Египедһээ гаралга 19:24 - Библи

²⁴ – Яба доошоо, һөөргөө Аһароонтой бусахаш. Харин санаартад ба хара зон Эзэндэ ерэхэмнай гэжэ бү һэдэг. Һэдээ һаань, Эзэн тэдэниие һүнөөхэ, – гэжэ Эзэн Моисейдэ айладаба.

Египедһээ гаралга 19:24 ပူးပေါင်းရင်းမြစ်များ

1 Угай бэшэг 13:9

Тэдэнэй Кидооной амбаарта хүрэжэ ерэхэдэ, үхэрнүүдынь торожо, ханзые хэлтылгэбэ. Уззаа тэрэ ханзада хүрэн, шүүрэн бариба.

Египедһээ гаралга 19:12

Хадые тойруулан зурлаа хээд, тэрэ зурлааһаа сааша гэшхэхэгүй, хада өөдэ гарахагүй, хадын хормойдо хүлөө табихагүй гэһэн хорюул табяарай. Хадын ойро хүлөө табиһан хүн амяа хороолгохо.

Египедһээ гаралга 19:25

Моисей доошоо зон тээшэ буужа, энэ айладхалыень дуулгаба.

Египедһээ гаралга 24:1

Эзэн Моисейдэ айладаба: – Аһароон, Надааб, Абиһуу болон Израилиин далан аха захатаниие абаад, хада өөдэ гаража, Намда, Эзэндэ, холоһоо мүргэгты.

Египедһээ гаралга 24:9

Удаань Моисей, Аһароон, Надааб, Абиһуу болон Израилиин далан аха захатан хада дээрэ гаража,

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Матвей 11:12

Уһаар Арюудхагша Иоаннай мэдээсэлээ номноһон үдэрнүүдһээ эхилээд, мүнөөдэр болотор Огторгойн хаан орон һүр хүсэ нэмэнэ, тиин хүсэ шадал гаргаһан зон энээниие туйлана.

Лука 13:24

– Бурханай хаан түрэдэ орохо хаалга уйтахан. Тэрээгээр орохоор зүдхэгты. Олохон хүн орохо гэжэ оролдоошье һаа, орожо шадахагүй.

Лука 16:16

Уһаар Арюудхагша Иоаннай ерэтэр Моисейн Хуули болон лүндэншэдэй номууд хүсэн түгэлдэр байгаа, гэбэшье мүнөө Бурханай хаан түрэ тухай мэдээсэлэй айладхагдаһанһаа хойшо, хүн бүхэн тиишэ орохо гэжэ нилээд хүсэ шармай гаргана.

Иоанн 1:17

Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Римэйхиндэ 4:15

Хуули эбдэхэдэ Бурханай уур сухалынь хүрэдэг. Харин Хуулиин үгы байбал, тэрэниие эбдэхын аргагүй юм.

Галадуудта 3:19

Юундэ Хуули үгтэһэн байгааб? Абраһаамай үри һадаһан ерэхэ гэжэ Бурханай найдуулһан саг хүрэтэр гэмтэ ябадал юун бэ гэжэ ойлгожо байхын тула энэ Хуули үгтөө. Энэ Хуули хүнүүдтэ Эльгээмэлээр болон зууршалагшаар дамжуулан үгтөө.

Галадуудта 3:22

Гэбэшье хүн бүхэн нүгэл шэбэлдэ унаад байна гэжэ Нангин Бэшэг соо хэлэгдэнэ. Энэ бэшэгдэһэн бүхэнэй ушарынь гэхэдэ, Иисүүс Христоосто һүзэглэһэн бүхы зон этигэлээрээ Бурханай найдуулһые хүлеэжэ абаха.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Еврейнүүдтэ 4:16

Тиин бидэ зоригжожо, буян хэшэгтэй Бурханай хаан шэрээдэ ойртожо үзэел даа. Бидэ маанадтал туһа болохо хэмжээгээр тэндэ үршөөл хайрада хүртэжэ, буян хэшэг олохобди.