Египедһээ гаралга 20:5 - Библи

⁵ Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 20:5 ပူးပေါင်းရင်းမြစ်များ

2 Хаан түрэнүүд 21:1

Давидай хаан түрэеэ зонхилхо үедэнь үлэсхэлэн хооһон гурбан жэл хойно хойноһоо тохёолдобо. Тиихэдэнь Давид Эзэнһээ ушар шалтагааниинь һурагшалба. Эзэн иигэжэ айладхаба: – Саул болон тэрэнэй гэр бүлэ зоной шуһа урдахуулһандаа зэмэтэй. Тэрэ Гибэһооной хүнүүдые алаа.

2 Хаан түрэнүүд 21:6

Тэрэнэй уг удамһаа долоон эрэ зониие маанадта тушаажа үгэгты. Бидэ Эзэнээр шэлэгдэһэн Саулай Гибаада Эзэнэй урда тэдэниие боожо алахабди, – гэжэ тэдэ хаанда хэлэбэ. – Тэдэниие таанарта үгэхэб, – гээ һэн Давид.

3 Хаан түрэнүүд 19:10

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

3 Хаан түрэнүүд 21:29

– Минии урда Ахаабай номгорһые харана гүш? Номгороо хадань амиды мэндэ сагтань гай тодхор тэрээндэ ушаруулхагүйб. Хүбүүнэйнь хааншалан байха үе сагта бүхы уг удамдань гай гасалан хүргэхэб!

4 Хаан түрэнүүд 17:35

Эзэн тэдэнэртэй үнэн сэхэ байха тухай хэлсээ баталжа: – Ондоо бурхануудта бү ёһологты, бү мүргэгты, тэдээндэ үргэл бү хэгты.

4 Хаан түрэнүүд 17:41

Эзэндэ мүргэжэ, өөһэдынгөө онгон бурхануудта алба хэжэл байба. Тэдэнэй үхи хүүгэд ба ашанар мүнөө болотор эсэгэнэрэйнгээ хэһэн ябадалнуудые даган үргэлжэлүүлһэн зандаа юм.

4 Хаан түрэнүүд 23:26

Теэд Мэнашшээ харатай бузар хэрэгүүдээрээ Эзэниие доромжолжо, Иудын арад зондо аймшагтайгаар Тэрэниие сухалдуулжа, тэрэ уур хилэнсэнь заахашье замхаагүй бэлэй.

4 Хаан түрэнүүд 5:18

Эзэн намайе, танай барлагые гансал нэгэ юумэндэ хүлисэг. Эзэнэйнгээ Риммоон һүмэдэ мүргэхэеэ ошоходо, би тэрэниие үдэшэжэ, гарһаань дүнгөөд ябагшаб. Тиимэһээ тэрэ һүмэ соо мүргэхэ баатай бологшоб. Эзэн танай барлаг намайе энэ ябадалыемни хүлисэхэ болтогой, – гэжэ хэлэбэ.

4 Хаан түрэнүүд 5:27

Наамаанай элдин үбшэн шамда, шинии үри һадаһадта бүхы наһандатнай халдаг! – гэжэ хэлэбэ. Гэһаази элдин үбшэнһөө хужаруутажа, саһан мэтэ сагаан шэг шарайтай болошоод, Элишаагай гэрһээ гараба.

2 Угай бэшэг 25:14

Эдоомой сэрэг диилэһэнэй удаа Амацияа һөөргөө гэртээ бусаба. Эдоом арадай онгонуудые тэрэ асаржа, өөрын бурхад болгон табижа, мүргэжэ, уталгануудые урдань ууюулжа байба.

2 Угай бэшэг 7:19

Харин таанадай Намһаа буруу харан, Минии үгэһэн захяа заабаринуудые, тогтоолнуудые орхёод, ондоо бурхадта мүргэн шүтэжэ, тэдэндэ алба хэдэг болоболтнай,

Иоов 21:19

Бурхан хүнэй гэм нүгэлые үри хүүгэдтэнь хабаадуулжа шиидхэдэг гэжэ таанар бодоно гүт? Энэ буруу. Бурхан гэмтэйл хүниие шиидхэн хохироохо ёһотой.

Иоов 5:4

Тэрэнэй хүүгэдтэ хэншье туһалхагүй, гэмнэлгын газарта хүүгэдыень шүүн шиидхэхэдэнь, үмэглэхэ хүн олдохогүй.

Псалманууд 79:8

Түмэн Сэрэгтэ Бурхан! Маанадые бусаагыт! Нюуртнай гэрэлтэг, бидэ абарагдахабди.

Египедһээ гаралга 23:24

Харин таанад тэдэнэй бурхадта һүгэдэжэ бү байгты, заншалыень бү абагты. Бурхадыень үгы хэгты, шүтөөн болохо шулуунуудыень бута сохигты!

