Египедһээ гаралга 20:4 - Библи

⁴ Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Египедһээ гаралга 20:4 ပူးပေါင်းရင်းမြစ်များ

3 Хаан түрэнүүд 12:28

Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!

4 Хаан түрэнүүд 17:12

Теэд израильшууд тэдэ газартань нютагжахалаараа, «Тэдэнэй ёһо заншал ба шажан мүргэлдэ бү орогты» гэжэ Эзэнэй айладаһан захяаень дүүргэнгүй, тэдэнэй онгон бурхадта шүтэн мүргэдэг болошоо юм.

2 Угай бэшэг 33:7

«Минии захин заабарилһан, Моисейн дамжуулһан бүхы хуули ёһо, гурим, тогтоолнуудые тэдэнэй сахижа байбал, үбгэ эсэгэнэртэнь үгэһэн энэ орон нютагһаа холуур хариин газарта зайгуултажа байхыень израильшуудые дахин хэзээдэшье баалан хашахагүйб. Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха» гэжэ Эзэнэй Давидта, Соломоон хүбүүндэнь айладхаһан Бурханай һүмэ соо Мэнашшээ һиилэмэл хэмэл дүрсэ табиба.

Псалманууд 97:7

Тэнгис далай болон тэрээн соо байгааша бүхэн, юртэмсэ болон тэрээн соо амидарагша бүхэн нэерэн байг лэ!

Египедһээ гаралга 20:23

Алта мүнгөөр бурханай хүрэг дархалжа, Минии хажууда табижа бү байгты.

Египедһээ гаралга 32:1

Моисей хадаһаа бусанагүй гэжэ зон харажал байба. Аһароониие тойрон иигэжэ хэлэбэ: – Маанадые дахуулха бурхан бүтээгыш. Харин Египедһээ маанадые гаргаһан энэ Моисейтэй юуншье болоһониие мэдэхын аргагүй.

Египедһээ гаралга 32:23

Тэдэ иигэжэ хэлээл: «Маанадые дахуулха бурхан бүтээжэ үгыш. Египедһээ маниие гаргаһан Моисейтэй юуншье болоһые мэдэхын аргагүй!»

Египедһээ гаралга 32:4

Аһароон тэдэнииень хайлуулжа, тугалай хүрэг бүтээбэ. – Израиль, шамайе Египедһээ гаргаһан Бурханшни бэеэрээл! – гэжэ зон дуугаралдаба.

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Египедһээ гаралга 34:17

Бурханай хүрэг хэжэ бү байгты.

Исай 42:17

Шудхамал хүрэгүүдые бурхад гэжэ нэрлээшэд, шүтөөнүүдтэ этигэгшэд ехэ эшэжэ, тиихэеэ болихо.

Исай 42:8

Би болбол Эзэн гээшэб! Иимэ нэрэтэйб! Минии алдар соло ондоо ямаршье бурханда хүртэхэ ёһогүй, Намда үргэһэн магтаалые һиилэмэл хүрэгүүд хубаалдаха эрхэгүй.

Исай 45:16

Шүтөөнүүдые дархалагшад бултадаа эшхэбтэр байдалда орохо, бултадаа нэрээ хухалха.

Эзэкээл 20:7

Жэгшүүрилтэй муухай онгонуудаа хаяжа, Египедэй бурхадта мүргэхэеэ, бэеэ бузарлахаяа болигты гэжэ Би тиихэдэ тэдээндэ захираа һэм.

Эзэкээл 8:10

Тиихэдэнь би оробоб. Элдэб мүлхидэг, юрэдөө, сээртэй бузартай амитадай олон дүрсэнүүд, Израилиин улад зоной мүргэдэг элдэб онгонууд ханада зураатай байба.

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Левит 19:4

Онгондо бү хандагты, шудхамал бурхадые өөһэдтөө бү хэгты. Би танай Бурхан, Эзэн гээшэб.

Левит 26:1

Мүргэхэ шүтөөн, элдэб дүрсэ, шулуун баханануудые өөһэдтөө бү табигты. Мүргэжэ байхаяа зурагтай шулуу өөрынгөө газар дээрэ бү табигты. Би танай Эзэн Бурхан гээшэб.

Тоололго 12:8

Тэрээнтэй Би улаан нюураараа уулзалдан, далда хэлээр бэшэ, сэхэ хөөрэлдэнэб. Тэрэ Минии дүрсэ үзэдэг. Тиигээд таанад Моисейдэ, Минии зарасада, юундэ эсэргүүсэхэ болообта?!

Хэрэгүүд 17:29

Хэрбээ бидэ Бурханай угсаатан һаа, Бурхан гээшэмнай хүнэй һанаашалгаар алтаар, али мүнгөөр, али шулуугаар дүрсэлһэн уран бүтээлэй урлалга гэжэ бодохо ёһогүйбди.

Римэйхиндэ 1:23

Тэдэнэр алдарта, мүнхэ Бурханда һүгэдэхын орондо һүнэн һалаха хүнүүдтэ гү, али шубуудта, амитадта, мүлхигшэдтэ адли онгонуудта шүтэнэ.

Хуули дабталга 16:22

Шүтөөнүүдтэ мүргэхэ шулуун бахана бү бодхоогты, юуб гэхэдэ, Эзэн Бурхантнай энээниие үзэн ядадаг.

Хуули дабталга 27:15

«Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Хуули дабталга 5:8

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Гэршэлгэ 16:2

Нэгэдэхи Эльгээмэл өөрынгөө аяга соохиие газарта адхаба, тиигэмсээрнь арьяатанай тамгатай хүнүүдэй ба арьяатанай дүрсэдэ һүгэдэн мүргэгшэдэй бэедэнь бузар муухай эдеэрэтэй шарханууд гарашаба.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.

Ударидагшад 17:3

Михаа өөрынгөө эхэдэ мянга нэгэ зуун шээкэл мүнгэ бусааба. Тиихэдэнь эхэнь хүбүүндээ иигэжэ хэлэбэ: – Би энэ мүнгөө арюудхажа, хүбүүнэйнгөө түлөө Эзэндэ зорюулан үргэнэб. Энэ мүнгөөрни шабар болон шудхамал бурхануудай дүрсэнүүдые бүтээг.