Египедһээ гаралга 3:12 - Библи

¹² – Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Египедһээ гаралга 3:12 ပူးပေါင်းရင်းမြစ်များ

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Эхин 15:8

– Агууехэ Эзэмни! Теэд энэ газар минии болохо гээд би яажа мэдэхэбиб, үгэеэ бэелүүлхээ баталжа үгыт! – гэжэ Абрам гуйба.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 31:3

Эзэн тэрээндэ иигэжэ айладхаба: – Ши үбгэ эсэгынгээ, түрэл гаралайнгаа нютаг буса. Би хододоо шамтай байлсахаб.

4 Хаан түрэнүүд 19:29

Хэзэкияа, шамда юун болохоб гэжэ харуулһан дүлгэ тэмдэг үгтэнэ: Түрүүшын жэлдэ зэрлиг таряанһаа ургаһан ороооһо түүгты! Тиигээд хойто жэлдэ өөрөө ургаһан орооһо суглуулагты! Гурбадахи жэлдээ тариһан таряагаа хуряагаад, эдигты! Уһан жэмэсэй эшэнүүдые һуулгаад, уһан жэмэсэй үрэһэ эдигты!

1 Угай бэшэг 9:20

Эльазаарай хүбүүн Пинэһаас тэдэнэрэй дарга байха үедэ Эзэн тэдэнэртэй байгаа.

Египедһээ гаралга 3:1

Моисей мидиан угсаатанай газарта хадам эсэгэнь болоһон Итроо санаартанай хони адуулдаг һэн. Нэгэтэ хонидоо сүл губи руу тууһаар туужа, Бурханай хада Хорээб тээшэ дүтэлэн ерэбэ.

Египедһээ гаралга 3:13

Моисей Бурханда үгэлбэ: – Зай, би Израиль угсаатанда ерэжэ хэлэбэ гэлэйб: «Эсэгэнэрэйтнай Бурхан намайе таанадта эльгээбэ». Харин тэдэ намһаа иигэжэ асуухал: «Тэрэ Бурханайш нэрэ хэн бэ?» Тиихэдэнь юун гэжэ харюусаха болонобиб?

Египедһээ гаралга 33:14

– Би Өөрөө тантай ябажа, шамда туһалхаб, – гэжэ Эзэн айладаба.

Египедһээ гаралга 4:12

Зай, иигээд ошо. Шинии аманһаа үгын гарахада, Би байлсахаб, юу хэлэхыешни һургахаб.

Египедһээ гаралга 4:15

Тэрээндэ ши бүхы юумэ ойлгуулхаш. Хэлэхэ юумээ тэрэнэй амаар хэлэдэг байхаш. Харин юумэ хэлэхэ үедэтнай Би Өөрөө байлсахаб гэжэ хэлэнэ бэшэ аалби; юу хэхыетнай Өөрөө заахаб.

Египедһээ гаралга 8:27

Үгы даа, бидэ сүл губи руу гурбан үдэрэй зайда ошожо, манай Эзэн Бурханай хүндэлэлдэ үргэл бүтээхэ ёһотойбди, – гэбэ.

Исай 37:30

Хэзэкияа, шамда юун болохоб гэжэ харуулһан дүлгэ тэмдэг үгтэнэ: Түрүүшын жэлдэ зэрлиг таряанһаа ургаһан ороооһо түүгты! Тиигээд хойто жэлдэ өөрөө ургаһан орооһо суглуулагты! Гурбадахи жэлдээ тариһан таряагаа хуряагаад, эдигты! Уһан жэмэсэй эшэнүүдые һуулгаад, уһан жэмэсэй үрэһэ эдигты!

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Ерэмияа 1:8

Хэнһээшье бү ай, аршалхын тула Би шамтай хамта байнаб. Энэ болбол Би, Эзэн, айладхажа байна мүн! – гэбэ.

Тоололго 16:28

Моисей иигэжэ хэлэбэ: – Өөрын дура зоргоор бэшэ, харин Эзэнэй эльгээхэдэ, эдэ бүгэдые минии бүтээһые таанад мүнөө иимэ юумэнһээ мэдэхэт:

Тоололго 23:21

Яковта тэрьедэлгэ харагданагүйл! Израильда гай тодхор болохогүйл! Тэдээнтэй хамтал Эзэн Бурхан! Тэдээнтэй хамтал Хаан гээд зар тунхагтай!

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Хэрэгүүд 11:21

Эзэн тэдэнээр байлсажа, ехэ олон зон Тэрээндэ һүзэглэн хандаба.

Хэрэгүүд 7:7

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб», – гэжэ Бурхан хэлээ. «Һүүлдэ тэрэ һууриһаа нүүгээд, энэ һууринда ерээд, Намда мүргэжэ байха», – гэжэ Бурхан баһа хэлээ.

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Хуули дабталга 31:23

Удаань Эзэн Нүүнэй хүбүүн Иисүүстэ захирба: – Хатуу шанга, эрэлхэг зоригтой бай, юуб гэхэдэ, Израилиин арад түмэниие Минии тангариглан найдуулһан газарта хүтэлэн абаашахаш. Би шамтай суг байхаб.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Ударидагшад 6:12

Эзэнэй Эльгээмэл Гидооной урдань бии болоод, тэрээндэ иигэжэ айладаба: – Хүсэтэй сэрэгшэ, Эзэн шамтай оршоно.

Ударидагшад 6:16

Тиихэдэнь Эзэн тэрээндэ иигэжэ айладаба: – Би шамтайб! Ши нэгыньшье үлөөнгүйгөөр бүхы мидиануудые үгы хэхэш.

Ударидагшад 6:17

Гидоон Тэрээндэ иигэжэ хэлэбэ: – Хэрбэеэ Танда һайшаагдабални, Та, Эзэн энэ гээшэб гэжэ дүлгэеэ намда харуулыт.

Ударидагшад 6:21

Эзэнэй Эльгээмэлэй гартаа баригша һүлдэ тулгуурайнгаа үзүүрээр мяханда болон шаангида хүрэхэдэнь, тэрэ шулуунһаа гал гараад, Гидооной асарһан мяхые болон шаангиие тэрэ гал үрэбхиһэн юумэдэл үгы хэжэрхибэ. Эзэнэй Эльгээмэлшье тэрэ дары үгы болошобо.

Ударидагшад 7:11

Тэдэнэй майхан хүреэндэ ошоод, тэдэнэй юун гэжэ хөөрэлдэхыень шагна. Тиигэбэл, ши тэдээндэ добтолхоһоо айхагүйш. Гидоон ба тэрэнэй зараса Пураа хада руу буужа, ара үбэргүйгөөр зэбсэгжэһэн дайсадай сэрэгтэ ерэбэ.

1 Хаан түрэнүүд 14:10

Хэрбээ тэдэнэй «маанад руу ерэгты» гэбэл, бидэ үгсэн ошохобди. Юуб гэхэдэ, энэ хадаа Эзэн тэдэниие манай гарта үгөө гэһэн дүлгэ тэмдэг бидэндэ болохо, – гэжэ хэлэбэ.