1 Бурхан һургаалай иимэ үгэнүүдые айладаба:
Та Синайн хада дээрэ буугаат. Та тэдээнтэй огторгойһоо хөөрэлдөөт. Та тэдэнэртэ зүб тогтоолнуудые, бодото һургаалнуудые, хуулинуудые, һайн захяа заабаринуудые үгөөт.
Моисей доошоо зон тээшэ буужа, энэ айладхалыень дуулгаба.
– Би шамайе Египедэй дарлалтаһаа гаргаһан Эзэн Бурханшни гээшэб.
Моисей израилиин арадтай сүл губида хамта ябахадаа, өөртэйнь болон манай үбгэ эсэгэнэртэй Синай хада дээрэ хөөрэлдэһэн Эльгээмэлтэй уулзажа, амиды үгэнүүдые хүлеэн абаад, бидэндэ дамжуулан үгөө.
Бурханай Эльгээмэлнүүдээр дамжуулан таанадта үгтэһэн Хуули абаһан аад, тэрэнииень сахибагүйт.
Танай сугларһан үдэр хада дээрэһээ, гал дүлэн сооһоо таанадта айладхаһан Өөрынгөө Арбан Зарлиг Тэрэ урдань бэшээтэйдэл адляар эдэ хабтаһанууд дээрэ бэшэжэ, намда үгэбэ.
Гал дүлэн сооһоо Бурханай айладажа байһан дууе ямар нэгэн арад шагнаад, таанад мэтэ амиды мэндэ үлөө юм гү?
Таанадые һургахын тула Тэрэ тэнгэриһээ дуугараа, Өөрынгөө агууехэ гал дүлэн газар дэлхэй дээрэ харуулаа, гал дүлэн сооһоо үгэнүүдыень шагнаат.
Эгээл эдэ үгэнүүдые Эзэн хада дээрэ, гал дүлэнэй, үүлэнэй, шэб харанхын дундаһаа таанадай суглараад байхада шанга гэгшээр айладхаа. Бэшэ юумэ Тэрэ нэмээгүй. Тиигээд Тэрэ хоёр шулуун хабтаһан дээрэ тэдэниие бэшэжэ, намда үгөө бэлэй.
Таанадтай улаан нюураараа уулзалдан, Эзэн тэрэ хада дээрэһээ, гал дүлэн сооһоо үгэ хүүр айладаһан байна.
«Би шамайе Египедэй дарлалтаһаа гаргаһан Эзэн Бурханшни гээшэб.
