Египедһээ гаралга 3:8 - Библи

⁸ Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Египедһээ гаралга 3:8 ပူးပေါင်းရင်းမြစ်များ

Эхин 11:5

Эзэн хүн түрэлтэнэй барижа байһан хото самхаг хоёрые харахаяа буужа,

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

Эхин 15:13

Тиигээд Эзэн айладхал тэрээндэ буулгаба: – Шинии үри һадаһад хожом хариин газарта нүүхэ, дүрбэн зуугаад жэлэй туршада тэндэ богоол болон дарлуулха.

Эхин 15:14

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб, тиихэдэм шинии уг удам хариин нютагһаа сүлөөлэгдэхэдөө ехэ олзотой гаран ошохо.

Эхин 18:21

Доошоо буужа, бултадаа тэдэ иимэ зэмэтэй гү, али магад, булта бэшэ аалам гэжэ шалгахам.

Эхин 43:11

– Зай, яахаб, – гэбэ Израиль. – Тиигээ һаа, иимэ юумэ хэгты: энэ газар дайдын хамагай һайн бэлэг бэлдээд, тэрэ хүндөө абаашагты. Бага-багаар янза бүриин үнэ сэнтэй гүгэлнүүдые, зүгын бала, бүйлөөһэ, миндаль һамарһаашье абалсаад ошогты.

Эхин 46:4

Өөрөө шамтай суг Египет ябалсахаб. Би Өөрөө тэндэһээ шинии уг удамые гаргахаб. Наһа барахадашни, Иосиф өөрынгөө гараар нюдыеш бүглэхэ.

Эхин 50:24

Наһа барахынгаа урда тээ Иосиф аха дүүнэрээ дуудаад, иигэжэ хэлэбэ: – Минии мордохо саг дүтэлжэ байна. Гэбэшье Бурхан таанадта туһалха, энэ орон нютагһаа гаргажа, үбгэ эсэгэнэрнай болохо Абраһаамда, Исаагта, Яковта үгэхөөр тангариглаһан тэрэ орон нютаг руу абаашаха.

1 Угай бэшэг 1:15

Хиив, Архээ, Сиин,

Нэхэмьяа 9:8

Тэрэ Танда үнэн зүрхэнһөө үнэн сэхэ гэжэ мэдэхэдээ, Та тэрээнтэй хэлсээ баталаад, тэрэнэй үри һадаһадта ханаһаануудай, хээт зоной, эмооршуудай, пэриззиинүүдэй, евүүсүүдэй ба гиргаашуудай газар уһа үгэхэеэ найдуулаат. Та хэлэһэн үгэдөө хүрөөт, юуб гэбэл, Та үнэн шударгат!

Псалманууд 12:5

Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!

Псалманууд 12:6

Би Танай хайра энэрэлдэ этигэнэб! Зүрхэмни Танай абаралда баярлаха. Намайе Эзэнэй үршөөһэн тухай би дуулахаб!

Псалманууд 34:8

Мэдээгүй байтарнь хосорол тэдээндэ ерэг лэ, өөһэдын табиһан урьхада тэдэ өөһэдөө орог! Тиимэл һүйдхэлдэ тэдэниие унагаагыт!

Псалманууд 91:15

Тэдэ хүгшэрөөшье һаа, жэмэс үгэнэ, тэдэ шүүһэлиг, ногоон.

Египедһээ гаралга 12:41

Дүрбэн зуун гушан жэлэй үнгэрһэн хойно энэ һүни Эзэнэй сэрэг шэнгеэр жагсаһан арад Египедһээ мултаран гаража ошобо.

Египедһээ гаралга 12:51

Тэрэ үдэр Эзэн Израиль угсаатаниие Египедһээ сэрэг шэнгеэр жагсаан гаргаба.

Египедһээ гаралга 13:5

Ханаһаан, хээт, эмоор, хиив ба евүүс угсаатанай анхан һууһан, һү тарагаар, бал тоһоор билтаржа байһан газар үгэхэб гэжэ эсэгэнэртэтнай Эзэн тангариглаһан юм. Эзэнэй тиишэнь таанадые оруулхада, энэ һарада алдангүй иимэ мүргэл хэдэг байхат:

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 34:11

Таанадта зааһыем дууһан сахигты. Би эмоор, ханаһаан, хээт, пэриззии, хиив, евүүс угсаатаниие таанадһаа зугадуулан ябуулхаб.

Египедһээ гаралга 5:23

Фараондо ерэжэ, Танай нэрэһээ хэлэжэ эхилһээрни, бүри муухайгаар зониие харшалдаг болоол. Өөрын арад түмэниие абархын тулада Танай хэһэн юумэн алим бэ?!

Исай 36:17

Һүүлдэнь Ассириин хаан таанадые таанадай орон нютаг мэтэ иимэл орон нютагта, орооһотой ба үзэмэй дараһан архитай орон нютагта, хилээмэтэй ба уһан жэмэстэй орон нютагта абаашаха.

Исай 64:1

Оо, огторгойе хаха татан буугаа гээшэ һаатнай! Хада ууланууд урдатнай доһолхо байгаал!

