Египедһээ гаралга 18:21 - Библи

²¹ Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Египедһээ гаралга 18:21 ပူးပေါင်းရင်းမြစ်များ

Эхин 22:12

– Тэрээндээ гар бү хүрэ! – гэжэ Эльгээмэл айладаба. – Боли! Хайрата ганса хүбүүгээ Намда үргэхэһөө татагалзаагүй байһан дээрэһээш Намайе хүндэлдэг гэжэ Би мэдэбэб.

Эхин 42:18

Гурбадахи хоногтоо Иосиф тэдэниие дуудаад, иигэжэ хэлэбэ: – Эзэн Бурханһаа айдаг ушарһаа би хүниие алахагүйб. Амиды мэндэ ябаха дуратай һаа, минии хэлэһыемни бүтээгты!

Эхин 47:6

Египет орон шинии мэдэл доро байдаг бэшэ аал? Тэдэнээ энэ ороноймнай эгээл һайхан газар болохо Гоошэн аймагта һуурижуула. Аха дүүнэрэйшни дунда мал һайнаар харууһалдаг зоной бии һаань, минии үмсын мал һүрэгые тэдэнэй харюусалгада үгөөрэй.

2 Хаан түрэнүүд 18:1

Давид өөртэйнь хамта байһан зониие тооложо, тэдээн дээрэ мянгатын, зуутын дарганарые томилбо.

2 Хаан түрэнүүд 23:3

Израилиин Бурхан айладхаһан юм, Израилиин аршалагша намда үгүүлһэн юм: «Бурханһаа айхые мэдэжэ, үнэн зүбөөр зониие зонхилдог хаан

3 Хаан түрэнүүд 18:12

Танһаа холодон ошоболни, Эзэнэй Һүлдэ минии мэдэхэгүй газар руу таниие абаашаха. Ахаабтай тан тухай дуулгабални, тэрэ таниие олонгүй, намайе алахал. Би багаһаа хойшо Эзэнһээ түбэгшөөдэг гээшэлби.

3 Хаан түрэнүүд 18:3

Хаанай ордоной түлөө харюусадаг Обадияае Ахааб дуудаба. Обадияа Эзэнһээ түбэгшөөдэг хүн байгаа.

Эзраа 7:25

Ши, Эзраа, Бурханайнгаа хайрлаһан оюун ухаагаар бодомжолжо, Бурханай болон засаг түрын хуули мэдэхэ бэрхэ ноёдые, заргашадые томило. Хэд мэдэнэгүйб, тэдэниие һургагты.

Нэхэмьяа 5:9

Тиигээд би үргэлжэлүүлбэб: – Таанар аргагүй муухай үйлэ хэрэгүүдые үүсхэжэ байнат. Нэн түрүүн өөһэдынгөө Бурханһаа айха ёһотой байгаат! Таанар манай дайсад, буруу номнолтоной наада энеэдэн болохо гэжэ байнат.

Нэхэмьяа 7:2

Иерусалимые зонхилхо хэрэг хоёр хүндэ даалгабаб: өөрынгөө дүү Ханаанида, хэрэмэй дарга Ханаанияада (тэрэ ехэ найдамтай, һүзэгтэй, энээн шэнги хүн тон үсөөн бэлэй).

Иоов 1:1

Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Иоов 29:16

ядуу хүниие эсэгэ мэтэ энхэржэ, зарга шүүхэдээ, танихагүй хүндэ адляар хандаха гэжэ оролдодог бэлэйб.

Иоов 31:13

Хэрбээ ажалшадтаа үнэн шударга буса байгаа һаам, зарасын гомдолоо мэдүүлхэдэнь, хэрэглэнгүй байгаа һаам,

Псалманууд 15:1

[Давидай шүлэг.] Бурхан, намайе хамгаалыт! Хорохо газар Танһаал бэдэрнэлби.

Псалманууд 15:5

Эзэн болбол уг залгамжалха хубим, ундамни мүн. Та минии хуби заяае баряад байнат.

Египедһээ гаралга 17:9

– Амалээг угсаатантай тулалдаха зониие шэлэн аба. Харин би Бурханай дулды гартаа барижа, үндэрэй оройдо зогсохоб, – гэжэ Моисей Иисүүс туһалагшадаа хэлэбэ.

Египедһээ гаралга 18:25

Израилиин зон сооһоо хүндэтэй зониие шэлэжэ, толгойлогшод болгон табиба. Тэдэниие мянганай, зуунай, табинай, арбанай толгойдо табиба.

Һургаал 28:2

Улас орондо һамуурал үймөөнэй болоходо удамаршад олон. Харин ухаалиг, мэдэлгэ ехэтэй хүнэй ударидал доро орон нютаг бүтэн үлэдэг.

Экклезиаст 12:13

Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.

