Египедһээ гаралга 3:20 - Библи

²⁰ Би Өөрын хүсэтэ гар Египет руу һунаахаб, эди шэдеэрээ элдэб гайхамшаг үзэгдэл харуулхаб – тиихэдэм лэ таанадые табиха.

Египедһээ гаралга 3:20 ပူးပေါင်းရင်းမြစ်များ

Эхин 15:14

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб, тиихэдэм шинии уг удам хариин нютагһаа сүлөөлэгдэхэдөө ехэ олзотой гаран ошохо.

Нэхэмьяа 9:10

Тэдэниие египедшүүдэй доромжолон зобоохые мэдэхэдээ, Та фараондо, тэрэнэй бүхы зарасануудта, тэрэ ороной бүхы хүн зондо дүлгэ тэмдэг, шэдитэ үйлэ харуулжа, гайхуулаат. Та мүнөөшье болотор мартагдашагүй алдар соло олоот.

Псалманууд 105:27

уг удамынь хариин газарта унажа, арадуудай дунда шэнгэжэ үгы болохын тула.

Псалманууд 105:38

Ямаршье гэмгүй зоной шуһа урасхуулжа, хүбүүд, басагадайнгаа шуһа урасхуулжа, Ханаһаанай онгонуудта тахил болгон үргэдэг байгаа. Иигэжэ газарай хүрьһэн тэрэ шуһанһаа боложо бузартаба.

Псалманууд 106:22

Баяр хүргэһэнэй үргэл тэдэ хэнэ, Тэрэнэй хэһэн юумэ баяртай тунхаглана.

Египедһээ гаралга 11:1

Эзэн Моисейдэ айладаба: – Үшөө нэгэ гай тодхор фараондо болон Египедэй газарта табихам гээшэ, тэрэнэй һүүлээр одоошье таанадые табиха. Табихаһаа байтагай эндэһээ түргөөр намнаха гэжэ оролдохо.

Египедһээ гаралга 12:39

Египедһээ үлдүүлхэдээ, харгыдаа эдихэ эдеэ бэлдэжэ үрдеэгүй, яаралтай гараһан тэдэ эһэжэ үрдеэгүй талхаяа болгожо эдибэ.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 15:6

Эзэн! Гартнай шанга, хүсэтэй! Эзэн! Гартнай дайсаниие нэрбээ!

Египедһээ гаралга 4:21

Эзэн Моисейдэ айладаба: – Би шамда шэдитэ хүсэ үршөөбэб. Египет бусахадаа, Минии шамда даалгаһан эди шэдитэ үзэгдэлнүүдые фараоной хараһаар байтар бэелүүлээрэй. Би зорюута тэрэнэй үсэдынь хүдэлгэхэб: таанадые тэрэ табихагүй.

Египедһээ гаралга 6:1

– Фараондо юу хэхыем харахаш даа; Минии хүндэ гарай баалалтаар удамайш зониие тэрэ табиха, табихаһаа байтагай орон нютагһаа үлдэжэ гаргаха, – гэжэ Эзэн Моисейдэ харюусаба.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Египедһээ гаралга 9:15

Хүсэтэ гараа далайжа, шамда ба шинии албатан арадта тарбаган тахал халдахаагаа һаам, газарай нюрууһаа үгы болохо һэнта.

Исай 19:22

Эзэн Египедэй зониие хэһээхэ, хэһээгээшье хадаа эдэгээхэ. Тэдэнэй Өөртэнь хандахада, Эзэн гуйлтыень дуулажа, эдэгээхэл.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Михей 7:15

Египедһээ гараад ябахадамнай харуулһан гайхамшагта үзэгдэлнүүдээ бидэндэ харуулыт, Эзэн!

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 6:22

Тэрэ дүлгэ тэмдэгүүдые, гайхамшагта үзэгдэлнүүдые, хэһээлтэнүүдые Египедтэ, фараондо, түшэмэлнүүдтэнь манай хараһаар байтар хэһэн, харуулһан гээшэ.

Ударидагшад 6:8

Эзэн тэдээндэ Лүндэншэеэ эльгээбэ. Лүндэншэн тэдээндэ иигэжэ хэлэбэ: – Эзэн, Израилиин Бурхан таанадта иигэжэ хэлэнэ: «Би таанадые Египедһээ, богоолшолгын гэрһээ гаргааб.

Ударидагшад 8:16

Тэрэ Суккоот хотын аха захатадые баряад, тэдэниие хэһээжэ, адаалхай үүргэнын болон нохойн хоншоорой эшэнүүдээр шабхадаба.