Египедһээ гаралга 24:10 - Библи

¹⁰ Израилиин Бурханиие бараалхаба. Тэрэнэй хүл доро тэнгэридэл арюун тунгалаг эрдэни шулуугаар хэһэн тайзан үзэгдэһэн шэнги байгаа һэн.

Египедһээ гаралга 24:10 ပူးပေါင်းရင်းမြစ်များ

Эхин 32:30

– Бурхантай нюураараа уулзаһан аад, амиды мэндэ үлэһэмни гайхалтай, – гэжэ Яков хэлээд, тэрэ газарые «Пэнүһээл», оршуулбал, «Бурханай нюур» гэжэ нэрлэбэ.

Эхин 32:31

Наран гараба. Яков Пэнүһээлһээ ошоходоо, ташаа яһанайнгаа үеһөөн гараһанай ушарһаа дохолжо ябаа бэлэй.

3 Хаан түрэнүүд 22:19

Михай харюудань: – Эзэнэй айладхал шагна! Эзэнэй сэнтиидээ залараад, хажуудань баруун, зүүн гараарнь Огторгойн сэрэг барандаа зогсон байна гэжэ би харааб.

Египедһээ гаралга 24:11

Бурхан Израилиин удамаршадта багаханшье хоро хүргэбэгүй. Тэдэ Бурханиие үнэхөөр бараалхажа, эдеэ унда зооглогшо һэн.

Египедһээ гаралга 3:6

– Би шинии үбгэ эсэгын Бурхан гээшэб, – гэжэ удаань Тэрэ айладаа. – Абраһаамай Бурхан, Исаагай Бурхан, Яковай Бурхан гээшэб. Моисей Бурхан тээшэ харахаяа зүрхэлэнгүй, нюураа халхалаад байба.

Египедһээ гаралга 33:20

Харин Минии нюур хаража шадахагүйш. Ямаршье хүн Минии нюур хараад, амиды үлөө гэжэ байгаагүй юм.

Египедһээ гаралга 33:23

гараа абахадам, ши Намайе хойноһоом үзэхэш, нюурыем харахагүйш.

Дуунай дуун 5:14

Хоёр гарынь гэбэл, молор эрдэниин шэгэдхээтэй шэжэр алтан бахана мэтэ. Үбсүү бэень гэбэл, биндарьяа шулуу һуулгаһан заанай яһан һиилэбэри мэтэ.

Дуунай дуун 6:10

Үүрэй толон мэтэ ялагар, һүниин һара мэтэ һайхан, үдэрэй наран мэтэ гэрэлтэй, үзэсхэлэн гоёнь хэн бэ? Тэрэ болбол минии амараг. Үй олон туг намируулһан, үзэсхэлэнтэ хото мэтэ эрхим һүрөөтэй.

Гашуудал 4:7

Удамаршадшни саһанһаа сэбэр, һүнһөө сагаан байгаа. Тэдэ бэеэрээ шүрэһөө улаан, элүүр шамбай, үнэтэ шулуун мэтэ толоржо байгаа бэлэй.

Эзэкээл 1:1

Гушадахи жэлэй дүрбэдэхи һарын табанай үдэр би, Эзэкээл санаартан, Бүүзэй хүбүүн, сүлэгдэһэн еврейнүүдтэй хамта Вавилоон орон нютагта Хэбаар голой хажуугаар ажаһуужа байгаа бэлэйб. Гэнтэ огторгой онгойн нээгдэжэ, би Бурханай үзэгдэлнүүдые харабаб.

Эзэкээл 10:1

Херүүбүүдэй толгой дээгүүр агаар мандал байгаа бэлэй. Би тэрээн руу харахадам, мандал дээгүүр сапфир шулуугаар бүтээһэн хан шэрээ мэтэ юумэн байгаа һэн.

Даниил 10:17

Эзэн танайнгаа богоол болохо би тантай хөөрэлдэжэ шадаха гээшэ гүб? Ямаршье хүсэгүйлби, амяа арай гэжэ абажа байнаб, – гэбэб.

Тоололго 12:8

Тэрээнтэй Би улаан нюураараа уулзалдан, далда хэлээр бэшэ, сэхэ хөөрэлдэнэб. Тэрэ Минии дүрсэ үзэдэг. Тиигээд таанад Моисейдэ, Минии зарасада, юундэ эсэргүүсэхэ болообта?!

Матвей 17:2

Тэндэ Иисүүс шабинарайнгаа урда эрид хубилба: нюурынь наран шэнгеэр ялараа, хубсаһаниинь туяа мэтэ һаргама сагаан болоо.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 14:9

– Филипп, ши Намайе мэдэнэгүй гүш? Би таанартай хамта иимэ удаан саг соо байналби! Намайе хараһан хүн Эсэгыемнишье хараба гээшэ. Харин ши юундэ «Эсэгэеэ бидэндэ харуулыт» гэнэбши?

Иоанн 6:46

Теэд Эсэгые хэншье хараагүй юм. Тэрэниие Бурханһаа Ерэгшэл гансаараа хараа.

Тимофейдэ 1-дэхи 6:16

Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Иоаннай 1-дэхи хандалга 4:12

Бурханиие хэншье хэзээшье хараагүй. Теэд бидэнэй бэе бэедээ дуратай байбал, Бурхан бидэнтэй нэгэн хамта байна гээшэ. Бурханай дураниинь бидэнэй зүрхэ сэдьхэлдэ тон ехэ юм.

Гэршэлгэ 1:16

Тэрэ хүн баруун гартаа долоон одонуудые баринхай, хоёр тээшээ хурса эритэй элдэ аманһаань бултайнхай, шарайнь шатама шанга гэрэлтэй наран шэнги байгаа.

Гэршэлгэ 21:11

Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа.

Гэршэлгэ 4:3

Хаан шэрээ дээрэ тэрэ Һуугаашань үнэтэ хас шулуун, мана шулуун шэнгеэр толоржо байба. Хаан шэрээень тойроод, номин шулуун мэтээр һолонго ялалзан татажа байба.