Египедһээ гаралга 2:23 - Библи

²³ Удаахан саг үнгэрбэ, Египедэй хан түрые эзэлжэ байһан фараоншье нүгшэбэ. Хүшэр ажалда дарагдаһан израильшууд ёоложо, туһа эрижэ, Бурханаа дуудан байгаа. Тэдэнэй ёолоон Бурханда дуулдаба.

Египедһээ гаралга 2:23 ပူးပေါင်းရင်းမြစ်များ

Эхин 16:11

Ши хээлитэйш. Хүбүүтэй болохош. Тэрээндээ Ишмаһээл гэжэ нэрэ үгөөрэй, юундэб гэхэдэ, зоболондо ороод уйлахадаш, Эзэн шамайе дуулаа. («Ишмаһээл» гэдэгынь «Бурхан хүнэй үгэ анхаран дууладаг» гэһэн удхатай.)

Эхин 4:10

– Ямар юумэ хэбэ гээшэбши? – гэбэ Эзэн. – Дүүгэйшни ами шуһан нам руу газарһаа хашхаржа байна!

Нэхэмьяа 9:9

Та манай эсэгэнэрэй Египедтэ зобожо байхые хараат. Хулһата далайн дэргэдэ тэдэнэй «абарыт!» гэжэ хашхаралдахые дуулаат.

Иоов 35:9

Зобожо дарлагдаһан хүнүүд уйлан ёоложо, хархис этэгээдүүдэй һабарһаа гараха гэжэ тэгүүлбэшье, тэдэниие Бүтээгшэ хэсүү үедэ туһалжа шадаха гү гэжэ ойлгодоггүй. Хүнүүдые бүтээхэдээ, арьяатан амитантай, жэгүүртэн шубуунтай жэшэмээр бэшэ ехэ ухаа үгэһэниинь ушартай гэжэ ухаалдидаггүй.

Псалманууд 102:1

[Давидай зохёоһон.] Сэдьхэлни, Эзэниие магта! Зүрхэмни, нангин нэрыень магтан дуула!

Псалманууд 102:2

Сэдьхэлни, Эзэниие магта! Хэһэн бүхы һайень бү марта!

Псалманууд 12:5

Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!

Псалманууд 18:6

Хуримаа наадажа байгаа залуу хүндэл наран тэрэ үргөөһөө гарана, урилдаанай баатар мэтэ тэрэ баясана.

Египедһээ гаралга 1:14

Израильшуудай хэхэ ажалынь гэхэдэ, шабар худхаад, хэбүүдтэ хэжэ, хирпиисэ хэхэ ажал бэлэй. Гадна таряалан дээрэ бүхы ажалынь хэдэг һэн. Барагдашагүй хүшэр ажалда сүхэрһэн зоной гасалан зоболон тухай хэлэлтэшьегүй.

Египедһээ гаралга 4:19

Мидиан угсаатанай нютагта Моисейн байхада: – Египет ошохо сагшни ерээ, шинии һүнэһэ бэдэрһэн хамаг зон наһа баранхай, – гэжэ Эзэн зарлиг буулгаһан байба.

Египедһээ гаралга 6:5

Египедэй дарлалта доро Израиль угсаатанай ёолохые мүнөө дуулажа, тэрэ хэлсээ тухай һанаандаа оруулааб.

Египедһээ гаралга 6:9

Энэ айладаһыень Моисей Израилиин зондо дамжуулан хэлэбэ, харин тэдэнь хүшэр ажалда диилдэжэ, зоригоо мохонхой, Моисейн үгэ шагнахашье дурагүй байба.

Египедһээ гаралга 7:7

Фараондо хандаха тэрэ үедөө Моисей наян наһатай, Аһароон наян гурбатай байгаа.

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Хэрэгүүд 7:30

Дүшэн жэлэй үнгэрһэн хойно Синай хадын хаяада оршодог губида гал дүлөөр соробхилжо байһан үүргэнын һөөг сооһоо Бурханай Эльгээмэл Моисейдэ үзэгдэбэ.

Хуули дабталга 24:15

Наранай орохын урда тээ үдэрэйнь түлбэриие үгэдэг бай, юуб гэхэдэ, тэрэ үгытэй, тиигээд энэ мүнгэ ехэ хүлеэнэ. Түлөөгүй һаашни, тэрэ Эзэндэ шам тухай гомдол бариха, тиигээд ши нүгэлтэй болохош.

Яковай хандалга 5:4

Таряалан дээрэтнай ажаллаһан хүдэлмэришэдтэ хүлһыень түлэхэеэ таанад арсабат, харин мүнөө тэдэнэй түлэгдөөгүй салингынь таанадые зэмэлэн хашхарна. Һүр жабхаланта Эзэн ургасыетнай хадаһан хүдэлмэришэдэй гэгэхые дуулаа.

Ударидагшад 4:3

Юһэн зуун түмэр тэргэтэй Сисэраа израильшуудые хорин жэл соо дошхон хэрзэгыгээр дарлаба.

1 Хаан түрэнүүд 12:8

Яковай Египедтэ ерэхэдэ, танай үбгэ эсэгэнэрэй Эзэндэ хашхаран байжа мүргэхэдэ, Эзэн Моисей болон Аһароониие эльгээжэ, тэдэ танай үбгэ эсэгэнэрые Египедһээ гаргаа, энэ газарта һуурижуулаа.

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.