Египедһээ гаралга 23:14 - Библи

¹⁴ Жэлдээ гурба дахин Минии һайндэрнүүдые сахидаг бай.

Египедһээ гаралга 23:14 ပူးပေါင်းရင်းမြစ်များ

3 Хаан түрэнүүд 9:25

Соломоон түгэс шатаалта болон амгалан байдалай түлөө үргэлнүүдые Эзэндэ зорюулан бариһан үргэлэй шэрээ дээрэ жэлдээ гурба дахин үргэдэг байгаа. Эзэнэй урда тэрээн дээрээ уталгануудыешье ууюулдаг бэлэй. Иигэжэ тэрэ Һүмэ барижа дүүргэбэ.

2 Угай бэшэг 8:13

Моисейн ёһо һургаалнуудые сахин, түгэс шатаалта үргэлнүүдые тусхай үдэрнүүдтэ – амаралтын үдэртэ, Һарын шэнэдэ, жэлэй гурбан ехэ һайндэрнүүдтэ: Эһээбэригүй хилээмэнэй һайндэртэ, Түрүүшын ургаса хуряалгын һайндэртэ ба Отогуудай һайндэртэ – үргэдэг байха гэжэ тэрэ дурадхаа һэн.

Египедһээ гаралга 23:17

Жэлдээ гурба дахин бүхы эрэшүүл Дээдэ Эзэнэй урда нюураа үзүүлхэ ушартай.

Египедһээ гаралга 34:17

Бурханай хүрэг хэжэ бү байгты.

Египедһээ гаралга 34:18

Эһээлтэгүй талханай һайндэр тэмдэглэгты: Минии зарлигтаһаар, долоон хоног соо, авиив һарада болзор болоһон сагтаа, эһээлтэгүй хилээмэ эдигты, юуб гэхэдэ, Египедһээ авиив һарада гаража ошоот.

Эзэкээл 46:9

Минии арад түмэн һайндэрнүүдэй үедэ Намда мүргэхэеэ ерэхэдээ, ороһон үүдэнүүдээрээ гарахагүй, ондоо үүдээр гаран ошохо ёһотой. Жэшээнь, хэн нэгэн хойто үүдэнүүдээр ороо һаа, ошоходоо, урда үүдэнүүдээр гараха зэргэтэй.

Левит 23:16

Долоон долоон хоногуудай һүүлээр, табидахи үдэр шэнэ ургасын хилээмэн үргэл Эзэндэ үргэгты.

Левит 23:34

– Израильшуудта хэлэ: Долоодохи һарын арбан табанай үдэртэ бургааһаар хэһэн майхангуудай һайндэр гээшэ, долоон үдэрэй Эзэнэй һайндэр.

Левит 23:4

Энэ Эзэнэй һайндэрнүүд гээшэ, нангин суглаануудые саг соонь үнгэргэхэ ёһотойт.

Левит 23:5

Түрүүшэ һарын арбан дүрбэдэхи үдэр, үдэшэлэн Эзэнэй Паасха.

Хуули дабталга 16:1

Авиив гэһэн һарада Паасха гэһэн һайндэр һайндэрлэжэ, Эзэн Бурханаа хүндэлэгты. Юуб гэхэдэ, авиив һарада һүниндөө Тэрэ таанадые Египедһээ гаргаа бэлэйл.

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

1 Хаан түрэнүүд 1:3

Энэ хүн жэл бүри түрэл хотоһоо гаража, Түмэн Сэрэгтэ Эзэндэ мүргэхэеэ, үргэл хэхэеэ Шилоо руу ошодог бэлэй. Тэндэ Элии гэгшын хоёр хүбүүд – Хопнии ба Пинэһаас Эзэнэй санаартад байгаа.