дэрлэн, Эзэндэ һүгэдэн зальбарбад.

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Хуули дабталга 4:24

Юуб гэхэдэ, Эзэн Бурхантнай үрэбхилдэг гал дүлэн мэтэ, Тэрэ ондоо бурхадые тэсэхэгүй.

Нүүнэй Иисүүс 5:6

Юуб гэхэдэ, Израилиин хүбүүд дайлалдаха шадалтай бүхы зоной дууһан үхэтэр, дүшэн жэлдэ элһэн губида ябаа. Тэдэ зон Эзэнэй абяа дуулаагүй байгаа. Тиимэһээ эсэгэнэртэнь үгэхэб гэжэ Эзэнэй тангариглаһан һүнэй ба зүгын балай урдажа байдаг газарые тэдэ үзэхэгүй гэжэ Эзэн тангариглаа.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!