Египедһээ гаралга 34:14

Эзэнһээ ондоо бурханда һүгэдэхэ ёһогүйт! Юундэб гэхэдэ, Эзэнэй нэрэнь – Жүтөөрхэл! Өөрын юумэ нарин сахигша Бурхан гээшэ!

Һургаал 8:36

Харин намда эсэргүү болодог, нүгэл үйлэдэдэг хүн өөрыгөө гэмтээдэг. Намайе үзэн ядагша бүхэн үхэлдэ дура һаналаа мэдүүлнэ.

Исай 44:15

Тиигээд тэрэнь хүнэй түлишэ болодог. Хүн энэ модоной нүгөө хуби абажа, шүтөөн бүтээдэг. Нэгэ хубяарнь тэрэ гал түлижэ, хилээмэ барина. Нүгөө хубяарнь шүтөөн бүтээжэ, урдань унан мүргэнэ.

Исай 44:19

«Би модоной хахадые галда түлижэ, нүүрһэн дээрэнь хилээмэ баряаб, мяха шаража эдеэб. Тиигээд би үлэһэн модоор шүтөөн бүтээгээб. Тэрэ модоной тайрадаһанай урда мүргэхэ юм гүб?» гэжэ хэлэхэ ухаан, мэдэсэ, ойлгосо тэдээндэ байхагүй.

Ерэмияа 2:9

Тиимэһээ Би, Эзэн, таанадые дахин гэмнэхэб, уг удамыетнай Би мүн лэ гэмнэн зэмэлхэб.

Ерэмияа 32:18

Мянгаад зондо үршөөл хайраяа бэлэглэнэт. Та агууехэ, Түмэн Сэрэгтэ Бурхан мүн!

Эзэкээл 18:19

Гэбэшье таанад «Хүбүүниинь эсэгынгээ гэмэй түлөө юундэ хэһээгдэхэгүйб?» гэжэ асуужа болохот. Юундэб гэхэдэ, тэрэ хүбүүн үнэн зүбөөр, сэбэр сэхээр юумэ үйлэдэдэг, бүхы хуули ёһонуудыем наринаар сахидаг, тиимэһээ тэрэ амиды мэндэ байха.

Эзэкээл 18:2

– Эзэкээл, Израилиин улад зон «Түрэлхидэйнь гашуун үзэм эдихэдэ, хүүгэдэйнь аманда гашуун амтан үлэнэ» гэһэн оньһон үгэ дабтадаг гү?

Эзэкээл 20:7

Жэгшүүрилтэй муухай онгонуудаа хаяжа, Египедэй бурхадта мүргэхэеэ, бэеэ бузарлахаяа болигты гэжэ Би тиихэдэ тэдээндэ захираа һэм.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Даниил 1:2

Иудын хаан Ёякиим хааниие барихыень, Һүмын үнэтэ тахил табагуудые дээрмэшэлэн абахыень Эзэн Бурхан тэрээндэ зүбшөөжэ, Навуходоносор Шинаар руугаа бусахадаа, тэдэ үнэтэ тахил табагуудые өөрынгөө бурханай үргөө соо оруулба.

Даниил 3:18

Харин тиимэ юумэнэй болоошьегүй һаань, та, үндэр түрэлтэ хаан, мэдэжэ байгты: бурхадтатнай шүтэхэгүйбди, байгуулһан алтан хүрэгтэтнай мүргэхэгүйбди, – гэжэ харюусаба.

Левит 20:5

би тэрэ хүниие, тэрэнэй түрэл түрсэдые, тэрээнтэй хамта Моолохто мүргэн, һальхай забхай ябадал хэжэ ябаһан улад зониие үгы хэхэб.

Левит 26:1

Мүргэхэ шүтөөн, элдэб дүрсэ, шулуун баханануудые өөһэдтөө бү табигты. Мүргэжэ байхаяа зурагтай шулуу өөрынгөө газар дээрэ бү табигты. Би танай Эзэн Бурхан гээшэб.

Левит 26:29

Таанад хүбүүдэйнгөө, басагадайнгаа бэе эдихэ болохот.

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Тоололго 14:18

«Тэсэбэритэй, үршөөл хайраяа заяадаг Би, Эзэн, хуули эбдэгшэдые, гэм хэгшэдые хүлисэдэгби. Гэбэшье хэһэн зэмэтэ ябадалайнь түлөө хүүгэдынь, ашанарынь, гушанарыньшье хэһээгдэхэ».

Тоололго 14:33

Таанадай бултадаа энэ сүл губида үхэтэр, таанадай Намда үнэн сэхэ бэшэ ябаһанай түлөө үри хүүгэдтнай тэнэжэ, сүл губида дүшэн жэл соо зобохо.

