Египедһээ гаралга 22:25 - Библи

²⁵ Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

Египедһээ гаралга 22:25 ပူးပေါင်းရင်းမြစ်များ

4 Хаан түрэнүүд 4:1

Лүндэншэдэй зүблэлэй гэшүүн байһан нэгэ хүнэй бэлбэһэн эхэнэр Элишаада ерээд: – Шинии барлаг, минии үбгэн наһа бараа. Ши, барлагни Эзэниие хүндэлдэг байгаа гэжэ мэдэнэш! Мүнөө үри шэридэ ороһон бидэндэ зээлеэр мүнгэ үгэгшэ хүн өөртөө барлаг хэхэеэ минии хүбүүдые абаашахаяа ерээ! – гэжэ уйлан хашхарба.

4 Хаан түрэнүүд 4:7

Тэрэ эхэнэр Бурханай хүндэ ерэжэ, энээн тухайгаа хөөрэбэ. – Ошожо, эдэ тоһоёо худалдаад, үриеэ түлэ. Үлэгшэ тоһон шамда, шинии хүбүүдтэ бүхы наһандатнай хүрэхэ, – гэжэ Элишаа хэлэбэ.

Нэхэмьяа 5:7

Би бодожо үзөөд, ноёд һайдуудые, баяшуулые, даргануудые зэмэлбэб. Тиигээд би тэдэнэртэ иигэжэ хэлэбэб: – Таанар юундэ аха дүүнэртээ алта мүнгэ ехэ түрэсэтэйгээр зээллэжэ, баяжажа байнат?! Би энэ ушараар суглаа зарлабаб,

Псалманууд 15:5

Эзэн болбол уг залгамжалха хубим, ундамни мүн. Та минии хуби заяае баряад байнат.

Һургаал 28:8

Мүнгэ зээлилэн баялигаа арбижуулагша ядуушуулда энэрхыгээр хандадаг хүнэй түлөө мүнгэ нөөсэлдэг.

Ерэмияа 15:10

Ямар аза талаангүй хүн гээшэбиб! Юундэ эжымни намайе энэ алтан дэлхэй дээрэ түрөө гээшэб! Газар дэлхэйн хүн бүхэнтэй хэрэлдэхэ, арсалдаха хубитайб! Би хүндэ зээлеэр мүнгэ үгөөгүйб, хүнһөө зээлеэр абаашьегүйб. Харин хүн бүхэн намда хараал шэрээл табиха юм.

Эзэкээл 18:13

мүнгэ түрүүлдэг. Иимэ хүбүүн амиды мэндэ байха аал? Үгы! Иимэ жэгшүүритэй муухай юумэ хэһэндээ тэрэ заабол хосорхо. Өөрөөл үхэлдөө зэмэтэй гээшэ.

Эзэкээл 18:17

үгытэйшүүлые дайрадаггүй, мүнгэ түрүүлжэ байдаггүй, Минии хуулинуудые сахидаг, захиралтануудыем дүүргэдэг гээшэ һаа, эсэгынгээ гэм зэмэй түлөө тэрэ наһа барахагүй, амиды мэндэ байха.

Эзэкээл 18:7

Хэнииешье дарладаггүй, бариса гэжэ абаһан юумэеэ бусаадаг, дээрмэшэлгэ, тонуул хэдэггүй, үлэн хооһон хүнтэй эдеэ хоолоороо хубаалдадаг, нюсэгэн хүндэ хубсаһа үгэдэг.

Эзэкээл 18:8

Түрүүлхэ гэжэ мүнгэ үгэдэггүй, муу юумэ хэдэггүй, үнэн зүбөөр хэрэг шиидхэдэг.

Эзэкээл 22:12

Хэнииешьеб алахын тула эдилгэ абагшад, нэгэ угсаатан болохо Израилиин хүндэ мүнгэ зээлеэр үгэжэ, түрэсынь ашаар баяжагшад таанадай дунда бии. Таанад Намайе, Эзэн Бурханиие, мартаат.

Амоос 2:8

Үри шэриинь түлөө бариса боложо абтаһан хубсаһан дээрэ үргэлэй шэрээгэй дэргэдэ хэбтэжэ, бурхадайнгаа гэртэ тэдэ торгуулагдаһан нэгэнэй үзэмэй дараһан архи уужа байнал!

Матвей 25:27

Тиимэһээ ши минии мүнгэ ядахадаа наймаашадта үгэжэ эрьесэдэ оруулха байгааш, тиигээ һаашни, би бусажа ерэхэдээ мүнгэеэ нэмэритэйгээр абаха бэлэйб», – гэбэ.

Лука 19:23

Үгэһэн мүнгыем юундэ эрьесэдэ оруулаагүйбши? Тиигэбэл би бусажа ерэхэдээ мүнгэеэ түрсэтэйгөөр абаха бэлэйб».

Хуули дабталга 15:7

Эзэн Бурханайшни үгэжэ байһан газарта ажаһууха үедэш нэгэ хотодо шинии арад зонһоо хэн нэгэн үгыржэ болохо. Хатуу, шэрүүн сэдьхэлтэй бү бай, үгытэй угсаатандаа туһалхаяа бү арса.

Хуули дабталга 24:13

тэрэл үдэшэндөө бусаагаарай, тиихэдэшни тэрэ унтаха хубсаһатай боложо, шамайе үреэхэл. Эзэн Бурхантнай зүб, һайн хэрэг хээ гэжэ шамайе тоолохо.