Египедһээ гаралга 20:17 - Библи

¹⁷ Хүнэй гэр байра буляаха гэһэн хүсэлдэ бү абта, хүнэй һамганда, хүнэй богоол шэбэгшэндэ, сар элжэгэндэ, хүндэ байһан ямаршье юумэндэ бү һанаашарха.

Египедһээ гаралга 20:17 ပူးပေါင်းရင်းမြစ်များ

Эхин 3:6

Энэ модоной үрэ жэмэс эдихэдэ һайн, харахадашье аятай, мүн эрдэм мэдэсэшье үгэдэг гэһэн бодолдо эхэнэр абтаба. Тиигээд нэгэ алим жэмэс таһалжа абаад эдижэрхибэ, үбгэндөөшье үгэбэ – тэрэнь эдибэ.

Эхин 34:23

Хэрбэеэ энэ эрилтыень дүүргээ һаамнай, эдэ зон маанадаар нэгэн амин ажаһуудаг болохо, тиихэдэнь тэдэнэй мал һүрэг, эд зөөринь манай гарта орохо.

Иоов 31:1

Өөрын эхэнэрһээ бэшые һайшааһан нюдөөр харахагүй гэжэ үнэн сэдьхэлһээ тангариглаа һэм.

Иоов 31:9

Хэрбээ би танилайнгаа эхэнэртэй һамуурха гэжэ үүдэнэйнь хажууда отон хүлеэдэг байһан һаамни,

Псалманууд 10:3

Һууриин һандаргагдаад байхада зүб шударга хүн юу хэжэ шадахаб даа.

Һургаал 4:23

Хамагай түрүүн зүрхөө хамгаала. Тэрээнһээ аминай булагууд гарадаг юм.

Һургаал 6:29

Хүршынгөө һамганда харгылха гээшэ эгээл тиимэ байна. Тэрэ эхэнэртэ дүтэлһэн хүн хэһээлтэ амасаха.

Экклезиаст 4:8

Хүн гансаардана, хажуудань хүн үгы, тэрэ хүбүүгүй, аха дүү гэжэ байхагүй. Ажалынь барагдахагүй, нюдэниинь өөрынгөө баялиг зөөридэ ханахагүй байна. «Хэнэй түлөө хүдэлнэ, һанаа сэдьхэлээ зобооно гээшэбиб?» гэһэн асуудал гарана. Энэнь мүн лэ дэмы хүлгөөн, зоболонтой ашаа болоно.

Исай 33:15

Зүб шударга ябажа, үнэн сэхые хэлэгшэд, дарлалта доро байһан зонһоо мэхээр эдилгэ абахаһаа зайсагшад, улаан шуһа урдахуулхаяа гү, али үшөөшье ондоо муу хэрэг хэхэеэ байгааша зонһоо холодон ябаашад амиды мэндэ үлэхэл.

Исай 57:17

Тэдэнэй хомхой хобдог байһанда, нүгэл хэхэдэнь Би уурлажа, тэдээнһээ арсаа бэлэйб. Теэд тэдэ юушье ойлгоогүй, үсэд нэтэрүүгээр тэрэ нүгэлтэй замаа үргэлжэлүүлээ.

Ерэмияа 22:17

Теэд ши гансал өөрынгөө аша туһа харанаш. Гэм зэмэгүй зониие аланаш, зониие харшалан, дарлан байнаш.

Ерэмияа 5:8

Тарган садхалан моридтол тэдэ инсагаалан, хүршынгөө һамгантай һальхайралдахаяа дуудан байха юм.

Эзэкээл 33:31

Тиигээд тэдэ сугларан шамда ерэжэ, хэлэһыешни шагнана, гэбэшье соносоһоноо дүүргэнэгүй. Гансал үгэнүүд. Харин өөһэдөө тэдэ ашаг олзын түлөө мэхэлхэдээ һэншье гэхэгүй.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Матвей 5:28

Харин би мүнөө иигэжэ хэлэхэ байнаб: ондоо эхэнэр тээшэ хараад, тэрээнтэй ниилэхэ һанаатай байһан алишье хүн һанал бодолдоо тэрэ эхэнэртэй хурисалдан, өөрынгөө һамганда урбаба гээшэ.

Лука 12:15

– Алибаа юумэндэ шунахаһаа өөһэдыгөө һэргылжэ, болгоомжолжо ябагты. Хүнэй жэнхэни ами наһан эд зөөриһөө дулдыдадаг бэшэ, тиихэдэ хэды шэнээн баян бардам байһантнай ямаршье хамаагүй юм.

Лука 16:14

Энэ хэлээшыень фарисейнүүд дуулаба. Тэдэ алта мүнгэндэ ехэл дуратай хадаа Иисүүсые наада бариба.

