Египедһээ гаралга 24:16 - Библи

¹⁶ Эзэнэй һүр соло Синай уулада буугаа. Зургаан үдэртэ хадые үүлэн хушанхай байгаад, долоодохи үдэртэнь Эзэн үүлэн сооһоо Моисейе дуудаба.

Египедһээ гаралга 24:16 ပူးပေါင်းရင်းမြစ်များ

Египедһээ гаралга 16:10

Эдэ үгэнүүдые Аһарооной Израилиин зондо дамжуулхадань, тэдэ губи тээшэ харасаа шэглүүлбэ. Тэндэхи зэрэлгээтэ огторгойдо Эзэнэй һүр һүлдэ үүлэн түхэлөөр үзэгдөө һэн.

Египедһээ гаралга 19:11

Нүгөөдэрэй үйлэдэ бэеэ зэһэг: зоной хараһаар байтар Эзэн Синай хадын оройдо морилхонь гээшэ.

Египедһээ гаралга 19:9

– Шамтай хөөрэлдэхыем зон шэхээрээ шагнажа, шамда этигэхын туладань үдхэн үүлэн соо бэеэ бэелжэ шамда ерэхэб, – гэжэ Эзэн Моисейдэ айладаба. Моисейн арад зоной харюуе Эзэндэ дамжуулхадань,

Египедһээ гаралга 20:10

харин долоодохи үдэр – суббото, тэрэ Намда зорюулһан үдэр. Энэ үдэр ямаршье ажал бү хэ, өөрөөшье, хүбүүн, басаганши, богоол шэбэгшэдшни, мал адагуусаншни, хотодош байрлаһан ерүүл хүншье, бултадаа ямаршье ажал хэхэ ёһогүй.

Египедһээ гаралга 24:17

Уулын оройдо соробхилһон гал мэтэ Эзэнэй һүр соло Израилиин зондо үзэгдөө бэлэй.

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Эзэкээл 1:28

Бороогой һүүлээр үүлэн дээгүүр һолонгын задардагтал, туяа гэрэл сасаржа байгаа. Тэрэ гэрэл Эзэнэй заларһые гэршэлһэн тиимэ гоё гэрэл бэлэйл. Энээниие харахадаа, би нюураараа газарта унажа, иигэжэ дуугаржа байгааша абяа дуулаа һэм.

Левит 9:23

Тиигээд Моисей Аһароон хоёр майхан һүмэ руу орожо, тэндэһээ гараад, арад зоноо адислаба. Тиихэдэнь Эзэнэй Алдар соло хамаг зондо үзэгдэбэ.

Левит 9:6

Тиигээд Моисей тэдээндэ хандаба: – Өөрынгөө Алдар соло танда үзүүлхын тула Эзэнэй юу хэхыетнай таанадта захиһаниинь энэ болоно.

Тоололго 14:10

Теэд арад зон «Тэдээниие шулуудажа алая!» гэжэ хашхаралдажа байтараа, майхан һүмын дээрэ Эзэнэй ялбама гэрэл бахана харабад.

Тоололго 16:42

Арад зоной тэндэ сугларжа, буһалгаа хэгшэдые дэмжэхэдэнь, Моисей Аһароон хоёр майхан һүмэ тээшэ эрьелдэн хараба. Одоо тэндэ майхан һүмые үүлэн бүрхөөн хушаад байба. Тэрэ үүлэнһээ Эзэнэй һаруул гэрэл туяаржа эхилбэ.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.