Египедһээ гаралга 19:9 - Библи

⁹ – Шамтай хөөрэлдэхыем зон шэхээрээ шагнажа, шамда этигэхын туладань үдхэн үүлэн соо бэеэ бэелжэ шамда ерэхэб, – гэжэ Эзэн Моисейдэ айладаба. Моисейн арад зоной харюуе Эзэндэ дамжуулхадань,

Египедһээ гаралга 19:9 ပူးပေါင်းရင်းမြစ်များ

3 Хаан түрэнүүд 8:12

Удаань Соломоон иигэжэ хэлэбэ: Эзэмнай, барагар үүлэн соо оршохо дуратайгаа Та айладхаат.

2 Угай бэшэг 20:20

Нүгөө үглөө тэдэ эртэ бодожо, Тэкооһа гэдэг зэлүүд хооһон газар руу зорибо. Зорихын урда тээ Ёшапаат хаан зогсожо, иигэжэ бултанда хэлэбэ: – Иудын болон Иерусалимай улад зон, намайе шагныта! Эзэн Бурхандаа үнэнхэ зүрхэнһөө этигэн байгты! Тэрэнэй лүндэншэдтэ этигэгты! Тиигэбэл, амжалта туйлахат.

2 Угай бэшэг 6:1

Удаань Соломоон иигэжэ хэлэбэ: – Эзэмнай, барагар үүлэн соо оршохо дуратай байһан тухайгаа Та айладхаат.

Псалманууд 97:2

Эзэн Өөрын абаралые мэдүүлээ, үндэһэтэдэй хараһаар байтар зүб шударгаяа элирхэйлээ.

Египедһээ гаралга 14:31

Эзэнэй агууехэ гарай Египедэй ойро хүрэһэниие нюдөөрөө хараба. Эзэнэй урда Израилиин зон һүрдэн һүгэдэбэ. Эзэндэ, Тэрэнэй богоол Моисейдэ этигэхын ехээр этигэбэ.

Египедһээ гаралга 19:16

Гурбадахи үдэрынь эртэ үглөөнһөө тэнгэри дуугарба, сахилгаан сахилба, хадын орой үдхэн үүлэндэ хушагдаба. Бүреэгэй шанга абяанай соностоходо, зоной зосоо заригад гэбэ.

Египедһээ гаралга 20:21

Зон холохон зогсобо, үүлэн манан соо бэеэ бэелһэн Бурханда гансал Моисей дүтэлбэ.

Египедһээ гаралга 34:5

Үүлэн бахана доошоо оробо, Эзэн тэрээн соо бууба, Моисейн урда тогтоод, алдар нэрэеэ тунхаглаба.

Египедһээ гаралга 4:31

Арад зон одоошье үнэншэбэ. Эзэн Израилиингаа хүбүүдые анхаран, ядарал зоболонгымнай хараа гэжэ дуулахадаа, тэдэ һүгэдэн хүндэлжэ, доро дохин байгаа бэлэй.

Египедһээ гаралга 4:5

– Энэ хадаа Эзэнэй, тэдэнэй эсэгэнэрэй – Абраһаамай, Исаак ба Яковай Бурханай, шамда үзэгдэһэнэй гэршэ гэжэ зон ойлгог, – гэжэ Эзэн айладхаба.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 7:9

Эпрааимые Самари зонхилно, Самариие – Рэмаалияагай хүбүүн. Танай этигэл бата бэшэ һаа, таанад бата бэхи зогсоногүй гээшэт!

Тоололго 12:5

Эзэнэй үүлэн бахана майхан һүмын үүдэн дээрэ тогтоод, Аһароон Мириам хоёрые дуудахадань, тэдэ хоёр дүтэлэн ошобо.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Марк 9:7

Тиигэжэ байтарнь үүлэн бии боложо, тэдэниие хушаад, тэндэһээнь иимэ абяан дуулдаба: – Энэ Минии инаг хайрата Хүбүүмни юм, үгыень дуулажа байгты.

Лука 10:16

Түлөөлэгшэдни, таанадые шагнажа байһан хүнүүд Намайешье шагнана, таанадые буруушааһан хүнүүд Намайешье буруушаана. Харин Намайе буруушааһан хүнүүд Намайе иишэ эльгээһэн Бурханиие буруушаана, – гэжэ хэлэбэ.

Хуули дабталга 4:36

Таанадые һургахын тула Тэрэ тэнгэриһээ дуугараа, Өөрынгөө агууехэ гал дүлэн газар дэлхэй дээрэ харуулаа, гал дүлэн сооһоо үгэнүүдыень шагнаат.

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!