Египедһээ гаралга 2:24 - Библи

²⁴ Ёолооень соносоһон Бурхан Абраһаам, Исаак болон Яковтай хэлсээ баталһанаа һанаандаа оруулба.

Египедһээ гаралга 2:24 ပူးပေါင်းရင်းမြစ်များ

Эхин 15:13

Тиигээд Эзэн айладхал тэрээндэ буулгаба: – Шинии үри һадаһад хожом хариин газарта нүүхэ, дүрбэн зуугаад жэлэй туршада тэндэ богоол болон дарлуулха.

Эхин 16:11

Ши хээлитэйш. Хүбүүтэй болохош. Тэрээндээ Ишмаһээл гэжэ нэрэ үгөөрэй, юундэб гэхэдэ, зоболондо ороод уйлахадаш, Эзэн шамайе дуулаа. («Ишмаһээл» гэдэгынь «Бурхан хүнэй үгэ анхаран дууладаг» гэһэн удхатай.)

Эхин 17:7

Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!

Эхин 18:18

Уг удамыень бодото дээрээ агууехэ, хүсэтэй арад болгожо, тэдэнээр дамжуулан, орон дэлхэйн бүхы арад зониие буян хэшэгтээ хүртөөхэб.

Эхин 22:16

– Эзэн иигэжэ айладхана: «Би шамда Өөрын нэрээр тангаригланаб. Ори ганса хүбүүгээ хайрлангүй Намда үргэхөөр бэлэн байһанайш түлөө

Эхин 26:2

Эзэн Исаагта үзэгдэжэ, иигэжэ айладхаба: – Ши эдеэ хоол бэдэржэ Египет бү ошо. Харин Минии шамда заажа үгэһэн нютаг орон руу зорижо байрла.

Эхин 26:24

Тэрэ һүнинь Эзэн тэрээндэ үзэгдэжэ, иигэжэ айладхаба: – Би шинии эсэгэ Абраһаамай шүтэдэг Бурхан гээшэб. Юунһээшье бү ай. Намда үнэн сэхэ зараса Абраһаамда айладхаһанай ёһоор, Би хододоо шамай анхаржа, үреэл хайраяа элирхэйлжэ, үреэжэ, уг удамыеш олошоруулхаб.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

Эхин 35:11

Бурхан тэрээндэ үшөө иигэжэ айладхал буулгаа: – Би Түгэс Хүсэтэ Бурхамби. Үри хүүгэдээр үнэр үдхэн боложо, тоо томшогүй олон уг удамтай байхаш болтогой! Шинии уг удамһаа нэгэ ехэ үндэһэ яһатан бии болоод, тэдэнһээ үдэн, хэдэн улас бии болохо. Шинии үри хүүгэдһөө хожомынь олон хаашуул түрэхэ.

Эхин 35:12

Абраһаам болон Исаагта үмсэ болгон үгэхөөр найдуулһан тэрэ орон нютагые Би шамда үргэхэб. Тиигээд тэрэ газар шинии үхи хүүгэдээр үеһөө үедэ дамжан байдаг угай газар болохо.

Эхин 8:1

Тиигээд Бурхан Ной тухай, тэрээнтэй суг ханза-онгосо соо ябаһан амитадые һанаандаа оруулжа, һалхи үлеэлгэхэдэнь, үерэй уһан татажа эхилбэ.

4 Хаан түрэнүүд 13:23

Теэд Эзэн Абраһаам, Исаак болон Яковтай үнэн сэхэ байха тухай хэлсээ баталһанаа гэршэлжэ, израильшуудые хайрладаг, тэдэнэй хэһэн гэм зэмые хүлисэдэг байба. Тиимэһээ тэрэ үе сагта Эзэн израильшуудые эсэслэн үгы хэхэ гэжэ Өөрһөө үшөө холо болгобогүй.

Псалманууд 102:2

Сэдьхэлни, Эзэниие магта! Хэһэн бүхы һайень бү марта!

Псалманууд 102:20

Тэрэнэй үгэ дууладаг, айладалынь дүүргэдэг, хүсэ шадалтай Эльгээмэлнүүдынь, Эзэндэ магтаал үргэгты!

Псалманууд 105:42

Дайсадынь тэдэниие дарлан-даран байгаа, тэдээндэ тэдэ захирагдадаг һэн.

Псалманууд 138:3

Ябана гүб, хэбтэнэ гүб – Та нарибшалан шэнжэлнэт. Минии бүхы харгы зам Танда мэдээжэ.

Псалманууд 22:5

Дайсадайм хараһаар байтар урдамни зоогой шэрээ бэлдэбэт. Та намайе хүндэлэн ёһолбот, аягым билтарма дүүргэбэт.

Псалманууд 79:11

Тэрэнэй һүүдэр хадые бүрхөөгөө, мүшэрнүүдынь Бурханай хуша шэнги.

Египедһээ гаралга 6:5

Египедэй дарлалта доро Израиль угсаатанай ёолохые мүнөө дуулажа, тэрэ хэлсээ тухай һанаандаа оруулааб.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Хэрэгүүд 7:34

Би Минии арадай Египедтэ зобожо байхыень харааб, гэнэн ёолохые дуулааб, тиимэһээ тэдэниие аршалан сүлөөлхын тула газар дэлхэйдэ буужа ерээб. Ши яба, Би шамайе Египет эльгээнэб», – гэжэ хэлэбэ.

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.