Ерэмияа 11:5

Тиигэбэлнь, һүн далайн, зүгын балай урдажа байһан, мүнөө тэдэнэй эзэлжэ байгаа газар нютагые үгэхэб гэжэ элинсэг хулинсагтань тангариглаһан тангаригаа бэелүүлхэ байгааб. Би харюудань: – Мүн даа, Эзэмни! – гэбэб.

Ерэмияа 2:7

Би таанадые үрэжэлтэй һайхан газарта асаржа, тэрэнэй үрэ жэмэсээр хоолложо байхыетнай хүсөө һэм. Гэбэшье таанад Минии газар нютагые бузарлабат. Минии хубитые таанад жэгшүүритэй зүйл болгобот.

Ерэмияа 32:22

Элинсэг хулинсагтань тангариглаһанайнгаа ёһоор Та энэ баян, үрэжэлтэ һайхан газар тэдээндэ үгөөт.

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Амоос 2:10

Египедэй орон нютагһаа таанадые Би гаргаа бэлэйб, дүшэн жэлэй туршада сүл губяар хүтэлэн ябааб. Эмоор зоной газар уһые таанадай эзэмшэлгэдэ дамжуулхын тула.

Тоололго 13:18

Моисей тэдэниие Ханаһаанай газар тагнан шэнжэлхыень эльгээхэдээ тэдээндэ иигэжэ хэлээ: – Урда зүгэй орон нютагаар гаража, уула хадын оройдо гарагты.

Тоололго 13:19

Харагты тэндэһээ ямар газар бэ гэжэ. Ханаһаанай дайда дээрэ ажаһуудаг арадые хүсэтэй гү, али хүсэгүй гү, хэмгүй олон гү, али үсөөн гү гэжэ хаража тэндэһээ мэдэгты.

Тоололго 13:27

Тэдэ Параанай сүл губидахи Кадээшэй хажууда байһан хотон хүреэнүүдтэ бусажа, Моисейдэ, Аһароондо болон түрэл арадтаа хараһан-үзэһэнөө бултыень хөөрэжэ, тэндэхи газарһаа асарһан үзэм жэмэсээ улад зондоо харуулба.

Иоанн 3:13

Тэнгэриһээ буужа ерэһэн Хүн түрэлхитэнэй Хүбүүнһээ ондоо хэншье Тэнгэридэ гаража үзөөгүй ха юм.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Хуули дабталга 1:25

тэрэ нютагай жэмэс бидэндэ асаржа, һураг суу дуулган иигэжэ хэлэбэ: «Бидэндэ Эзэн Бурханаймнай бэлэглэжэ байһан дайда угаа үрэжэлтэй һайхан газар байна даа».

Хуули дабталга 1:7

Эрьежэ, аян замда гаража, эмоор обог зоной уулархаг нютаг руу ошогты, мүн оршон тойронхи хүршэнүүдтэнь – Арабаа руу, хада уулархаг нютагууд руу, тала руу, Нээгэб руу, далайн эрье руу, ханаһаануудай нютаг болон Ливаан руу, агууехэ Евфрат мүрэн хүрэтэр зоригты.

Хуули дабталга 27:3

Тэдээн дээрэ энэ һургаалай бүхы үгэнүүдые бэшэгты. Эзэн Бурханайнгаа үгэжэ байһан, һүн далайн, зүгын балай урдажа байһан газарта ороходоо,

Хуули дабталга 28:11

Шамда «үгэхэб» гэжэ найдуулһан, үбгэ эсэгэнэртэтнай тангариглаһан газар дайдада Эзэн үхи хүүгэдые таанадта олоор үршөөхэ, хони малыетнай олоор түлжүүлхэ, һайн ургаса бэлэглэхэ.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Хуули дабталга 7:1

Эзэмдэхэеэ зорижо ябаһан газартатнай Эзэн Бурханайтнай таанадые асархадань, олон арад түмэниие – хээт, гиргааш, эмоор, ханаһаан, пэриззии, хиив, евүүс – танһаа олон, хүсэтэй долоон арадые хажууһаатнай үлдэхэдэнь,

Нүүнэй Иисүүс 5:6

Юуб гэхэдэ, Израилиин хүбүүд дайлалдаха шадалтай бүхы зоной дууһан үхэтэр, дүшэн жэлдэ элһэн губида ябаа. Тэдэ зон Эзэнэй абяа дуулаагүй байгаа. Тиимэһээ эсэгэнэртэнь үгэхэб гэжэ Эзэнэй тангариглаһан һүнэй ба зүгын балай урдажа байдаг газарые тэдэ үзэхэгүй гэжэ Эзэн тангариглаа.

Нүүнэй Иисүүс 9:1

Энээниие дуулахадаа Иорданай саанахи бүхы хаашуул, хададашье, таладашье, агууехэ далайн бүхы эрьеэр байһан хаашуул, Ливаанда, Хээдтэ, Эмоорто, Ханаһаанда, Пэриззиидэ, Хиивдэ ба Евүүстэ байһан хаашуул

Нүүнэй Иисүүс 9:7

Израилиинхин хиивүүдтэ хэлэбэ: – Таанар манда дүтэ байнагүй гүт? Яажа тантай эб найрамдал тухай хэлсээ баталхабибди?