Египедһээ гаралга 3:6 - Библи

⁶ – Би шинии үбгэ эсэгын Бурхан гээшэб, – гэжэ удаань Тэрэ айладаа. – Абраһаамай Бурхан, Исаагай Бурхан, Яковай Бурхан гээшэб. Моисей Бурхан тээшэ харахаяа зүрхэлэнгүй, нюураа халхалаад байба.

Египедһээ гаралга 3:6 ပူးပေါင်းရင်းမြစ်များ

Эхин 12:1

Нэгэтэ Эзэн Абрамда иимэ айладхал буулгаба: – Энэ орон нютагаа, түрэлхидөө, эхэ эсэгын гэр байраа орхи. Минии зааһан газар дайда ошо.

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 17:3

Абрам газар мүргэн һүгэдэбэ. Бурхан тэрээндэ хандан, үгэеэ үргэлжэлүүлбэ:

Эхин 24:12

Тиихэдэнь Абраһаамай зараса иигэжэ Эзэниие гуйба: – Эзэн Бурхан, минии эзэн Абраһаамай Бурхан! Абраһаам эзэндэмни үршөөл хайраяа үзүүлжэ, зориһон хэрэгыемни мүнөөдэр бүтэмжэтэй болгыт!

Эхин 26:24

Тэрэ һүнинь Эзэн тэрээндэ үзэгдэжэ, иигэжэ айладхаба: – Би шинии эсэгэ Абраһаамай шүтэдэг Бурхан гээшэб. Юунһээшье бү ай. Намда үнэн сэхэ зараса Абраһаамда айладхаһанай ёһоор, Би хододоо шамай анхаржа, үреэл хайраяа элирхэйлжэ, үреэжэ, уг удамыеш олошоруулхаб.

Эхин 28:13

Эзэн гэшхүүрэй оройдо зогсоод, Яковта иигэжэ айладхажа байба: – Би Эзэн Бурхан мүнби! Шинии эсэгэнэр болохо Абраһаамай, Исаагай шүтэн зальбардаг Бурхамби. Энэ нэмжын байһан газарые Би шамда болон шинии уг удамда үгэнэб.

Эхин 28:17

Тэрэ айн һүрдэжэ, гэнтэ иигэжэ дуугараа һэн: – Ямар аймшагтай газар гээшэб! Энээхэн хэһэг газар болбол Бурханай үргөө, Огторгойн орон руу орохо үүдэн болоно гээшэл!

Эхин 31:42

Хэрбэеэ эсэгымни Бурханай, Абраһаамай Бурханай, Исаагай Түбэгшөөлэй, намда туһалаагүй һаань, би танайхиһаа гар хооһон гараха байгааб. Бурхан минии хүшэр хүндэ ажал, зоболонгыем хаража, энэ үнгэрһэн һүни намайе хамгаалаал!

Эхин 32:9

Тиигээд Яков Эзэн Бурханда мүргэн зальбарба: – Үбгэ эсэгэ Абраһаамай, минии эсэгэ Исаагай Эзэн Бурхан! «Түрэһэн нютагаа, түрэл сададаа ши буса. Тэндэ шамда һайн һайханиие Би үгэхэб» гэжэ Та намда айладаа бэлэйлта.

3 Хаан түрэнүүд 18:36

Үдэшын тахил үргэхэ сагай болоходо, Элияа лүндэншэ урагшаа гаража, иигэжэ зальбарба: – Абраһаамай, Исаагай болон Израилиин Эзэн Бурхан! Өөрыгөө Израилиин Бурхан мүн гэжэ, Танай захирһанай ёһоор минии, богоолойтнай, эдэ бүгэдые ябуулһаниие мүнөө батадхыта!

3 Хаан түрэнүүд 19:13

Тэрэниие дуулахадаа, Элияа нюураа нэмэргээрээ орёожо, агын аманда гаража зогсобо. Зай, тэрэ дуу шэмээ тэрээнһээ иигэжэ асууба: – Элияа, юу эндэ хэнэбши?

Нэхэмьяа 9:9

Та манай эсэгэнэрэй Египедтэ зобожо байхые хараат. Хулһата далайн дэргэдэ тэдэнэй «абарыт!» гэжэ хашхаралдахые дуулаат.

Эстээр 3:4

Үдэр бүри тэдэ иигэжэ тэрээндэ хэлэхэдэнь, Мордохай «би иудей хүн гээшэб» гэжэ хэлээд, һүгэдэн байхаһаа арсадаг байба. Мордохай яагша ааб гэжэ харахын тула тэдэ энээн тухай Һамаанда хоблон мэдүүлбэ.

