Египедһээ гаралга 32:34 - Библи

³⁴ Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Египедһээ гаралга 32:34 ပူးပေါင်းရင်းမြစ်များ

Египедһээ гаралга 15:17

Нангин хададаа тэдэниие нютагжуулхат, Өөрын һууха байшан тэндэ баряат, тахил үргэлэй һүмэ бодхоот!

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 23:20

Харагтыл даа, Би танай урда Эльгээмэлээ эльгээхэм. Тэрэ таанадые замдатнай һахижа, Минии бэлдэһэн газарта абаашаха.

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 33:12

Моисей Эзэндэ хэлэбэ: – Энэ арадые саашань дахуула гэжэ намда айладахыеньшье айладаат, харин намтай хэниие эльгээхэеэ зарлиглаагүйт. Минии нэрэ һананаб гэжэ намда айладаа һэнта, сэдьхэлдэм намайе тааранаш гээ һэнта.

Египедһээ гаралга 33:2

Танай урда Өөрын Эльгээмэлые ябуулжа, ханаһаан, эмоор, хээт, пэриззии, хиив ба евүүс угсаатаниие үлдэхэб.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 23:2

Тиимэһээ арад түмэнииень харууһалжа байгаа удамаршад тушаа Израилиин Эзэн Бурхан иигэжэ айладхана: – Таанад Минии арад зон тушаа һанаагаа табяагүйт. Тэдэниие тараагаат, бутаруулаат. Мүнөө Би таанадые муу муухай үйлэ хэрэгүүдэйтнай түлөө хэһээхэб.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Ерэмияа 5:9

Энээнэйнь түлөө Би тэдэниие хэһээхэгүй аалби? Иимэ үндэһэтэнһөө Би үһөөгөө абахагүй юм гүб?

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Амоос 3:14

Юуб гэбэл, Израилиие гэм зэмынь түлөө шиидхэхэ үдэртөө Би мүн лэ Бэт-Ээлэй үргэлэй шэрээнүүдыешье шиидхэхэб, үргэлэй шэрээгэй эбэрнүүд таһа татагдажа, газарта унахал!

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Матвей 23:35

Тиимэһээ газар дээрэ адхарһан зэмэгүй хүнүүдэй шуһан – зэмэгүй Аабэлэй шуһанһаа эхилээд, Һүмэ тахилай шэрээ хоёрой хоорондо таанарта алуулһан Барахиинай Захарияа хүбүүнэй шуһан хүрэтэрөө – таанарһаа нэхэгдэхэ.

Хуули дабталга 32:35

Бүдэрхэдэнь, үһөөгөө абахаб, зэмыень амасуулхаб. Хосорхо сагынь дүтэлөө, удахагүй тэдэнэр хэһээгдэхэ».