Египедһээ гаралга 3:7 - Библи

⁷ – Би Минии арадай Египедтэ зобожо байхыень харааб, харуулшадай харшалхада туһа эрижэ байхыень дуулааб; Би тэрэнэй зобоһыень мэдээб.

Египедһээ гаралга 3:7 ပူးပေါင်းရင်းမြစ်များ

Эхин 16:11

Ши хээлитэйш. Хүбүүтэй болохош. Тэрээндээ Ишмаһээл гэжэ нэрэ үгөөрэй, юундэб гэхэдэ, зоболондо ороод уйлахадаш, Эзэн шамайе дуулаа. («Ишмаһээл» гэдэгынь «Бурхан хүнэй үгэ анхаран дууладаг» гэһэн удхатай.)

Эхин 18:21

Доошоо буужа, бултадаа тэдэ иимэ зэмэтэй гү, али магад, булта бэшэ аалам гэжэ шалгахам.

Эхин 21:17

Ишмаһээлэй бархиржа эхилхэдэ, Бурхан дуулаба, тиигээд Эльгээмэл огторгойһоо Һагаарые ооголбо: – Юун болооб, Һагаар? Бурхан хүбүүнэйшни бархирхые соносоо, зоболонгыень хараа, тиимэһээ бү ай!

Эхин 29:32

Лэһаа хээлитэй боложо, хүбүү түрэбэ. – Эзэн Бурхан минии гашуудал хаража, хүбүү хайрлаа. Үбгэмни мүнөө намда дуратай болохо бэзэ, – гэжэ тэрэ хэлээд, хүбүүндээ «Рэүбээн» («Хүбүүгээ хараһан» гэһэн удхатай) гэжэ нэрэ үгэбэ.

Эхин 31:12

Тиихэдэмни тэрэ хэлэбэ: – Харыш, ямаа тэхэдэжэ байһан бүхы тэхэнүүд толботойнууд гү, али алагууд. Би Лаваанай шамайе мэхэлжэ байһые харанаб.

Эхин 31:42

Хэрбэеэ эсэгымни Бурханай, Абраһаамай Бурханай, Исаагай Түбэгшөөлэй, намда туһалаагүй һаань, би танайхиһаа гар хооһон гараха байгааб. Бурхан минии хүшэр хүндэ ажал, зоболонгыем хаража, энэ үнгэрһэн һүни намайе хамгаалаал!

2 Хаан түрэнүүд 22:28

Дарлалтада байгаашадые абарнат, бардам зониие харасаараа мүхөөнэт!

4 Хаан түрэнүүд 13:4

Ёахааз туһа эрижэ, Эзэндэ мүргэбэ. Эзэн тэрэнэй гуйлтые дуулаба. Тиигээд Тэрэ Араамай хаанай Израилиие зобоохыень хараба.

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

Нэхэмьяа 9:9

Та манай эсэгэнэрэй Египедтэ зобожо байхые хараат. Хулһата далайн дэргэдэ тэдэнэй «абарыт!» гэжэ хашхаралдахые дуулаат.

Псалманууд 12:6

Би Танай хайра энэрэлдэ этигэнэб! Зүрхэмни Танай абаралда баярлаха. Намайе Эзэнэй үршөөһэн тухай би дуулахаб!

Псалманууд 142:3

Юуб гэбэл, дайсан хойноһоом намнажа, газар руу намайе дэбһээ, үнинэй үхэһэн мэтээр намайе харанхыда байлгуулаа.

Псалманууд 34:4

Намайе алахаяа һанагша зонтой эшхэбтэр байдал, аягүй ушар тохёолдог лэ. Намда муу һанаашархагшад эшэн һөөргөө бусаг лэ.

Псалманууд 34:6

Замынь харанхы, халтирхай байг, Эзэнэй Эльгээмэл тэдэниие тууг.

Псалманууд 9:14

Эзэн, намайе үршөөгыт! Дайсад намайе зобоожо байнал, харыт! Үхэлэй хаалгаһаа намайе бодхоонот.

Египедһээ гаралга 1:11

Израилиин зондо хүшэр ажал хүүлэжэ, шадалаа баратарынь зараха зорилгоор хинагша харуулшадые табиба. Хоол хүнэһэ тусхай нөөсэлдэг Питоом, Раамсээс гэжэ хотонуудые израильшуудые хүсөөр баалажа барюулба.

Египедһээ гаралга 1:8

Египедтэ Иосифые мэдэхэгүй шэнэ фараон Египедэй хаан шэрээдэ һууба.

Египедһээ гаралга 22:23

Бэлбэһэн эхэнэр болон үншэдые бү харшала.

Египедһээ гаралга 33:13

Тиимэ һаань, замаа мэдүүлыт, һанаандатнай таараха юумэ минии хэхын тулада Таниие ойлгохо арга олгуулыт. Эдэ зон Танайл арад ха юм!

Египедһээ гаралга 5:10

Харуулшад, хинагша дарганар газаа гараад, зондо соносхобо: – Һолоомо танда үгэхэгүй гэжэ фараон захирал үгэбэ.

Египедһээ гаралга 5:6

Тэрэл үдэртөө фараон харуулшадтаа ба хинадаг дарганартаа иигэжэ захирба:

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Хэрэгүүд 7:34

Би Минии арадай Египедтэ зобожо байхыень харааб, гэнэн ёолохые дуулааб, тиимэһээ тэдэниие аршалан сүлөөлхын тула газар дэлхэйдэ буужа ерээб. Ши яба, Би шамайе Египет эльгээнэб», – гэжэ хэлэбэ.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.