Египедһээ гаралга 3:10 - Библи

¹⁰ Иимэ ушарһаа Би шамайе фараондо эльгээхэм: Минии арадые, Израиль угсаатаниие Египедһээ гаргыш даа.

Египедһээ гаралга 3:10 ပူးပေါင်းရင်းမြစ်များ

Эхин 15:13

Тиигээд Эзэн айладхал тэрээндэ буулгаба: – Шинии үри һадаһад хожом хариин газарта нүүхэ, дүрбэн зуугаад жэлэй туршада тэндэ богоол болон дарлуулха.

Эхин 15:14

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб, тиихэдэм шинии уг удам хариин нютагһаа сүлөөлэгдэхэдөө ехэ олзотой гаран ошохо.

Псалманууд 105:26

Сүл губида хосорхынь тула Тэрэ гараа далайгаа –

Псалманууд 77:20

Тэрэ хабсагайе хахалжа, уһан урдаа, горход зурыгаа. Хилээмэ үгэжэ шадаха аалам? Арад түмэнөө мяхаар хооллуулха гү?».

Египедһээ гаралга 12:40

Израиль угсаатан Египедтэ дүрбэн зуун гушан жэлэй туршада һуугаа бэлэй.

Египедһээ гаралга 12:41

Дүрбэн зуун гушан жэлэй үнгэрһэн хойно энэ һүни Эзэнэй сэрэг шэнгеэр жагсаһан арад Египедһээ мултаран гаража ошобо.

Египедһээ гаралга 33:12

Моисей Эзэндэ хэлэбэ: – Энэ арадые саашань дахуула гэжэ намда айладахыеньшье айладаат, харин намтай хэниие эльгээхэеэ зарлиглаагүйт. Минии нэрэ һананаб гэжэ намда айладаа һэнта, сэдьхэлдэм намайе тааранаш гээ һэнта.

Египедһээ гаралга 33:13

Тиимэ һаань, замаа мэдүүлыт, һанаандатнай таараха юумэ минии хэхын тулада Таниие ойлгохо арга олгуулыт. Эдэ зон Танайл арад ха юм!

Египедһээ гаралга 6:26

Израилиин хүбүүдые сэрэг шэнгеэр жагсаагаад, Египедэй газарһаа гаргагты гэжэ Эзэнэй зонхилһон Аһароон Моисей хоёр болоно.

Һошээ 12:13

Египедтэхи богоол ядуу байдалһаа Израилиин арад түмэниие абархын тула Эзэн лүндэншөө эльгээгээ, лүндэншөөр дамжан, арадаа харууһалаа һэн.

Михей 6:4

Египедэй газар дайдаһаа, богоол байдалһаа шамайе абаран гаргаа һэм. Шамайе дахуулан ябахыень Моисей, Аһароон болон Мириамые эльгээгээ һэм.

Хэрэгүүд 7:34

Би Минии арадай Египедтэ зобожо байхыень харааб, гэнэн ёолохые дуулааб, тиимэһээ тэдэниие аршалан сүлөөлхын тула газар дэлхэйдэ буужа ерээб. Ши яба, Би шамайе Египет эльгээнэб», – гэжэ хэлэбэ.

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Хэрэгүүд 7:6

«Шинии үри һадаһад хариин газарта нүүхэ, дүрбэн зуугаад жэлэй туршада богоол болон дарлуулха.

Хэрэгүүд 7:7

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб», – гэжэ Бурхан хэлээ. «Һүүлдэ тэрэ һууриһаа нүүгээд, энэ һууринда ерээд, Намда мүргэжэ байха», – гэжэ Бурхан баһа хэлээ.

Ударидагшад 6:14

Эзэн тэрэниие хараад, иигэжэ айладаба: – Ши хүсэтэйш. Ошо, мидиануудай гарһаа израильшуудые абара. Мүнөө Би шамайе эльгээнэб!

1 Хаан түрэнүүд 12:6

Тиихэдэнь Самуил арад зондо: – Моисей, мүн Аһароониие томилһон, таанадай үбгэ эсэгэнэрые Египедһээ гаргаһан Эзэн гэршэ мүн.

1 Хаан түрэнүүд 12:8

Яковай Египедтэ ерэхэдэ, танай үбгэ эсэгэнэрэй Эзэндэ хашхаран байжа мүргэхэдэ, Эзэн Моисей болон Аһароониие эльгээжэ, тэдэ танай үбгэ эсэгэнэрые Египедһээ гаргаа, энэ газарта һуурижуулаа.