Египедһээ гаралга 22:30 - Библи

³⁰ Уһан үзэмэй түрүүшын шүүһэ удаарангүй үргэдэг бай. Ууган хүбүүгээ Намда үгэхэ ёһотойш.

Египедһээ гаралга 22:30 ပူးပေါင်းရင်းမြစ်များ

Эхин 17:12

Түрөөд долоо хоноһон нарай хүбүүн бүхэндэ энэ ёһолол хэхэ хэрэгтэй. Өөрын, түрэлэйшье зондо, бусад арад яһатанһаа худалдажа абаһан богоолдошье, хүгшэн, залуу илгаагүй эрэ хүн бүхэндэ энэ ёһолол хэхэт. Ёһололой удхань гэбэл, хүнэй бэедэ табигдаһан тэмдэг маанадай хоорондохи хэлсээнэй үеын үедэ хүсэндөө байһанай гэршэ мүн.

Египедһээ гаралга 13:12

анха түрэһэн ууган хүбүүдээ Тэрээндэ зорюулан үгэхэ ёһотойш. Малай түрүүшын эрэ түл баһал Тэрэнэй болохо.

Эзэкээл 4:14

Гэбэшье би иигэжэ харюусабаб: – Хайрлыт, Эзэн Бурхан! Би өөрыгөө хэзээдэшье бузарлаагүй бэлэйб. Бага наһанһаа хойшо би үхэһэн малай һэе гү, али арьяатанда барюулһан амитанай хүүр хэзээдэшье эдижэ үзөөгүйлби. Сээртэй ямаршье эдеэ хоол баряагүйлби.

Левит 11:44

Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.

Левит 11:45

Танай Бурхантнай болохын түлөө Египедэй газарһаа таанадые гаргаһан Ззэн Бурхантнай гээшэб. Арюун сэбэр байгты, юундэб гэхэдэ Би – гэгээнби.

Левит 12:3

Наймадахи хоногто үхибүүнэй бэлгын үзүүрэй арһа һэндэхэ ёһотойт.

Левит 17:15

Ямар нэгэ зоболго гү, али арьяатанай һэе эдиһэн хүн, нютаг гү, али ерүүл хүн бүхэн хубсаһаа, нюур гараа уһаар угааха ёһотой, үдэшэ болотор бузартай байха, һүүлээрнь арюун болохо.

Левит 22:27

– Хэрбээ тугалай, хурьганай, эшэгэнэй гарахада, долоон хоног соо эхыень хүхүүлхэ, наймадахи үдэрһөө хойшо Эзэндэ үргэгдэжэ болохо.

Левит 22:8

Һэе, арьяатанай зобооһон малай мяха эдихэгүй, эдеэ һаа, бузартаха. Би Эзэн гээшэб.

Левит 7:23

– Израильшуудта иигэжэ хэлээрэй: Ямаршье өөхэ (үхэрэйшье, хони ямаанайшье) бү эдигты.

Левит 7:24

Зоболонгой өөхэ, һэеын өөхэ элдэб ушарта хэрэглэжэ болохо, харин эдижэ болохогүй.

Левит 7:26

Хаанашье, ямаршье нютагта ажамидаржа байхадаа, малай гү, али шубуунайшье шуһа бү эдигты.

Хуули дабталга 14:21

Үхэһэн амитадай һэе бү эдигты. Танай хотодо байгша ерүүл хариин хүндэ тэрэниие үгэгты, үгышье һаа, худалдагты, тэрэ эдиг. Юуб гэхэдэ, таанад Эзэн Бурханайнгаа нангин арад ха юмта. Эшэгые эхынь һүн соо бү шанагты.

Хуули дабталга 15:19

Томо болон жэжэ малайнгаа түрүүшын эрэ түлые Эзэн Бурхандаа тусгаарлан орхи. Иимэ тугал ажалда бү хэрэглэ, иимэ хурьганай нооһошье бү хайшала.