Египедһээ гаралга 20:12 - Библи

¹² Эзэн Бурханайнгаа үршөөһэн газарта ута наһатай һуухын тулада эхэ, эсэгэеэ хүндэлжэ ябаарай.

Египедһээ гаралга 20:12 ပူးပေါင်းရင်းမြစ်များ

Эхин 48:12

Иосиф хоёр хүбүүдээ эсэгынгээ үбэр дээрэһээ абаад, урдань һүгэдэн, доро дохибо.

Эхин 50:12

Хүбүүдынь эсэгынгээ һүүлшын захяа дүүргээ:

3 Хаан түрэнүүд 2:19

Иигэжэ Адонияа тухай хөөрэлдэхэеэ Бат-Шээбэ Соломоон хаанда ерэбэ ха. Хаан урдаһаань бодожо, доро дохёод, хан шэрээдээ һууба. Хаанай эхэдэ мүн лэ шэрээ асарагдажа, Бат-Шээбэ Соломооной баруун талада һууба.

4 Хаан түрэнүүд 2:12

Элишаа эдэ бүгэдые харамсаараа: – Эсэгэмни, эсэгэмни! Израилиин дайшалхы тэргэ ба тэрэнэй морид! – гэжэ тэрэнэй хойноһоо хашхарба. Элияа тэрэнэй нюдэндэ харагдахаяа болибо. Тиихэдэнь Элишаа өөрынгөө уйдхар гашуудал харуулжа, хабсаһаяа шудара татаад,

Египедһээ гаралга 21:15

Эхэ, эсэгэеэ сохиһон алибаа хүнэй ами таһалха ёһотой.

Египедһээ гаралга 21:17

Аба эжы хоёроо муушалһан хүн үхэлдэ хүртэхэ ёһотой.

Һургаал 15:5

Тэнэг хүн эсэгын һургаал тоодоггүй. Харин зэмэлэл анхаралтайгаар шагнадаг хүн ухаатай.

Һургаал 17:6

Үтэлһэнэй жаргал аша гушанар болодог. Эсэгэ хүн хүбүүдэйнгөө һүр алдарынь болодог.

Һургаал 20:20

Эхэ эсэгэеэ хардаһан хүнэй амидаралай дэн унтарха.

Һургаал 28:24

Эхэ эсэгынгээ зөөри буляахадаа, «Энэ нүгэл бэшэ» гэжэ хэлэдэг хүн дээрмэшэнтэй адли.

Һургаал 3:16

Тэрэнэй баруун гарта ута удаан амидарал заларха, зүүн гартань алдар суу болон баялиг байха.

Һургаал 30:11

Эсэгэдээ хараал хэлэжэ, эхэеэ үреэхэгүй хүнүүд байдаг.

Һургаал 30:17

Эсэгэеэ баһажа, эхэеэ тоодоггүй хүнэй нюдые хара хирээ тоншожо, харсага шубуун эдихэ.

Ерэмияа 35:18

Тиигээд би рэхаабуудай уг унгида Түмэн Сэрэгтэ Эзэнэй, Израилиин Бурханай, иигэжэ айладхаһые дамжуулбаб: – Үбгэ эсэгэ Ёнадаабай захиралта таанад сахин дүүргэнэт.

Ерэмияа 35:7

Гэр барихыемнай, таряа тарихыемнай, үзэмэй модоной сэсэрлиг һуулгахыемнай тэрэ бидэндэ хорёо. Түр оршон һуужа байгаа энэ нютагта удаан сагта амидархымнай тула тэрэ бидэнэй наһаараа майхангууд соо ажаһуухыемнай захираа.

Эзэкээл 22:7

Эхэ, эсэгэеэ хүндэлнэгүйт, ерүүл зониие дарланат, үншэн хэнзые, бэлбэһэн эхэнэрнүүдые харшалнат.

Левит 19:3

Таанад өөһэдынгөө эхэ эсэгэһээ түбэгшөөгты. Минии субботонуудые сахигты. Би танай Эзэн Бурхантнай гээшэб.

Левит 19:32

Буурал толгойтой үбгэд хүгшэдэй урда бү һуугты, үбгэн хүниие хүндэлжэ, бодогты. Өөрынгөө Бурханһаа һүрдэн айгты.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Матвей 19:19

эхэ эсэгэеэ хүндэлэ, баһа өөртөө дуратай байдагтал адляар дүтынгөө хүндэ дуратай бай, – гэжэ тоолон хэлэбэ.

