Египедһээ гаралга 33:16 - Библи

¹⁶ Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Египедһээ гаралга 33:16 ပူးပေါင်းရင်းမြစ်များ

2 Хаан түрэнүүд 7:23

Танай арад түмэн Израильдал адли үшөө ямар үндэһэтэн газар дээрэ байнаб? Та, Бурхан, Израилиие абаржа, Өөрын арад түмэн болгоод, Өөрынгөө нэрэ алдаршуулаа бэлэйт. Египедһээ гаргажа, ондоо арадуудһаа болон тэдэнэй бурхадһаа сүлөөлэн, арад түмэнэйнгөө түлөө Та агууехэ, һүрдэмөөр үйлэ хэрэгүүдые хээ бэлэйт.

3 Хаан түрэнүүд 8:53

Эзэн Бурхан! Элинсэг хулинсагыемнай Египедһээ гаргахадаа, Өөрын богоол Моисейгээр дамжуулан, иигэжэ айладхаа бэлэйт: «Дэлхэйн арадуудһаа тэдэниие шэлэн, Өөрын арад түмэн болгооб».

Египедһээ гаралга 34:10

Эзэн харюу үгэбэ: – Би тантай хэлсээ баталнам. Угсаата арадайш хараһаар байтар ямаршье газарта, ямаршье арадта үзэгдөөгүй гайхамшаг үзэгдэлнүүдые харуулхам! Шамайе тойроһон зон Минии, Эзэнэй, шинии түлөө хэдэг үйлэ хэрэгүүдые хаража, һүрдэн байг лэ!

Египедһээ гаралга 34:9

дуугарба: – Эзэн минии! Танай урда таарамжатай байбални, мантай ябалсыт, Эзэн минии! Энэ арад угсаатан үсэд хүжүүн, тиигэбэшье манай нүгэл болон гэмтэ хазагай ябадалые хүлисыт даа! Маанадые Өөрын үбэ эзэмшэл болгыт!

Египедһээ гаралга 8:22

Харин Гоошэн нютагта һоно батаганаан үгы байхаар илгахаб: тэндэ Минии арад угсаатан һуудаг юм – тэндэ һоно батаганаан үгы байха. Газар дэлхэйдэ ганса Эзэн бии гэжэ мэдэхыншни түлөө тиигэжэ хэхэб.

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Левит 20:26

Таанад арюун байжа, гансал Минии арад түмэн байха ёһотойт. Юуб гэбэл, Би Эзэн гээшэб, Би арюун нангин гээшэб, гансал Минии байхынтнай түлөө ондоо арадуудһаа таанадые илган абааб.

Тоололго 14:14

Энэ орон нютагай зондо тэдэ юу болоһые хөөрэхэ. Өөрынгөө арадтай хамта Эзэн ябалсана гэжэ, Өөрыгөө тэдээндэ үзүүлээ гэжэ, үдэртөө Таниие үүлэн бахана болоод тэдэниие дахуулна гэжэ, үдэшэндөө Таниие дүлэтэ үүлэн болоод тэдэниие аршалан бүрхөөнэ гэжэ мэдэнэл.

Тоололго 23:9

Би байсын оройһоо тэрэниие шэртэнэб, би гүбээгэй оройһоо тэрэниие харанаб. Бусад арадуудтай тэдэ ниилэнгүй, бултадаа тэдэнэр аминдаа ажаһуунал.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 4:7

Бидэнэй дуудаха бүхэндэ Эзэн Бурхамнай маанадые анхарна. Бурханта дүтэ, хайра үршөөлтэй үшөө иимэ агууехэ үндэһэ яһатан бии юм аал?