Египедһээ гаралга 32:13 - Библи

¹³ Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Египедһээ гаралга 32:13 ပူးပေါင်းရင်းမြစ်များ

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 15:5

Эзэн Абрамые майханһаань гаргаад, иигэжэ айладхаба: – Огторгой өөдэ хара, одо мүшэдые тооло, харин тооложо шадаха гүш? Иимэ олон үри һадаһадтай болохош.

Эхин 15:7

Тиигээд Эзэн Бурхан Абрамда иигэжэ айладхаба: – Би болбол Эзэн гээшэб. Шамайе халдейн Үүр хотоһоо иишэнь асаржа, энэ газар нютагые эзэлэн байхыеш үгэнэб.

Эхин 17:8

Нүүжэ амидаржа байгаа энэ Ханаһаан нютагые хэтэ мүнхэдөө эзэмшэхээр шамда болон үри һадаһадташ үгэхэб. Таанадай шүтэхэ Бурхан Бил болоноб!

Эхин 22:16

– Эзэн иигэжэ айладхана: «Би шамда Өөрын нэрээр тангаригланаб. Ори ганса хүбүүгээ хайрлангүй Намда үргэхөөр бэлэн байһанайш түлөө

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

Эхин 24:7

Эзэн, юртэмсын Бурхан, намайе түрэһэн нютаг, түрэл гэрһээм хариин газар абаашахадаа, «Би шинии үри һадаһадта энэ орон нютагые үмсын эдлэлэй болгон үгэнэб» гэжэ тангариглаа юм. Эзэн Бурхан Огторгойн Эльгээмэлээ эльгээн, шинии аян зам заажа үгэхэ, зохёохо бэзэ. Тиихэдэнь ши тэндэһээ хүбүүндэмни һамга олохо бэзэш.

Эхин 48:16

Намайе ёро муухай хүсэнһөө хамгаалжа байһан Эльгээмэл эдэ хоёр хүбүүдые үреэхэнь болтогой! Минии нэрые эдэ хоёр хүбүүд залгамжалан абажа, үбгэ эсэгэнэр болохо Абраһаамай, Исаагай нэрэнүүдые уламжалан абажа ябахань болтогой! Эдэ хүбүүдэй үри һадаһадынь үй түмэн болохонь болтогой!

Египедһээ гаралга 13:11

Үбгэ эсэгэнэртэш үгэхэм гэжэ тангариглаһан Ханаһаан орондо Эзэнэй шамайе асарһан хойно

Египедһээ гаралга 13:5

Ханаһаан, хээт, эмоор, хиив ба евүүс угсаатанай анхан һууһан, һү тарагаар, бал тоһоор билтаржа байһан газар үгэхэб гэжэ эсэгэнэртэтнай Эзэн тангариглаһан юм. Эзэнэй тиишэнь таанадые оруулхада, энэ һарада алдангүй иимэ мүргэл хэдэг байхат:

Египедһээ гаралга 33:1

Эзэн Моисейдэ айладаба: – Египедһээ гаргаһан арад угсаатантайгаа эндэһээ ябагты. Хойто үеын удамдань үгэхэб гэжэ Абраһаамда, Исаагта ба Яковта тангариглаһан газар тээшэ ошогты.

Левит 26:42

Би Яковтай, Исаагтай, Абраһаамтай баталһан хэлсээгээ һанахаб, энэ газараа һанахаб даа.

Хуули дабталга 1:10

Эзэн Бурхантнай та бүгэдые үнэржүүлээ, иигэжэ мүнөө болоходо таанад огторгойн одо мүшэд мэтэ угаа олон болонхойт.

Хуули дабталга 7:8

Юундэб гэхэдэ, Эзэн таанадта дуратай; танай үбгэ эсэгэнэртэ үгэһэн шахаа тангаригаа бэелүүлхын тула Тэрэ бар хүсөөрөө таанадые Египедһээ гаргаа, фараоной засаг зонхилолтоһоо мултаруулаа, богоол байдалһаатнай сүлөөлөө.

Хуули дабталга 9:27

Абраһаам, Исаак, Яков гэдэг өөрынгөө богоолнуудые ой ухаандаа оруулыт. Энэ арадай үсэдые мартыт, тэдэнэй буруу байдал, нүгэл шэбэл хэһыень бү тоогыт.

Еврейнүүдтэ 6:13

Бурхан Абраһаамые найдуулхадаа, найдуулһанаа бэелүүлхэб гэһэн дашаа тангариг үгөө. Өөрһөөнь дээгүүр хүнэй үгы юм хада Бурхан Өөрынгөө нэрээр тангариглаа.