Марк 10:19

Ши захяа заабаринуудые мэдэнэ ха юмши. «Бү ала, ханидаа бү урба, хулгай бү хэ, бусад тухай худал юумэ бү хэлэ, хүниие мэхэлжэ, юумыень бү аба. Эхэ эсэгэеэ хүндэлэ».

Марк 7:10

«Аба эжы хоёроо хүндэлэ», «Аба эжы хоёроо муушалһан хүн үхэлдэ хүртэхэ ёһотой» гэжэ Моисейгээр дамжуулан Бурхан хэлэһэн байгаа.

Лука 18:20

«Ханидаа бү урба, бү ала, хулгай бү хэ, бусад тухай худал юумэ бү хэлэ, эхэ эсэгэеэ хүндэлэ» гэһэн Бурханай захяа заабаринуудые мэдэхэ ха юмши, – гэбэ.

Эфесэйхиндэ 5:21

Христоосые бэшэрэн, бэе бэеынгээ үгэ дуулагты.

Хуули дабталга 11:8

Тиимэһээ мүнөөдэр минии дамжуулһан бүхы захяа заабаринуудые сахин байгты. Тиигэбэл, таанад шанга болохот, Иордан гол гаталан, эзэмдэхэ гэһэн газартаа ошожо, эзэлхэт.

Хуули дабталга 11:9

Тиигэбэл, Эзэнэй танай үбгэ эсэгэнэртэ, уг удамдань үгэхөөр тангариглан найдуулһан газар дайдада, һүн далайн урдажа, зүгын балай дэлгэржэ байһан газарта, удаан сагта ажаһуухат.

Хуули дабталга 21:18

Хэн нэгэнэй хүбүүн үсэд, һөөргэдэдэг, эхэ, эсэгынгээ үгэ дууладаггүй, һургаал заахадань, үгыень дууладаггүй һаань,

Хуули дабталга 25:15

Һайн, тон зүб шулуун гиирнүүдые болон амһартануудые хэрэглэ. Тиигэбэл, Эзэн Бурханайнгаа үгэжэ байгаа газарта үни удаан ажаһуухаш.

Хуули дабталга 27:16

«Эсэгэ, эхэеэ хүндэлдэггүй хүн хараалай ехэ хараал шэнгээхэ!» Бүхы арад зон харюусаха: «Болтогой!»

Хуули дабталга 32:47

Юуб гэхэдэ, энэ хооһон үгэнүүд бэшэ, энэ хадаа танай ами наһан гээшэ. Энээнэй ашаар таанад ошожо ябаһан газартаа, Иорданай саана, удаан сагта ажаһуухат.

Хуули дабталга 4:26

Иордан гол гаталан эзэмдэхэеэ ошожо ябаһан газараа алдахат гэжэ огторгой, орон дэлхэйе гэршэ болгон, та бүгэдэндэ мүнөө тунхагланаб. Удаан сагта тэндэ байхагүйт, алуулхат!

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 5:16

Эзэн Бурханайнгаа үршөөһэн газарта үлзытэй һайн, ута наһатай һуухын тулада Эзэн Бурханайшни шамда захиһан ёһоор эхэ, эсэгэеэ хүндэлжэ ябаарай.

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:2

Таанад, үри һадаһадтнай Эзэн Бурханаа бүхы наһаараа хүндэлжэ ябагты. Минии дамжуулжа байһан Тэрэнэй бүхы хуули ёһо, захяа заабаринуудые сахин ябагты. Тиигэбэл, удаан саг соо ажаһуухат.

Колоссынхидтэ 3:20

Үхибүүд, эхэ эсэгынгээ үгэ ходо дуулажа ябагты. Эзэн тиимэ ябадалые һайшаадаг.

Рүүт 3:6

Тиигээд тэрэ гүмнээ руу ошожо, хадам эжынгээ хэлээшээр бүгэдые сүм бэелүүлбэ.

1 Хаан түрэнүүд 22:3

Давид тэндэһээ Моһаабай Мицпээ руу ошожо, Моһаабай хаанда: – Бурханай намда юу хэхые мэдэтэрни эсэгэ эхэ хоёрни таанадтай байг лэ, – гэжэ гуйба.