Египедһээ гаралга 20:22 - Библи

²² Эзэн Моисейдэ айладаба: – Израилиин зондо хэлэ: «Хараба гүт, Би тэнгэриһээ таанадта хандабаб.

Египедһээ гаралга 20:22 ပူးပေါင်းရင်းမြစ်များ

Нэхэмьяа 9:13

Та Синайн хада дээрэ буугаат. Та тэдээнтэй огторгойһоо хөөрэлдөөт. Та тэдэнэртэ зүб тогтоолнуудые, бодото һургаалнуудые, хуулинуудые, һайн захяа заабаринуудые үгөөт.

Хуули дабталга 4:33

Гал дүлэн сооһоо Бурханай айладажа байһан дууе ямар нэгэн арад шагнаад, таанад мэтэ амиды мэндэ үлөө юм гү?

Хуули дабталга 4:36

Таанадые һургахын тула Тэрэ тэнгэриһээ дуугараа, Өөрынгөө агууехэ гал дүлэн газар дэлхэй дээрэ харуулаа, гал дүлэн сооһоо үгэнүүдыень шагнаат.

Хуули дабталга 5:24

иигэжэ хэлээ бэлэй: «Эзэн Бурхамнай Өөрынгөө алдар соло, һүр жабхалан бидэндэ харуулаа, Тэрэнэй абяаень гал дүлэн сооһоо дуулаалди! Улад зонтой Бурханай хөөрэлдэһые, удаань тэдэ зоной амиды мэндэ үлэһые мүнөөдэр үзөө хараабди.

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?