Египедһээ гаралга 23:12 - Библи

¹² Зургаан үдэр ажалаа хээд лэ, долоодохи үдэртэнь амардаг бай. Сар, элжэгэншни бэеэ тэниилгэг, богоолшни болон ерүүл зарасашни амяа абажа, һэгээ орог.

Египедһээ гаралга 23:12 ပူးပေါင်းရင်းမြစ်များ

Нэхэмьяа 13:16

Тиирһээ уг гарбалтай хүнүүд элдэб ашаа, загаһа субботын үдэр Иудада, Иерусалимда ажаһуугшадта худалдадаг байгаа.

Египедһээ гаралга 16:23

– Эзэн энээн тухай айладаа агша һэн. Үглөө ажал хэхэгүй амарха үдэр, Эзэнэй табиһан нангин үдэр суббото мүн болоно. Дуратайгаа жэгнэгты, дуратайгаа шанагты, үлэһыень үглөө болотор орхиходош хамаагүй, – гэжэ Моисей хэлэбэ.

Египедһээ гаралга 23:11

Долоодохи жэлдэнь эдлүүри хэнгүй орхёорой. Угсаатанайш үгытэйшүүл ургасын үрэ олобол, эдиг, үлэһыень ан гүрөөлшье эдиг, хамаагүй. Уһан үзэмэй ба оливын модоной тарилга баһал тиихэ юм.

Египедһээ гаралга 34:21

Зургаан үдэр хүдэлэ, долоодохи үдэртэ амарагты. Таряа тарилгын үедэ, мүн таряа хуряалгын үедэшье ажалаа зогсоожо байгты.

Египедһээ гаралга 35:2

Зургаан үдэр хүдэлдэг байгты, харин долоодохи үдэр Эзэнэй нангин үдэр, суббото, амарха үдэр мүн. Энэ үдэр ажал хэһэн хүнэй ами наһан таһарха.

Египедһээ гаралга 35:3

Субботодо таанадай гэртэ галшье носоожо болохогүй.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Левит 23:3

Зургаан үдэртэ ажалаа хээд, долоодохи үдэртөө – субботодо амарха ёһотой, нангин суглаа хэхэ хэрэгтэй. Хаанашье ажаһуугаа хадаа таанад ямаршье юумэ хэхэгүйт, энэ суббото хадаа Эзэнэй.

Марк 2:27

Түгэсхэлдэнь Иисүүс тэдэ фарисейнүүдтэ иигэжэ хэлэбэ: – Хүн гээшэмнай субботын тулада бэшэ, харин суббото хүнэй туһада зохёогдоо юм.

Лука 13:14

Тиихэдэнь мүргэлэй гэрэй ахалагша субботодо үбшэнтэниие аргалба гэжэ Иисүүстэ дураа гутан: – Ажал хэхэ зургаан үдэр бии ха юм. Аргалуулхаяа тэрэл үдэрнүүдтэ ерэжэ байгты, субботодо бэшэ, – гэжэ зондо хэлэбэ.