Египедһээ гаралга 19:10 - Библи

¹⁰ Эзэн Моисейдэ айладаба: – Арад угсаатандаа иигээд буса. Энэ үдэртөө, үглөөдэр бэеэ арюудхажа, хубсаһа хунараа угаагты гэжэ зонхило.

Египедһээ гаралга 19:10 ပူးပေါင်းရင်းမြစ်များ

Эхин 35:2

Тиимэһээ Яков гэр бүлэдөө болон өөрын бүхы зондо иигэжэ хандаба: – Таанадта байһан бурхадай дүрсэнүүдые абажа хаягты, удаань бэеэ угаагаад, хубсаһа хунараа һэлгэгты.

2 Хаан түрэнүүд 19:24

Саулай аша хүбүүн Мэпибоошэт мүн лэ хааниие угтахаяа гараба. Тэрэ хаанай Иерусалимһаа гаража ябаһан үдэрһөө хойшо энэ мүнөө амар мэндэ бусажа ерэһэн үдэр хүрэтэрынь хүлөө угаагаагүй, һахалаа абаагүй, хубсаһаашье угаагаагүй байба.

2 Угай бэшэг 29:34

Бэеэ арюудхалгын ёһолол гараһан санаартад үсөөн байжа, түгэс шатаалта үргэлэй малые бултыень тэдэнэй гаргажа байха хүсэгүй һэн тула тэдээндэ левидүүд туһалаа бэлэй. Юуб гэхэдэ, санаартадта орходоо левидүүд бэеэ арюудхалгын ёһололые ехэ наринаар сахиһан байгаа. Тиигээд тэдэ бусад санаартадай бэеэ арюудхатар, хэрэгэй дүүрэтэр түгэс шатаалта үргэл үргэлгэдэ туһалаа һэн.

2 Угай бэшэг 29:5

иигэжэ айладхаба: – Левидүүд, намайе шагныта! Мүнөө өөһэдөө бузаргүй арюун боложо, үбгэ эсэгэнэрэйнгээ Эзэн Бурханай Һүмые арюудхагты! Һүмэһөө бузартай юумэ гаргажа хаягты.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Левит 11:25

Али нэгэн тэдээнэй һэеые үргөө һаа, тэрэ хүн хубсаһаа угааха ёһотой, харин үдэшэ болотор бузартай байха.

Левит 15:5

Хэрбээ али нэгэн унтаридань хүрөө һаа, хубсаһаа, бэеэ уһаар угааха ёһотой, тиигээд үдэшэ болотор тэрэ хүн сэбэр бэшэ гэжэ тоологдохо.

Тоололго 11:18

Улад зондо иигэжэ хэлэ: – Үглөөгүүр болотор бэеэ арюудхан бэлдэгты. Үглөөдэр таанад мяха эдихэт. «Бидэнэр хаанаһаа мяха олохобибди? Бидэндэ үл залгаха талаар үлүү һайн байгаал Египедтэ!» – гэжэ хашхаралдан, Эзэнэй дуулахые хүсэжэ байгаат. Эзэн иигэжэ таанадта эдихэ мяхыетнай үгэхэл.

Тоололго 19:19

Бузарлаагүй хүн тэрэ уһаар сүршэжэ, бузарлагшые гурбадахи, долоодохи үдэрнүүдтэ иигэжэ арюудхаг. Тэрэ хүн долоодохи үдэрөөл сэбэр болохо. Тэрэ хүн нангин уһаар хубсаһаяа, бэеэ угааг. Тиихэдээ тэрэ хүн үдэшэ багта арюун сэбэр болохо.

Тоололго 31:24

Долоодохи үдэр бүхы хубсаһаа уһаар угаажа арюудхаад, бэеэ сэбэрлээд, өөрынгөө хотон хүреэндэ ороходотнай болохо.

Тоололго 8:21

Левидүүд бэеэ арюудхаба, хубсаһаа угааба. Аһароон тэдэниие нүгэлһөөнь арюудхахын тула Эзэнэй урда абаашаад, арюудхаба, Эзэндэ тэдэниие зорюулан, ёһолол хэбэ.

Тоололго 8:7

Тэдэниие нүгэлһөө арюудхан сэбэрлэхын тула иимэ юумэ хэхэ хэрэгтэй: онсо тусгаар уһаар тэдэниие сүршэжэ сэбэрлэ. Тэдэнэр үһэ абадаг хутагын эреэр өөһэдынгөө бүхы бэе хюһаг, хубсаһаа угааг. Тиихэдээ тэдэнэр арюудхагдаха.

Коринфынхидтэ 1-дэхи 6:11

Танай заримантнай урдань тиимэл нүгэлтэн байгаа. Гэхэдээ таанад нүгэлнүүдһээ арилгагдаһан, Бурханда зорюулагдаһан, Эзэн Иисүүс Христоосой ба манай Бурханай Һүлдын ашаар Бурханай урда сагааруулагдаат.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.

Нүүнэй Иисүүс 3:5

«Бэеэ арюудхагты, юуб гэхэдэ, үглөөдэр Эзэн танай дунда үзэгдөөгүй юумэ харуулха», – гэжэ Иисүүс зондо хэлэбэ.

Нүүнэй Иисүүс 7:13

Бодо, арад зоноо арюудхаад, тэдээндэ хэлэ: – Үглөөгүүр болотор нүгэлөө арюудхагты. Юундэб гэхэдэ, Эзэн, Израилиин Бурхан: «Израиль, хараалта юумэн дундашни байна; тиимэһээ хараалтые бэеһээ холодхоогүй сагтаа дайсадайнгаа урда тэсэхэгүйш», – гэнэ гэ.

Гэршэлгэ 22:14

Хубсаһаа сэбэрлэгшэд жаргалтай! Тэдэнэр амидаралай модондо хүртэлсэхэ эрхэтэй, тэдэнэр хаалгын үүдээр хотодо орохо эрхэтэй.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.

1 Хаан түрэнүүд 16:5

Самуил: – Амгалан тайбан хэрэгээр. Эзэндэ үргэл үргэхэеэ ерээб. Бэеэ арюудхаад, намтай хамта үргэл үргэхэеэ ерэгты, – гэбэ. Тэрэ мүн Ишай гэгшые, тэрэнэй хүбүүдые арюудхан, тэдэниие үргэл үргэхыень уриба.