Египедһээ гаралга 16:8 - Библи

⁸ – Үдэшэндөө Эзэн мяха үршөөхэ, харин үглөөдэр садатараа хилээмэ эдихэт. Юуб гэхэдэ, танай гэмэрэлдээе Тэрэ дуулаа. Харин бидэ хэн гээшэбибди? Маанадые бэшэ, Эзэниие муушална гээшэт, – гэжэ Моисей хэлэбэ.

Египедһээ гаралга 16:8 ပူးပေါင်းရင်းမြစ်များ

Египедһээ гаралга 16:12

– Би Израиль угсаатанай гэмэрэлдээ сонособоб. Тэдээндэ иигэжэ хэлэ: «Үдэшэндөө мяха, үглөөдэрынь садатараа талха хилээмэ эдихэт. Таанадай Бурхан болодог Эзэн гэжэ тиихэдэ мэдэхэт».

Египедһээ гаралга 16:9

– Израилиин ниигэмые Эзэнэй урда зогсохо гэжэ зонхило. Юуб гэхэдэ, тэдэнэй гэмэрэлдээн Тэрээндэ дуулдаа, – гэжэ Моисей Аһароондо хэлэбэ.

Египедһээ гаралга 17:2

улад зон үнөөхил Моисейе гэмнэжэ эхилээ һааб даа. – Уһа оложо үгыш манда, ундамнай хүрэхэдэнь яаха зонбибди? – гэжэ гэмэр гутар гэлдэбэ. – Уһанай үгыдэ би яахабиб? – гэбэ Моисей. – Эзэнээл туршана гээшэт.

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 37:29

Минии шэхэндэ соностоһон Намда эсэргүүсэн уурлаһанайш түлөө, дээрэлхүү ааша зангайш түлөө шинии хамарта гохо хадхаад, шинии аманда хазаар үмэдхөөд, шамайе ерэгшэ харгыгааршни бусаахаб!»

Тоололго 11:18

Улад зондо иигэжэ хэлэ: – Үглөөгүүр болотор бэеэ арюудхан бэлдэгты. Үглөөдэр таанад мяха эдихэт. «Бидэнэр хаанаһаа мяха олохобибди? Бидэндэ үл залгаха талаар үлүү һайн байгаал Египедтэ!» – гэжэ хашхаралдан, Эзэнэй дуулахые хүсэжэ байгаат. Эзэн иигэжэ таанадта эдихэ мяхыетнай үгэхэл.

Тоололго 14:27

– Хэрүүлшэ энэ арад Намда хэды болотор дураа гутахаб? Израильшуудай Намда гомдожо байхые Би соносожо байнаб.

Тоололго 21:7

Арад зон Моисейдэ ерээд, иигэжэ хэлэбэ: – Бидэнэр Эзэндэ, танда дураа гутан гэмэрэлдэжэ, өөһэдтөөл нүгэл хэбэбди. Эзэнһээ үршөөл хайра бидэндэ гуйгыт даа. Эзэн эдэ могойнуудаа бидэнһээ холодуулаг лэ! Моисей арад зондоо үршөөл хайра гуйжа, Эзэндэ һүгэдэн зальбарба.

Матвей 10:40

Таанарые угтажа абаһан хүн Намайе угтажа абана. Намайе угтажа абаһан хүн Намайе эльгээһэн Эсэгые угтажа абана.

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Лука 10:16

Түлөөлэгшэдни, таанадые шагнажа байһан хүнүүд Намайешье шагнана, таанадые буруушааһан хүнүүд Намайешье буруушаана. Харин Намайе буруушааһан хүнүүд Намайе иишэ эльгээһэн Бурханиие буруушаана, – гэжэ хэлэбэ.

Иоанн 13:20

Таанарта үнэн зүбые хэлэнэб: Минии эльгээһэн хүниие угтажа абаһан хүн Намайе угтажа абана гээшэ, Намайе угтажа абаһан хүн Намайе эльгээһэн Эсэгые угтажа абана гээшэ.

Римэйхиндэ 13:2

Засаг захиргаанай урдаһаа эсэргүүсэһэн хүн Бурханай тогтоолдо эсэргүүсэнэ, тиимэһээ тэрэ хэһээлтэдэ орохо.

Коринфынхидтэ 1-дэхи 10:10

Тэдэнэй зариманиинь гэмэрэлдээд, Үхэлэй Эльгээмэлээр амяа һүнөөлгөө. Тиимэһээ бидэ тэдэндэл адли гэмэрэлдэхэ ёһогүйбди.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

1 Хаан түрэнүүд 8:7

Эзэн Самуилда: – Арад зоной шамда хэлэһэн бүхы юумэ дуула. Юуб гэхэдэ, тэдэ шамайе буруушаана бэшэ, харин тэдэниие зонхилон хаан байхыемни Намайе буруушаажа байна!