Египедһээ гаралга 19:4 - Библи

⁴ «Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Египедһээ гаралга 19:4 ပူးပေါင်းရင်းမြစ်များ

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Һошээ 11:1

Эзэн иигэжэ айладхана: Израилиин эдир залуу байхада Би тэрээндэ дуратай бэлэйб, тиигээд Египедһээ Би Өөрынгөө Хүбүүе дуудааб.

Хаггай 2:5

Египедһээ гаража байхадатнай таанартай баталһан Минии хэлсээн ба Минии Һүлдэ таанадтай хамта байна, бү айгты!

Малаахи 2:10

Бидэ булта нэгэ эсэгэтэй бэшэ гүбди? Нэгэ Бурхан бидэниие бүтээгээ. Яахадаа аха дүүнэр бэе бэедээ урбан, үбгэ эсэгэнэрэймнай Бурхантай баталһан хэлсээ эбдэхэ болооб?

Хуули дабталга 1:30

Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 1:31

Түрэһэн хүбүүгээ гар дээрээ үргөөд ябаһан хүндэл адли Эзэн Бурхантнай элһэн сүл губидашье таанадые үргөөд ябана гэжэ ажаглаа бэлэйт. Бүхы аян замдатнай, энэ газар хүрэтэртнай Тэрэ таанадые абажа ябаа бшуу».

Хуули дабталга 29:1

Хорээб хадын хажууда Эзэн Израилиин арад түмэнтэй хэлсээ баталһан байна. Тэрээнһээ гадна Моһаабай газар дайдада нэмэлтэ үшөө нэгэ хэлсээ тэдээнтэй баталхыень Эзэн Моисейдэ захирба. Тэрэнь энэ.

Хуули дабталга 29:2

Моисей Израилиин улад зониие дуудажа, иигэжэ тэдээндэ хэлэбэ: – Египедэй газар нютагта фараондо, тэрэнэй бүхы түшэмэлнүүдтэ, бүхы газар дайдадань Эзэнэй юу хэһыень өөһэдөө нюдөөрөө хараа бэлэйт.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Нүүнэй Иисүүс 23:3

Эзэнэй, танай Бурханай танай урда дайлалдаһан арадуудыетнай таанар хараат, юуб гэхэдэ, Эзэн, танай Бурхан, Өөрөө танай урда дайлалдаа.

Гэршэлгэ 12:14

Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.