Египедһээ гаралга 2:14 - Библи

¹⁴ – Хэн шамайе манай дээрэ ноён болгоо юм, зарга шиидхэгшээр табяа юм? Египедэй тэрэ хүниие алаһандаал адли намайе алахаяа һанаа гүш? – гэжэ тэрэ хүн урдаһаань һөөргэдэбэ. Тэрэ үйлэ хэрэгни мэдэгдээ гэжэ Моисей ойлгоходоо, айхын ехээр айба.

Египедһээ гаралга 2:14 ပူးပေါင်းရင်းမြစ်များ

Эхин 13:8

Тиимэһээ Абрам Лоодто иигэжэ хэлэбэ: – Бидэ түрэл гарал зон гээшэбди. Тиимэһээ маанадай, түрэл зоной, мүн зараса малшадаймнай хоорондоо эбээ таһархань һайн бэшэ.

Эхин 19:9

– Тонило! – гэжэ тэдэ һүхирэлдэбэд. – Хэн аад, маанадые захирха болообши? Бидэ шамтай энээнһээ дороор аашалхабди! Тэдэнэр Лоодые түлхин, гэрэйнь үүдэ эбдэхээр дугташалдаба.

Эхин 34:27

Дүү басагыень удамаршынь хүбүүнэй доромжолон бузарлаһанай харюуда бүхы хотын зонһоо үһөөгөө абаха гэжэ Яковай бусад хүбүүд хото руу ерээд, айл бүхэнэй гэр тоножо, сүйд хэбэ.

Һургаал 19:12

Хаанай уур хилэн арсаланай хэрхирхэтэй адли, тэрэнэй талархал ногоон дээрэ унаһан шүүдэр мэтэ.

Һургаал 29:25

Хүнһөө айха гээшэ занга юм. Харин Эзэндэ этигэдэг хүн аюулда орохогүй.

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 16:3

Тэдэнэр булта Моисей Аһароон хоёрто ерээд, иигэжэ хэлэбэд: – Болигты бидэндэ һургаал заабари хэлэхэеэ! Бидэнэр булта нангин бүлгэм гээшэбди! Маанадай дунда Эзэн байна! Таанад Эзэнэй арадһаа юугээрээ үлүү дээрэ болошоо юмта?

Матвей 21:23

Һүмэдэ Иисүүсэй дахин ерээд һургажа байхадань, түрүү санаартан, улад зоной ахамадууд Тэрээндэ ойртожо: – Та иимэ юумэ хэхэ ямар эрхэтэйбта? Иимэ эрхэ засаг Танда хэн үгөөб? – гэжэ асууба.

Лука 12:14

– Нүхэр аа, та хоёрой зарга шиидхэхэ, зөөри зөөшыетнай хубааха эрхэ Намда хэн үгөө юм бэ? – гэжэ Иисүүс тэрээндэ харюусаад, бултанда хандан:

Лука 19:14

Харин албата зониинь тэрээниие үзэн ядадаг ушарһаа: «Энэ хүниие хаанаар табиха дурагүйбди», – гэжэ хэлэхыень элшэн сайдые хойноһоонь эльгээбэ гэхэ.

Лука 19:27

Намайе хаан болгохо дурагүй байһан дайсадыемни асаржа, хараһаар байтарни хюдажа алагты», – гэжэ эзэн хэлэбэ.

Хэрэгүүд 7:35

«Хэн таниие манай дээрэ ноён болгооб, зарга шиидхэгшээр табяаб?» гэжэ еврейнүүдтэ буруушаалгаһан эгээл тэрэ Моисейе Бурхан ударидагша болон абарагшаар томилон эльгээгээ юм. Шатажа байһан үүргэнын галда бии болоһон Эльгээмэлэй гараар Бурхан тиимэ юумэ хээ.

Еврейнүүдтэ 11:27

Тэрэ этигэл һүзэгөөрөө хаанай уур сухалһаа айнгүй, Египедые орхёо һэн. Нюдэндэ харагдадаггүй Бурханиие хаража байһандал тэрэ бата хатуу байгаа.