Псалманууд 132:2

Энэ болбол Аһарооной һахал руу, удаань дэгэлэйнь заха руу мэтэ энэ хүнэй толгой дээрэһээ һахал руунь урдажа байгааша оливын үнэтэй тоһондол адли,

Египедһээ гаралга 15:2

Хүсэн түгэлдэр Эзэн минии Бурхан, Алдар соломни, абарални бологшо Ашата Бурхамни! Элинсэгэйм, эсэгым Бурхан болоо. Эгүүридэ Тэрэнэй соло дуудахалби!

Египедһээ гаралга 29:45

Израиль угсаатанай дунда ходо байжа, тэдэнэй Бурханиинь болохоб.

Египедһээ гаралга 3:16

Ошо, Израилиин аха захатаниие суглуула. Тэдээндэ иигэжэ дуулга: таанадай эсэгэнэрэй, Абраһаамай, Исаак ба Яковай Бурхан болохо Эзэн намда ерэжэ, иигэжэ айладаал: «Би Египедтэ ямар байдалтай байһыетнай харабаб.

Египедһээ гаралга 33:20

Харин Минии нюур хаража шадахагүйш. Ямаршье хүн Минии нюур хараад, амиды үлөө гэжэ байгаагүй юм.

Египедһээ гаралга 4:5

– Энэ хадаа Эзэнэй, тэдэнэй эсэгэнэрэй – Абраһаамай, Исаак ба Яковай Бурханай, шамда үзэгдэһэнэй гэршэ гэжэ зон ойлгог, – гэжэ Эзэн айладхаба.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:38

Тиихэдэм тэдэ Минии арад түмэн, Би тэдэнэй Бурхан болон байхаб.

Эзэкээл 11:20

Тиигээд тэдэ Минии хуулинуудые сахижа, Минии ёһо гуримуудые дүүргэжэ ябаха. Тэдэ Минии арад түмэн, Би тэдэнэй Бурхан болохоб.

Захарияа 8:8

Би тэдэниие һөөргэнь асаржа, Иерусалимда байрлуулхаб. Тэдэ Минии арад түмэн боложо, Би үнэн сэхэ Бурханиинь болохоб».

Матвей 17:6

Энэ абяае дуулахадаа, шабинарынь ехээр айжа, уруугаа хаража газарта унаба.

Марк 12:26

Зай, саашань үргэлжэлүүлбэл, үхэһэн зоной амидырха тухай таанад Моисейн номдо уншаагүй аалта? Шатажа байһан һөөг бургааһан сооһоо Бурхан Моисейдэ: «Би Абраһаамай Бурхан, Исаагай Бурхан, Яковай Бурханби», – гэжэ хэлээ һэн.

Лука 20:37

Тиин Моисейшье шатажа байһан һөөг модон тухай туужа соогоо үхэһэн хүнүүдэй амидырха тухай батална. Ушарынь юуб гэбэл, Моисей Эзэниие Абраһаамай Бурхан, Исаагай Бурхан, мүн Яковай Бурхан гэжэ нэрлэнэ ха юм.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Хэрэгүүд 7:32

«Би шинии үбгэ эсэгэнэрэй, Абраһаамай, Исаагай, Яковай Бурханби». Моисей айн шэшэржэ, Тэрээн тээшэ харахаяашье зүрхэлбэгүй.

Хэрэгүүд 7:34

Би Минии арадай Египедтэ зобожо байхыень харааб, гэнэн ёолохые дуулааб, тиимэһээ тэдэниие аршалан сүлөөлхын тула газар дэлхэйдэ буужа ерээб. Ши яба, Би шамайе Египет эльгээнэб», – гэжэ хэлэбэ.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Еврейнүүдтэ 11:16

Харин тэдэнэр үлүү һайн, тэнгэриин орон нютагта зорижо байба. Тиимэһээ Бурхан тэдэнэй Бурханби гэхэдээ тэдэнһээ эшэдэггүй: Бурхан тэдэ зондо хото бэлдээд байна.

Еврейнүүдтэ 12:21

Энэ үзэгдэлэй ехэл һүртэй байһан хадань, Моисейшье: «Би айн һүрдэжэ, һалагананаб», – гээ.

Гэршэлгэ 1:17

Тэрэниие харамсаараа, би үхэһэн шэнгеэр хүлэйнь хажууда унашабаб. Тиихэдэмни Тэрэ баруун гараа мүрэ дээрэмни табяад, намда иигэжэ хэлэбэ: – Бү ай; Би хадаа Түрүүшынхинь, Һүүлшынхинь гээшэб,

Ударидагшад 13:22

Манооһаа ухаа алдажа, өөрынгөө һамганда иигэжэ хэлэбэ: – Бидэ Бурханиие хараһан тула үхэхэмнайл!