Египедһээ гаралга 27:21 - Библи

²¹ Аһароон ба тэрэнэй хүбүүд Намтай Уулзалгын Майхан һүмэ соо, хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Израилиин зон энэ тогтоол хэтэ мүнхэдөө, үеһөө үедэ сахин байха болоно.

Египедһээ гаралга 27:21 ပူးပေါင်းရင်းမြစ်များ

Эхин 1:5

Тиигээд Тэрэ туяа гэрэлые «үдэр» гэжэ нэрлэбэ, харин харанхые «һүни» гэбэ. Үдэшэ болоод, үглөө эхилэн, нэгэдэхи үдэр үнгэрбэ.

Эхин 1:8

Хоёр уһа илгаһан зүйлые Тэрэ «тэнгэри» гэжэ нэрлэбэ. Иигээд үдэшэ үнгэржэ, һүни болоод, үглөө эхилэн, хоёрдохи үдэр үнгэрбэ.

2 Угай бэшэг 13:11

Үглөө, үдэшэ бүхэндэ тэдэ Эзэндэ түгэс шатаалта үргэл үргэнэ, уталгануудые ууюулна, сэбэр шэрээ дээрэ талхан үргэл табина, үдэшэ бүри алтан дэн, бусад дэнгүүдые носооно; бидэ Эзэн Бурханайнгаа һургаал сахинабди, харин таанад тэрэниие орхинхойт.

Псалманууд 134:1

Эзэниие магтагты! Эзэнэй нэрэ магтагты! Эзэнэй зарасанар, магтагты!

Египедһээ гаралга 12:14

Энэ үдэрые дурсажа байгты. Хойшодоо үеын үедэ энэ Эзэнэй һайндэр гэжэ тэмдэглэжэ байгты. Энэтнай таанадта хэтын тогтоол болоно.

Египедһээ гаралга 16:34

Эзэнэй Моисейдэ захирһаарнь, Аһароон Хэлсээнэй ханзын хажууда амһарта соо сагаан будаа хадагаламжада табиба.

Египедһээ гаралга 25:16

Ханза соо Хэлсээнэй бэшэг хадагалхыетнай Би үгэхэб.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Египедһээ гаралга 29:28

Израилиинхин үхэр мал үргэхэдөө, эдэл хубинуудые Аһароондо, тэрэнэй хүбүүдтэ үгэхэ ёһотой. Израилиин уг удамда хэтэ наһандаа сахигдаха ёһо гурим энэ мүн. Израилиин зон амгалан байдалай үргэлһөө Эзэндэ мүн лэ үргэхэ ёһотой.

Египедһээ гаралга 29:42

Түгэс шатаалта энэ үргэлые таанад саг үргэлжэ, үеһөө үедэ майхан һүмын үүдэнэй хажууда үргэдэг байхат. Би тэндэ таанадтай уулзадаг, шамтай хөөрэлдэдэг байхаб.

Египедһээ гаралга 29:44

Майхан һүмые болон үргэлэй шэрээ нангин болгохоб. Аһароон болон тэрэнэй хүбүүдые адислажа, Минии санаартад болгохоб.

Египедһээ гаралга 30:21

тэдэ хүл, гараа угааха ёһотой. Үгы гэбэл, үхэхэ. Аһароон болон тэрэнэй уг удамда үеһөө үедэ дамжуулагдаха хуули гурим гэбэл, энэ мүн.

Египедһээ гаралга 30:36

Тэрээниие нюдэжэ, Минии шамда ерэжэ уулзадаг майхан һүмэ соо хэлсээнэй бэшэгэй урда ууюулдаг байхаш. Эдэ хадаа таанадта нангинай нангин зүйл болог.

Египедһээ гаралга 40:3

Тэрээн руугаа хэлсээнэй ханзаяа оруулаад, хүшэгөөр халхалаарай.

Левит 10:9

– Ши болон шинии хүбүүд майхан һүмэ руу ороходоо, үзэмэй дараһан архи болон алибаа һогтохо унда бү уугты, үгы һаа, таанад үхэхэт. Энэ хадаа таанадта үеын үедэ мүнхэ хуули ёһо болоно.

Левит 16:34

Энэ хадаа танда мүнхэ захяа зарлиг болог: жэлэй нэгэ дахин израильшуудые бүхы нүгэл хилэнсэһээнь арюудхаха гэһэн Эзэнэй хэлэһэн зарлигаар Моисей бүтээбэ ха.

Левит 17:7

Саашадаа Бурханда урбан, альбан шүдхэртэ һүгэдэжэ, үргэл хэхэгүйнь тула, энэ хадаа тэдэнэртэ угайнь хэтэ мүнхын захяа тогтоол болоно гээшэ.