Тоололго 25:11

– Арад зонойш ондоо бурхадта бэшэ, харин гансал Намда шүтэдэг байхынь тула атаа жүтөөрхэлтэйгөөр Би Өөрынгөө арадта хандадагби. Санаарта Аһарооной ашань болохо, Эльазаарай хүбүүн Пинэһаас Минии жүтөөрхэлые арад зондоо мэдүүлжэ, Минии уур сухалһаа бүхы израильшуудые абарба. Тиимэһээ Би эндэ суглараад байһан таанадые хосороохогүйб,

Матвей 4:9

– Хэрбээ хүлдэм унажа мүргөө һаатнай, би эдэ бүгэдые Танда үгэхэб! – гэжэ Тэрээндэ шолмос хэлэбэ.

Иоанн 15:18

– Хэрбээ дэлхэйн зоной таанарта зэбүүрхэн дурагүйтэдэг байгаа һаань, Намдашье урид дурагүйтэдэг байгаа гэжэ мэдэжэ байгты.

Иоанн 7:7

Дэлхэйн хүнүүд таанарта дурагүйлхэхэгүй, харин Намда тэдэ дурагүйлхэдэг, тэдэ хүнүүдэй үйлэ хэрэгэйнь ёро муутай байһые Би гэршэлэн харуулна ха юмбиб.

Иоанн 9:2

– Багша аа, энэ хүн яахадаа һохор түрөө гээшэб? Хэниинь нүгэл хэһэн байгааб: энэ өөрөө гү, али энээнэй эхэ эсэгэнь гү? – гэжэ Тэрэнэй шабинарынь һураба.

Римэйхиндэ 1:30

хоблодог, Бурханда дурагүй байдаг, хүниие доромжолдог, өөрөөрөө омогорходог, һайрхадаг, муу муухай юумые ходо һанаашалжа байдаг, аба эжынгээ үгэ дууладаггүй.

Римэйхиндэ 8:7

Хүнүүд бэеынгээ мэдэлдэ байхадаа, Бурханай дайсадынь байдаг, ушарынь хэлэбэл, тэдэнэр Бурханай хуулиие сахинагүй, сахижа шадахашьегүй.

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!

Хуули дабталга 32:41

Өөрынгөө сахилгаан һэлмэ хурсадажа, шүүбэрилжэ эхилхэдээ, дайсадһаа үһөөгөө абахаб, Намайе үзэн ядагшадта зэмыень амасуулхаб;

Хуули дабталга 4:24

Юуб гэхэдэ, Эзэн Бурхантнай үрэбхилдэг гал дүлэн мэтэ, Тэрэ ондоо бурхадые тэсэхэгүй.

Хуули дабталга 5:10

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Хуули дабталга 5:9

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, хуулияа ханалгатай сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Хуули дабталга 6:15

Ондоо бурхадта мүргөө һаатнай, Эзэн таанадта уур хилэнтэжэ, газарай хүрьһэн дээрэһээ таанадые үгы хэхэ, юуб гэбэл, Эзэн Бурхантнай ондоо бурхадые тэсэжэ байхагүй.

Хуули дабталга 7:10

Өөрыень үзэн ядагшадые Тэрэ хэһээдэг, үгы хэдэг. Хэһээлтэеэ удааруулжа байхагүй.

Яковай хандалга 4:4

Бурханда урбагша зон, энэ оршолон дэлхэйдэ дуратай байхадаа таанад Бурханай дайсад болонот гэжэ мэдэнэгүй аалта? Тиин энэ оршолон дэлхэйтэй нүхэсэхэеэ һанабал, Бурханай дайсан болонот.

Нүүнэй Иисүүс 23:16

Эзэнтэй, танай Бурхантай баталһан хэлсээгээ эбдээ һаатнай, Тэрэнэй захяа заабаринуудые сахяагүй һаатнай, ондоо бурхадта алба хэжэ, тэдээндэ мүргөө һаатнай, Эзэнэй уур хилэн танай тархида шатажа, Эзэнэй танда үгэһэн энэ һайн газарһаа таанар үгы болон арилхат.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.

Нүүнэй Иисүүс 24:19

Иисүүс зондо хэлээ: – Эзэндэ алба хэжэ шадахагүйт, юундэб гэхэдэ, Тэрэ – арюун Бурхан, хатуу сахилта Бурхан, хуули буса ябадалыетнай, нүгэлыетнай хүлисэхэгүй.

Ударидагшад 2:19

Теэд ударидагшын үхэхэдэ, тэдэнэр өөһэдынгөө үбгэ эсэгэнэрһээ бүри ехээр нүгэл хэжэ, хуурмаг бурхадта шүтэдэг ба үргэл мүргэл хэдэг болошобо. Тиигэжэ тэдэ израильшууд үсэрэлдэжэ, сэхэ сэбэр замһаа гараад, нүгэлтэ зам руу зорибод.