Исай 16:5

Тиихэдэнь хан шэрээ үнэн сэхээр бата болохо, тэрээн дээрэ, Давидай майхан соо үнэн зүб шүүгшэ заларха. Тэрэ үнэн зүбые баримталан хэрэгүүдые үйлэдэхэ, зүб шударгаар хэрэгүүдые шиидхэхэ.

Исай 33:15

Зүб шударга ябажа, үнэн сэхые хэлэгшэд, дарлалта доро байһан зонһоо мэхээр эдилгэ абахаһаа зайсагшад, улаан шуһа урдахуулхаяа гү, али үшөөшье ондоо муу хэрэг хэхэеэ байгааша зонһоо холодон ябаашад амиды мэндэ үлэхэл.

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Ерэмияа 5:1

Иерусалимай үйлсэнүүдээр хойшо-урагшаа ябагты! Тиигээд харан адаглагты! Үнэн сэхэ, Эзэн Бурханда бэеэ зорюулһан нэгэшье хүниие олохо ааламта? Олоо һаатнай, Эзэн Иерусалимые хүлисэхэ һэн.

Эзэкээл 18:8

Түрүүлхэ гэжэ мүнгэ үгэдэггүй, муу юумэ хэдэггүй, үнэн зүбөөр хэрэг шиидхэдэг.

Эзэкээл 22:12

Хэнииешьеб алахын тула эдилгэ абагшад, нэгэ угсаатан болохо Израилиин хүндэ мүнгэ зээлеэр үгэжэ, түрэсынь ашаар баяжагшад таанадай дунда бии. Таанад Намайе, Эзэн Бурханиие, мартаат.

Захарияа 7:9

– Түмэн Сэрэгтэ Эзэн иигэжэ айладана: Үнэн шударга ёһо дэлгэрүүлэн, хүн бүхэн хажуудахи хүндээ аха дүү мэтэ энэрхы, хайрлаха сэдьхэлээр хандагты.

Захарияа 8:16

Таанарай хэхэ юумэн иимэ. Нэгэ нэгэндээ үнэниие хэлэгты. Үнэн сэхээр хэрэг шүүгты. Шүүлгэтнай амар амгалангай түлөө байгуужаг.

Тоололго 1:16

Эдэнэр арад зондоо хүндэтэй зон, обогуудай ударидагшад, Израилиин мянган сэрэгэй дарганар болоно.

Тоололго 1:4

Таанадта обог бүхэнһөө нэгэ хүн – энэ обогой угуудай толгойлогшо туһалха.

Тоололго 10:4

Нэгэ бүреэгээ утаар үлеэхэдэшни, Израилиин арбан хоёр обогой ударидагшад, мянгатын дарганар шамда ерэхэ.

Лука 18:2

– Нэгэ хотодо зарга шиидхэгшэ ажаһуугаа һэн ха. Тэрэ Бурханһаашье айдаггүй, хүнүүдһээшье эшэдэг гайхадаггүй бэлэй.

Лука 18:4

Заргаша туһалха дурагүй байжа, нилээд удаан саг үнгэргэбэ. «Би Бурханһааш айдаггүйб, хүнһөөшье эшэдэг гайхадаггүйб.

Хэрэгүүд 20:33

Би алта мүнгэ, хубсаһа хунар өөртөө олзолхоёо огто һанаагүйб.

Хэрэгүүд 6:3

Аха дүүнэр, Арюун Һүлдөөр дүүрэһэн, сэсэн ухаатай долоон эрэшүүлые өөһэдынгөө дундаһаа шэлэжэ абагты. Тиихэдэтнай бидэ энэ хэрэгые тэдэндэ даалгахабди,

Хуули дабталга 22:18

Тиихэдэнь хотын аха захатан тэрэ үбгэн болоһон хүниие хэһээхэ ёһотой.

Тимофейдэ 1-дэхи 3:3

архиншан бэшэ, дошхон зангүй, номгон даруу зантай, эб найрамдалда дуратай, алта мүнгэ тоодоггүй,

Нүүнэй Иисүүс 22:14

Израилиин обог түлөөлһэн нэгэ нэгэ ударидагшые, арбан удамаршые эльгээгээ; тэдээнэй хүн бүхэниинь Израилиин мянганда обогтоной дарга байгаа.

1 Хаан түрэнүүд 8:12

Хаан өөртөө мянгаад болон табин хүнэй дарга болгон тэдэниие томилхо, газараа тэдэнээр хахалуулхын, таряагаа хуряалгахын, сэрэгэй зэр зэбсэг болон тэргын хэрэгсэлнүүдые өөртөө хүүлэхын тула тиихэ юм.

1 Хаан түрэнүүд 8:3

Харин хүбүүдынь эсэгынгээ замаар ябаагүй, эдилгэ тээшэ эрьежэ, бэлэгүүдые абан, ёһо гурим хазагайруулдаг байба.