Левит 23:14

Бурхандаа үргэл үргэхэһөө урид хилээмэ, хатааһан таряа, шэнэ таряа бү эдигты. Энэ хадаа үеын үедэ бүхы гэр бүлэдэтнай сахиха мүнхэ тогтоол хуули гээшэ.

Левит 23:21

Энэ үдэр нангин үргэл, мүргэл хэгты, ямаршье ажал бү хэгты. Энэ хадаа таанадта бүхы үеын үедэ сахиха мүнхэ тогтоол хуули гээшэ.

Левит 24:2

– Израильшуудта иигэжэ захира: Зула ходо бадараажа байхын тула тэдэ шамда гараараа худхаһан модоной сэбэр тоһо асараг.

Левит 24:3

Аһароон майхан һүмэ соо хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Энэ танай үеһөө үедэ дамжаха мүнхэ тогтоол гээшэ.

Левит 24:9

Эдэ хилээмэн Аһарооной ба уг удамайнь болохо. Эдихэдээ, нангин газарта эдихэ хэрэгтэй, юуб гэхэдэ, энэ хадаа Эзэнэй үргэлнүүдэй аргагүй ехэ нангинай нангиниинь гээшэ. Энэ хадаа мүнхэ тогтоол мүн.

Левит 3:17

Ямаршье амитанай өөхэ, шуһые бү эдигты гэһэн хуулиие үеһөө үедэ, хаанашье ажаһуубал, хэтэ мүнхэдөө сахиха ёһотойт.

Левит 3:8

тархи дээрэнь гараа табяад, майхан һүмын дэргэдэ амиинь таһалаг. Аһарооной хүбүүд шуһаарнь үргэлэй шэрээ зүг бүхэнһөөнь сабдан сүршэг.

Левит 6:15

Тиигээд санаарта нэгэ адха шэниисын талха, оливын тоһо, байһан бүхы гүгэл абаад, үргэлэй шэрээ дээрэ шатааха. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Левит 7:36

Оливын тоһо түрхижэ, һахилда хүртүүлһэн үдэрһөө хойшо тэдээндэ израильшууд хэтэ мүнхэдөө, үеһөө үе дамжан, иимэ хуби үгэдэг байха гэжэ Эзэн захирһан байна.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Тоололго 18:23

Уулзалгын майхан һүмэ соо гансал левидүүд алба хэхэ, буруу юумэнэй болобол, гансал тэдэ харюусаха. Энэ хуули үеһөө үедэ дамжан үргэлжэлхэнь болтогой! Минии израильшуудта найдуулһан газарһаа левидүүд хуби газар абахагүй.

Тоололго 18:5

Дахяад израильшуудта Минии дураа гутан уурлахагүйн тула нангин һүмын, үргэлэй шэрээгэй ажалые сахин таанад өөһэдөө харюусаха болонот.

Тоололго 19:21

Энэ хуулиие таанад хэтын хэтэдэ сахиха ёһотойт. Арюун уһаар сүршэгшэ хүн хубсаһаа угааха ёһотой. Арюудхадаг уһаар бэеэ сүршүүлэгшэ хүн бүхэн үдэшэ болотор бузарлагданхай ябаха.

Тоололго 35:29

Таанадай хаанашье ажаһуухада, бүхы обог, урагуудаартнай энэ хуули гурим оршохонь болтогой!

Тоололго 8:9

Тиихэдэнь левидүүдые майхан һүмын дэргэдэ асара. Тиигээд тэндэ израильшуудые суглуулжа,

Матвей 4:16

харанхы мунхагта һуугаашад тон ехэ гэрэл туяа үзэбэ! Үхэлэй ороной һүүдэртэ һуугаашадта гэрэл туяа сасарба!»

Лука 12:35

Хубсалаад, зулаа бадараагаад, хододоо бэлэн байхатнай болтогой.

Иоанн 5:35

Иоанн болбол ялагар һаруул дэн мэтэ байгаа. Тэрэнэй гэрэл туяагай хажууда таанар ойр зуура баясаха хүсэлэнтэй байгаат.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Пётрой 2-дохи хандалга 1:19

Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.

Гэршэлгэ 2:1

Эфесэй һүзэглэгшэдэй бүлгэмэй түлөөлэгшэдэ иигэжэ бэшээрэй: «Баруун гартаа долоон одонуудые баряад, алтан долоон дэнгүүдэй дундуур ябагша иигэжэ хэлэнэ:

1 Хаан түрэнүүд 3:3

Бурханай ханзын оршодог Эзэнэй һүмэ соо Самуилай хэбтэжэ, мүн тиихэдэ Бурханай дэнгэй унтараадүй байхада,

1 Хаан түрэнүүд 30:25

Тэрэ үдэрһөө хойшо Давидай энээниие Израилиин сахиха хуули, тогтоол болгоһониинь мүнөө болотор дамжан ерэнхэй.