Египедһээ гаралга 26:36 - Библи

³⁶ Сэнхир хүхэ, гүн улаан ба үдхэн улаан үнгэтэй ээрэһэн утаһаар ба нарин маалинга бүдөөр майхан һүмэ руу орохо газарые халхалдаг олон үнгэтэ хүшэгэ бүтээгдэһэн байха ёһотой.

Египедһээ гаралга 26:36 ပူးပေါင်းရင်းမြစ်များ

2 Хаан түрэнүүд 7:6

Израилиин арад зониие Египедһээ гаргаһан сагһаа хойшо энэ болотор Би үргөө соо байгаагүйб, майхан соол оршон, нэгэ газарһаа нүгөө газар хүрэтэр ябадаг байгааб.

Египедһээ гаралга 26:31

Сэнхир хүхэ, гүн улаан ба шад улаан үнгэтэй утаһаар, нимгэн маалинга бүдөөр хүшэгэ нэхэхэш; тэрээн дээрэ херүүбүүдэй дүрэнүүдые нэхэхэ ёһотойш.

Египедһээ гаралга 27:16

Үүдэндэ гэжэ хорин тохой хүшэгэ сэнхир хүхэ, гүн улаан ба үдхэн улаан үнгэтэй ээрэһэн хилгааһан утаһаар нэхэгдэжэ, нарин маалинга бүдтэй зүйхэш. Үүдэндэ дүрбэн бахана, доронь дүрбэн түшэг байха ёһотой.

Египедһээ гаралга 28:15

Жээрэбэй сээжэбшэ-уута бүтээхэш. Тэрэнээ эфодтол адли алтан утаһаар, сэнхир хүхэ, гүн улаан ба үдхэн улаан үнгэтэй ээрэһэн хилгааһаар нарин маалинга зүйн нэхэхэш.

Египедһээ гаралга 28:39

Аһароондо һайхан хээтэй нарин маалинга бүдөөр самса, толгойн хүрмэлтэ, үнгэтэ бүһэ оюулха ёһотойш.

Египедһээ гаралга 35:11

Майхан, тэрэнэй нэмэргэ, оройн хушалта, дэгээ түдүүлинүүдые, ханын хүреэнүүд болон хүндэлэбшэнүүдые, бахана болон түшэгүүдые,

Египедһээ гаралга 35:15

уталгын шэрээ, тэрэниие үргэхэ һургааг модонуудые, үргэмжэлэлэй ёһололдо магнайда түрхихэ тоһо ба хүжэ санзайн зүйл бодос, майхан һүмэдэ орохо үүдэнэй хүшэгэ,

Египедһээ гаралга 36:37

Сэнхир хүхэ, гүн улаан ба үдхэн улаан үнгэтэй ээрэһэн утаһаар ба нарин маалинга бүдөөр майхан һүмэ руу орохо газарые халхалдаг олон үнгэтэ хүшэгэ хэбэ.

Египедһээ гаралга 38:18

Хашаагай үүдэнэй хүшэгэ сэнхир хүхэ, гүн улаан ба үдхэн улаан үнгэтэй ээрэһэн хилгааһан утаһаар нэхэгдэжэ, нарин маалинга бүдтэй зүйгдэбэ. Хорин тохой утатай байба. Нэмэргын үндэр хашаагайхи шэнги табан тохой болобо.

Египедһээ гаралга 39:29

Сэнхир хүхэ, гүн улаан, үдхэн улаан үнгэтэй ээрэһэн хилгааһаар нарин маалинга бүд зүйн, олон үнгэтэ гоё бүһэ нэхэбэ. Тиигэжэ Эзэн Моисейдэ зааһан байгаа.

Египедһээ гаралга 39:33

Тэдэ Моисейдэ майхан, тэрэнэй нэмэргэ болон хэрэгтэй бүхы зүйл – дэгээ түдүүлинүүдые, ханын хүреэнүүд болон хүндэлэбшэнүүдые, бахана болон доронь шудхаха түшэгүүдые,

Египедһээ гаралга 40:5

Хэлсээнэй бэшэгтэй ханзын урда уталгын алтан шэрээ табяарай, майхан һүмын үүдэндэ хаалта хүшэгэ үлгөөрэй.

Эзэкээл 16:10

Угалзатуулан шэрэһэн гоё һайхан хубсаһа, эрхим арһаар оёһон гутал шамда үмдэхүүлээб, үнэтэ лентээр бэеыш орёогооб, торгон нэмэргэ дээрэш хэдэрээб.

Тоололго 3:25

Майхан һүмэ, тэрэнэй дээбэри хушалтанууд, тэрэнэй хото хорёогой арһан хананууд, майхан һүмын үүдэнэй хүшэгэ, майхан һүмын бүхы хэрэгсэлнүүд болон ооһорнууд Гэршооной угайхидай харууһаламжада үгтэнэ.

Тоололго 9:15

Тэрэ үдэр майхан һүмын бодхоогдоходонь, үүлэн тэрэ Уулзалгын майхан һүмые бүрхөөжэ, дээрэнь тогтобо. Харин үдэшэһөө үглөөгүүр болотор майханай дээгүүр гал аһажа байһан мэтэ байба.

Иоанн 10:9

Үүдэ гээшэнь Биб. Хэн энэ үүдээр ороноб, тэрэ хүн абарагдаха. Тэрэ хүн үүдээр орожо, һүүлдэ газаашаа гараад, өөрынгөө бэлшээри олохо.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.