Хэрэгүүд 20:33

Би алта мүнгэ, хубсаһа хунар өөртөө олзолхоёо огто һанаагүйб.

Хэрэгүүд 5:4

Худалдахыншни урда тээ тэрэ таряалан газар шинии байгаа бэшэ гү? Тэрэ газараа худалдаһанайшье һүүлдэ мүнгэниинь баһа шинии мэдэлдэ байгаа бэшэ гү? Тиигэһэн хойно яагаад иимэ юумэ хэхэ гэһэн бодол өөрынгөө сэдьхэлдэ түрүүлбэш? Ши хүнүүдтэ худал юумэ хэлээ бэшэ, харин Бурханда худал юумэ хэлээш.

Римэйхиндэ 13:9

«Ханидаа бү урба; бү ала; хулгай бү хэ; хүнэй юумэндэ бү һанаарха» гэһэн захяа заабаринууд болон бусадшье олон заабаринууд «Дүтынгөө хүндэ өөртөөл адли дуратай бай» гэһэн гансал захяа заабари соо тобшологдоно.

Римэйхиндэ 7:7

Зай, тиигээд Хуули өөрөө нүгэлтэй гэжэ хэлэхэмнай гү? Үгыл даа! Зүгөөр Хуулиин үгы байбал, би нүгэл гээшэ юун бэ гэжэ мэдэхэгүй һэнби. «Хүнэй юумэндэ бү һанаарха», – гэжэ Хуулиин хэлээгүй һаа, би тиигэжэ һанаархахань нүгэл гэжэ мэдэхэгүй һэм.

Коринфынхидтэ 1-дэхи 6:10

хулгайшад, алта мүнгэндэ шунагшад, архиншад, хардагшад, мэхэшэд, эдэнэй али нэгэньшье Бурханай хаан орониие залгамжалхагүй.

Эфесэйхиндэ 5:3

Таанад Бурханай хүнүүд юм хадаа зальхайралга, бэлиндэлгэ, али хомхойролго гэхэ мэтын юумэнүүд тухай өөһэд хоорондоо хэлэхэ, хүндэхэшье ёһогүйт.

Эфесэйхиндэ 5:5

Зальхайржа, бэлиндэжэ, али алта мүнгэндэ шунашаһан ямаршье хүн (алта мүнгэндэ шунаһан байдал онгондо мүргэһэндэл адли) Христоосой болон Бурханай хаан орониие залгамжалхагүй юм гэжэ таанад мэдэхэ ёһотойт.

Хуули дабталга 5:21

Ондоо хүнэй һамганда бү һанаашарха, хүнэй гэр байрада, зөөри зөөшэдэ: газар таряаланда, богоол шэбэгшэндэ, сар элжэгэндэ, юрэдөө, хүндэ байһан ямаршье юумэндэ бү һанаашарха».

Хуули дабталга 7:25

Бурхадайнь дүрсэнүүдые галда хаяжа шатаагты! Шүтөөнүүд дээрэнь байгааша алта-мүнгые абахаяа бү һанагты, юундэб гэхэдэ, тэрэ таанадта занга болохо. Эзэн Бурхантнай шүтөөнүүдые үзэн ядадаг.

Филиппынхидтэ 3:19

Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ бахархана, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!

Колоссынхидтэ 3:5

Таанад досоотнай хүдэлдэг дэлхэйн хүсэлэнгүүдые: эрэдээ гү, али эхэнэртээ урбалта, забхайралга, шунал, нүгэлтэ хүсэлэнгүүд, онгонуудта шүтэхэтэй сасуулагдама хомхойрол гэхэ мэтын юумэнүүдые һүнөөхэ ёһотойт.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Нүүнэй Иисүүс 7:21

олзын дунда нэгэ һайхан Шинаарай хубсаһа, хоёр зуун шээкэл мүнгэ, табин шээкэл жэнтэй монсогор алта харааб. Эдэ бүгэдые һайхашаагаад абааб; эдээниие майхан соогоо газарта булааб, мүнгэ доронь нюугааб.

1 Хаан түрэнүүд 12:3

Мүнөө эндэ улаан нюураараа урдатнай байхадамни Эзэнэй урда болон тоһо түрхин томилһон хүнэйнь урда намда хэлэгты. Би хэнэй үхэр буляажа абаабиб? Хэнэй элжэгэ абаабиб? Хэниие дарлаа, зобоогообиб? Хэнһээ эдилгэ абаад, юумэ мэдээшэгүй болоод байгаабиб? Хэрбээ тиимэ юумэн байгаа һаань, би таанадта бултыень бусаахаб, – гэбэ.

1 Хаан түрэнүүд 15:19

Ши юундэ Эзэнэй үгыень дуулаагүйбши, олзо шүүрэн абажа, Эзэнэй урда бузар мууе хээбши? – гэбэ.