Египедһээ гаралга 16:32 - Библи

³² Моисей иигэжэ хэлэбэ: – Эзэн иигэжэ зарлигтаа: үдэр соо нэгэ хүнэй эдихэ хэмжээнэй сагаан будаа үеһөө үедэ дурасхаал болгон хадагалагдажа байха зэргэтэй. Египедһээ сүл губида ерээд үлэн хооһон зобожо байхадатнай, Эзэнэй үгэһэн эдишые хүн бүхэн үзэжэ байг.

Египедһээ гаралга 16:32 ပူးပေါင်းရင်းမြစ်များ

Псалманууд 105:5

Танай шэлэһэн зоной жаргалые харахым тула, Танай арад түмэнтэй хүхилдэхын, Танай уг залгамжатай хамта Таниие магтахын тула!

Египедһээ гаралга 16:16

Гэбэшье заабаритай байха: үлүү хомхойронгүй, хүн бүхэнэй үдэр соол эдихэ зэргээр суглуулха шухала гээд Эзэн айладхаа.

Египедһээ гаралга 16:31

Эзэнэй үгэһэн сагаан будаань халуун үбһэнэй үрэһэн шэнги аад, бал тоһотой боорсогой амтатай байгаа һэн. Тэрэниие израильшууд манна гэжэ нэрлээ.

Египедһээ гаралга 16:33

– Алтан домбо соо нэгэ хоомэр сагаан будаа хээд, Эзэнэй урда таби, үеһөө үедэ хадагалагдажа байха зэргэтэй, – гэжэ Моисей Аһароондо хэлэбэ.

Ерэмияа 7:23

Гансал Минии үгэ дуулажа, Би тэдэнэй Бурхан, тэдэ Минии арад түмэн болохыень, тэдээндэ һайн байхын тула Минии захиһаар ажаһуухыень айладхан захираа һэм.

Һошээ 11:4

Хүн шэнгеэр, эелдэр зөөлэнөөр тэдээнтэй хөөрэлдэжэ, амыень ангайлгажа, эдеэ хоол үгэдэг һэм.

Лука 22:19

Иисүүс зүһэм хилээмэ абаад, Бурханда баяр баясхалан хүргөөд, хилээмэеэ хухалаад, шабинартаа хубаажа үгэхэ зуураа: – Энэ танай түлөө үргэл болохо бэемни гээшэ. Намайе дурсан энээние эдижэ байгаарайгты, – гэжэ хэлэбэ.

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.

Еврейнүүдтэ 9:4

Досоонь алтан шэрээ дээрэ утадаг сан хүжэ, алишье талаһаан алтаар хушагдаһан Хэлсээнэй ханза, тэрээн соо маннатай алтан домбо, набшалжа байһан Аароной таяг, захяа заабари һиилэгдэнхэй шулуун хабтагайнууд байгаа.