Египедһээ гаралга 32:4 - Библи

⁴ Аһароон тэдэнииень хайлуулжа, тугалай хүрэг бүтээбэ. – Израиль, шамайе Египедһээ гаргаһан Бурханшни бэеэрээл! – гэжэ зон дуугаралдаба.

Египедһээ гаралга 32:4 ပူးပေါင်းရင်းမြစ်များ

3 Хаан түрэнүүд 12:28

Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!

3 Хаан түрэнүүд 12:32

Иудада болодог баяр наадандал адли баярые тэрэ наймадахи һарын арбан табадахи үдэртэ байгуулжа, үргэлэй шэрээ дээрэ үргэл үргэдэг болобо. Бүтээһэн тугалнуудтаа үргэл Бэт-Ээлдэ үргэжэ эхилбэ. Хада уулануудаар байгуулһан мүргэлэй газарнуудаараа тэрэ санаартадые томилбо.

4 Хаан түрэнүүд 10:20

Еһүү арад зондо хандажа: – Баалай һайндэрэй нангин суглаа үнгэргэхые зарлагты! – гэжэ захирба. Энээн тухай соносхогдобо.

4 Хаан түрэнүүд 10:29

Еһүү Израилиин газар дээрэ үйлэдэһэн Набаадай хүбүүн Еробоһаамай хэһэн нүгэл хилэнсэгүүдһээ дууһан арсангүй, Бэт-Ээл ба Даанда байһан алтан тугалнуудые үгы хэнгүй, орхёо юм.

2 Угай бэшэг 11:15

Еробоһаам мүргэлтэ газарнуудта, тэхэ ямаануудай, буруун тугалнуудай дүрсэнүүдтэ мүргэдэг газарнуудта өөрын санаартадые табяа бэлэй.

2 Угай бэшэг 13:8

Давидай уг удамда Эзэнэй үгэгшэ хаанта засагай урдаһаа мүнөө таанад дайлалдаха гэжэ байна гээшэ гүт?! Угаа олон сэрэгтэйт, бурхад болгон таанадта Еробоһаамай дархалуулжа үгэгшэ алтан хүрэгүүдтэйт.

Нэхэмьяа 9:18

Шудхамал онго бүтөөжэ, маниие Египедһээ гаргаһан бурхан энэ гээд соносхожо ехээр гомдохооходоньшье,

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 20:23

Алта мүнгөөр бурханай хүрэг дархалжа, Минии хажууда табижа бү байгты.

Египедһээ гаралга 20:4

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Египедһээ гаралга 28:11

Уран һилүүршэнэй шулуун дээрэ тамга һиилэһэн шэнгеэр, Израилиин хүбүүдэй нэрэнүүдые һиилээрэй. Эдэ шулуунуудые угалзатай алтан гуунуудта һуулгахаш.

Египедһээ гаралга 28:9

Хоёр мана шулуу абажа, Израилиин хүбүүдэй нэрэнүүдые һиилэхэш:

Египедһээ гаралга 32:1

Моисей хадаһаа бусанагүй гэжэ зон харажал байба. Аһароониие тойрон иигэжэ хэлэбэ: – Маанадые дахуулха бурхан бүтээгыш. Харин Египедһээ маанадые гаргаһан энэ Моисейтэй юуншье болоһониие мэдэхын аргагүй.

Египедһээ гаралга 32:24

Алтан һиихэ зүүдхэлнүүдээ асарагты намда гээ бэлэйб. Тэрэ алтыень галда хаяхадам, иимэ тугал болоол!

Египедһээ гаралга 32:3

Зон Аһароондо алтан һиихэнүүдээ үгэбэ һэн ха,

Египедһээ гаралга 32:35

Тиигэжэ Эзэн Израилиин арадые Аһарооной хэһэн тугалай түлөө хэһээгээ һэн.

Египедһээ гаралга 32:5

Энээниие харахадаа, Аһароон тугалай урда үргэлэй шэрээ бодхоожо тунхаглаба: – Үглөөдэр Эзэнэй һайндэр!

Египедһээ гаралга 32:7

– Хадаһаа бууха болобош, – гэжэ Эзэн Моисейдэ айладаба. – Египедһээ гаргаһан угсаатаншни забхайрһан зон лэ байна даа.

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Исай 46:6

Зарим зон түриибшэһөө алтаа хайра гамгүй үгэжэ, мүнгэ шэгнүүрээр шэгнэн, бурхан хэхыень алташа дарханиие хүлһэлдэг. Тиигээд тэдэ шүтөөнэй урда унажа, мүргэдэг.

Эзэкээл 23:8

Египедтэ һальхай һамуу ябадал үйлэдэжэ эхилһээр тэрэ иимэ ябадалаа бэшэ орхёогүй бэлэй. Залууһаань эхилжэ эрэшүүл тэрээнтэй унтажа, бүри забхайруулжа һургаа һэн.

Һошээ 10:5

Бэт-Аавэндэ шудхаһан алтан бухынгаа түлөө Самариин арад түмэн шэшэрэлдэн айха, бархиралдаха. Онгоноор омогорходог санаартад тэрээн тушаа гашуудажа эхилхэ. Юуб гэхэдэ, ялагар толон тэрэ онгонһоо бэшэ гарахаяа болихо.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Хэрэгүүд 17:29

Хэрбээ бидэ Бурханай угсаатан һаа, Бурхан гээшэмнай хүнэй һанаашалгаар алтаар, али мүнгөөр, али шулуугаар дүрсэлһэн уран бүтээлэй урлалга гэжэ бодохо ёһогүйбди.

Хэрэгүүд 7:41

Тиигээд тэдэнэр бухын дүрсэтэй онгон хээд, тэрээндээ үргэл үргэжэ, гараараа бүтээһэн юумэндээ һүгэдэн, найр хэбэ.

Коринфынхидтэ 1-дэхи 10:7

Тэдэнэй зариманиие һажаажа онгонуудта бү шүтэгты. «Хүн зон эдихэ, уухаяа һууба, найрлажа нааршаажа оробо», – гэжэ Нангин Бэшэг соо бэшээтэй байдаг.

Хуули дабталга 9:16

Эзэн Бурханайнгаа урда таанадай нүгэл хэһые, тугалай шудхамал дүрсэ өөһэдтөө хэһые, Эзэнэй зааһан замһаа түргөөр хадуурһыетнай би хараа бэлэйб.

Ударидагшад 8:24

Гидоон сэрэгшэдтээ иигэжэ хэлэбэ: – Таанадһаа нэгэл юумэ гуйнаб. Сэрэгшэ бүхэн өөрынгөө олоһон олзоһоо нэгэ нэгэ һиихэ намда үгэгты! Ушар юуб гэхэдэ, диилдэгшэд олон алтан һиихэтэй байба. Гэбэшье тэдэ һиихэнүүдынь израильшуудай байһан юм.

Ударидагшад 8:27

Гидоон тэрэ алтаараа нэгэ эфод бүтээгээд, өөрынгөө Опраа хотодо тэрэнээ табиба. Тиихэдэнь бүхы израильшууд эфодтонь шүтэн мүргэжэ, тэндэ забхайралдажа эхилбэ. Тэрэ эфодынь Гидоондо болон тэрэнэй бүхы түрэлхидтэ занга болобо.