Египедһээ гаралга 23:20 - Библи

²⁰ Харагтыл даа, Би танай урда Эльгээмэлээ эльгээхэм. Тэрэ таанадые замдатнай һахижа, Минии бэлдэһэн газарта абаашаха.

Египедһээ гаралга 23:20 ပူးပေါင်းရင်းမြစ်များ

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 24:40

Тиихэдэмни тэрэ иигэжэ харюусаа һэн: «Бүхы наһандам Эзэн намда үршөөл хайраяа үзүүлэн байгаа. Тэрэ Эльгээмэлээ шамда эльгээжэ, зориһон хэрэгыеш урагшатай болгохо ушарһаа ши эсэгымни түрэл саданар сооһоо минии хүбүүндэ һамга оложо шадахаш.

Эхин 24:7

Эзэн, юртэмсын Бурхан, намайе түрэһэн нютаг, түрэл гэрһээм хариин газар абаашахадаа, «Би шинии үри һадаһадта энэ орон нютагые үмсын эдлэлэй болгон үгэнэб» гэжэ тангариглаа юм. Эзэн Бурхан Огторгойн Эльгээмэлээ эльгээн, шинии аян зам заажа үгэхэ, зохёохо бэзэ. Тиихэдэнь ши тэндэһээ хүбүүндэмни һамга олохо бэзэш.

Эхин 48:16

Намайе ёро муухай хүсэнһөө хамгаалжа байһан Эльгээмэл эдэ хоёр хүбүүдые үреэхэнь болтогой! Минии нэрые эдэ хоёр хүбүүд залгамжалан абажа, үбгэ эсэгэнэр болохо Абраһаамай, Исаагай нэрэнүүдые уламжалан абажа ябахань болтогой! Эдэ хүбүүдэй үри һадаһадынь үй түмэн болохонь болтогой!

Псалманууд 91:11

Харин Та эбэрыем зэрлиг үхэрэй мэтээр үргэнэт, шэнэхэн тоһоор тоһологдооб.

Египедһээ гаралга 14:19

Израиль угсаатанай урда ябаһан Бурханай Эльгээмэл жагсаалай һүүлдэ ерэжэ зогсобо. Урдань ябааша үүлэн бахана һүүлдэнь ерэжэ зогсобо.

Египедһээ гаралга 15:16

Айжа һүрдэжэ байг тэдэ! Танай хүсэтэ гар доро шулуун шэнги шэмээгүй болог! Эзэн, энэ Өөрын болгоһон арадтнай алад гаража ябанал!

Египедһээ гаралга 15:17

Нангин хададаа тэдэниие нютагжуулхат, Өөрын һууха байшан тэндэ баряат, тахил үргэлэй һүмэ бодхоот!

Египедһээ гаралга 23:23

Минии Эльгээмэл урдатнай ябалсажа, эмоор, хээт, пэриззии, ханаһаан, хиив, евүүс угсаатанда асарха. Би эдэ арадые усадхахаб.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Египедһээ гаралга 33:14

– Би Өөрөө тантай ябажа, шамда туһалхаб, – гэжэ Эзэн айладаба.

Египедһээ гаралга 33:2

Танай урда Өөрын Эльгээмэлые ябуулжа, ханаһаан, эмоор, хээт, пэриззии, хиив ба евүүс угсаатаниие үлдэхэб.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Захарияа 12:8

Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Тоололго 22:22

Балаһаамай тэдээнтэй ошоходонь, Бурхан сухалдажа, Эльгээмэлээ тэрээндэ эльгээбэ. Тэрэ Эльгээмэл Балаһаамай харгыень хаажа, сэхэ урдань зогсобо. Балаһаам өөрынгөө элжэгэн дээрэ һуунхай, тэрээнтэй суг хамта хоёр зарасань ябалсана.

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Иоанн 14:3

Ошожо, таанарта байра бэлдэхэб; Минии байдаг газарта Намтай суг байлсахынтнай тула Би һөөргөө бусажа ерээд, таанарые абаашахаб.

Хуули дабталга 33:2

Тэрэ хэлэбэ: Эзэн Синайһаа ерээ, Сэһиир дээгүүр мандаа, Параан хадаһаа толороо. Мэрибаа-Кадээшһээ, ташаланһаа, урда зүгһөө Тэрэ ерээ.

Нүүнэй Иисүүс 23:5

Эзэн, танай Бурхан Өөрөө тэдээниие танһаа үлдэхэ, танай урда хюдан усадхаха, тиигэжэ Эзэн, танай Бурхан тэдээнэй газарые танай эдлэл болгон үгэхэ.

Нүүнэй Иисүүс 5:13

Иисүүс Ерихооной хажууда байхадаа, гартаа һэлмэтэй хүнэй урдаа зогсожо байхые хараа. Иисүүс хажуудань ошоод: – Манай гүш, али манай дайсадай гүш? – гэжэ һураа.

Нүүнэй Иисүүс 5:14

– Би Эзэнэй сэрэгшэдэй ударидагшаб, мүнөө эндэ ерээб, – гэжэ тэрэнь хэлээ. Иисүүс урдань һүгэдэн газарта унаад: – Минии эзэн ноён богоолдоо юу хэлэхэб? – гээ.

Нүүнэй Иисүүс 6:2

Бүхы дайлалдаха шадалтай зон хотые тойрон ябагты, үдэрэй нэгэ дахин хотые тойрогты; тиигэжэ зургаан үдэр тойрооройгты.