Египедһээ гаралга 3:13 - Библи

¹³ Моисей Бурханда үгэлбэ: – Зай, би Израиль угсаатанда ерэжэ хэлэбэ гэлэйб: «Эсэгэнэрэйтнай Бурхан намайе таанадта эльгээбэ». Харин тэдэ намһаа иигэжэ асуухал: «Тэрэ Бурханайш нэрэ хэн бэ?» Тиихэдэнь юун гэжэ харюусаха болонобиб?

Египедһээ гаралга 3:13 ပူးပေါင်းရင်းမြစ်များ

Эхин 32:29

– Өөрынгөө нэрэ намда хэлыт! – гэжэ Яковай гуйхада, – Ши Минии нэрэ мэдээд яаха гээбши? – гэжэ Тэрэнь харюусаад, үреэл табяад, ошобо.

Египедһээ гаралга 15:3

Дайн байлдаанда хатуу Эзэн! Тэрэнэй нэрэ – Эзэн!

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Египедһээ гаралга 3:14

Бурхан Моисейдэ айладаба: – Би болбол БИ ХЭТЭДЭЭ ОРШОГШО гээшэб. Израиль угсаатанда «БИ ХЭТЭДЭЭ ОРШОГШО намайе таанадта эльгээгээ» гэжэл хэлээрэй.

Египедһээ гаралга 3:15

Бурхан үшөө иигэжэ айладаа: – Танай эсэгэнэрэй – Абраһаамай Бурхан, Исаагай Бурхан, Яковай Бурхан болохо Эзэн намайе эльгээгээ гэжэ Израилиин хүбүүдтэ хэлэхэш. Минии нэрэ хэтэдээ тиимэ, Намайе угһаа угта тиигэжэл дурдадаг байха зэргэтэй.

Египедһээ гаралга 7:16

иигэжэ тэрээндэ хэлэхэш: «Сүл губида ошожо Намда үргэл хэхыень Минии арадые табииш», – гэжэ Эзэн, еврейнүүдэй Бурхан, шамда дамжуулаа. Харин ши мүнөө болотор үгыень дууланагүйш.

Һургаал 30:4

Хэн тэнгэри өөдэ ошоод, буужа ерээб? Хэн һалхиие гартаа адхажа байгааб? Хэн уһа хубсаһандаа суглуулааб? Хэн дэлхэйн хамаг хизаарые тогтоогооб? Тэрэнэй нэрэ болон хүбүүнэйнь нэрэ хэн бэ? Та үнэхөөр мэдэнэ ёһотойт.

Исай 52:6

Тиимэһээ арад түмэмни нэрыем мэдэдэг болохо, тэдээнтэй Минии хөөрэлдэһые, энэ Минии байһые тэдэ ойлгохо!»

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Ударидагшад 13:17

Манооһаа Эзэнэй Эльгээмэлһээ иигэжэ асууба: – Шинии хэлэһэн үгын бэелүүлэгдэхэдэ, бидэнэр шамайе магтан алдаршуулха гэнэбди. Тиимэһээ ши бидэндэ өөрынгөө нэрые хэлэжэ хайрлыш.

Ударидагшад 13:6

Тэрэ эхэнэр өөрынгөө үбгэндэ гүйжэ ерээд, иигэжэ хэлэбэ: – Бурханай хүн намда ерээл. Тэрэнэй шарайнь аймшагтай байба. Би тэрэнэй хаанаһаа ерэһые һураагүйб. Тэрэ намда нэрэеэшье хэлээгүйл.