Египедһээ гаралга 16:3 - Библи

³ – Египедтэ Эзэнэй гарһаа үхөө һаамнай дээрэ һэн ха, – гэлдэбэ. – Тэндэ мяхатай тогоо тойроод һуугша һэмди, дуран соогоо талха эдигшэ бэлэйбди. Арад зоноо үлэсхэлэндэ дайруулжа үхүүлхэ гэжэ энэ сүл губида асарба гүт?

Египедһээ гаралга 16:3 ပူးပေါင်းရင်းမြစ်များ

2 Хаан түрэнүүд 18:33

Тиихэдэнь хаанай сэдьхэл хүмэрижэ, тэрэ дээшэлэн, хаалгын дээрэхи таһалга руу орожо уйлаба. Тиишээ ошожо ябахадаа, Давид иигэжэ дабтан дуугаржа ябаа: – Минии хүбүүн Абшалоом! Хүбүүмни, Абшалоом хүбүүмни! Шинии орондо минии гээгдээ һаа, дээрэ байгаа. Абшалоом хүбүүмни, хүбүүмни!

Иоов 3:1

Удаань Иоов үгэ амалхадаа, түрэһэн үдэрөө харааба.

Иоов 3:10

Юундэб гэхэдэ, эхын хэбэл нээгдэхые зогсоогоогүй, намайе зоболонһоо зайлуулаагүй.

Иоов 3:20

Юундэ зобогшодо гэрэл, гашуудагшада амин үгтэдэг юм?

Псалманууд 107:5

Юуб гэбэл, энэрэл хайратнай тэнгэриһээ дээгүүр, үнэн сэхэтнай – үүлэ тулама.

Египедһээ гаралга 14:11

– Египедтэ яһымнай хаяха газар олдохогүй һэн гү?! – гэжэ тэдэ Моисейдэ хашхаралдаба. – Ши маниие хосороохо гэжэ сүл губида асарба гүш? Яаха гэжэ Египедһээ ябуулаабши?

Египедһээ гаралга 17:3

Ангаһан зон Моисейһээ һалаха юм бэшэл даа: – Бидэниие юундэ Египедһээ гаргаабши? Үхи хүүгэдтэеэ, үхэр малтайгаа ангажа үхэхымнай гү?

Египедһээ гаралга 2:23

Удаахан саг үнгэрбэ, Египедэй хан түрые эзэлжэ байһан фараоншье нүгшэбэ. Хүшэр ажалда дарагдаһан израильшууд ёоложо, туһа эрижэ, Бурханаа дуудан байгаа. Тэдэнэй ёолоон Бурханда дуулдаба.

Египедһээ гаралга 5:21

Харуулшад тэдээндэ гомдолоо хэлэбэ: – Таанадһаал боложо, фараон дахуулнуудтаяа бидэниие үзэн ядадаг болоо. Маанадые алуулха гэжэ гартань зэбсэг барюулһан болонот. Таанадай юу хэһые Эзэн үзэг, таанадые шүүбэрилэг!

Ерэмияа 2:6

Тэдэ Нам тухай һанаагаа табяашьегүй. Харин Би тэдэниие Египедэй газар нютагһаа абаран гаргажа, элһэн сүл губяар, ханха зайдан, хонхо-ёнхо газараар, ган гасуур, аюултай газараар, хэнэйшье хүндэлэн гаража үзөөгүй, хэнэйшье оршон амидараагүй газараар хүтэлэн ябажа гаргааб.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Гашуудал 4:9

Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

Тоололго 11:15

Хэрбэеэ Та дахяад намда хойшодоо тэдэнэй зоболонгые харуулха гээгүй һаа, намайе мүнөө алагты. Хэрбэеэ Танай үршөөл хайрада хүртөө гээшэ һаам, Та намда гай зоболон бү үзүүлыт!

Тоололго 11:20

бүхэли һара эдихэт. Танай дунда байгааша Эзэниие буруушаажа гэмэрэлдэһэнэйнгээ түлөө эдихэт тэрэниие ойгоо гутатараа, бөөлжэтэрөө. «Египедһээ бидэнэр юундэ гаража ошоо гээшэбибди?!» – гэлдэн, Эзэнэй урда уйлалдаат.

Тоололго 14:2

Израильшууд Моисей Аһароон хоёрто дураа гутан, иигэжэ шангаар гэмэрэлдэшэбэд: – Элһэн губида гү, али Египедтэ үхэхэеэ яагаабибди бидэнэр!

Тоололго 14:3

Эзэн бидэниие эндэ асаржа, эритэ һэлмээр алуулха гээ гү? Һамгад болон үхибүүдыемнай дайсанай олзо болог гээ гү? Египет руу бусабалнай бидэндэ дээрэ ха!

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 16:41

Үглөөдэрынь бүхы израильшууд Моисей Аһароон хоёрто эсэргүүсэн ерээд: – Та хоёр лэ Эзэнэй зониие алаат! – гэжэ хашхаралдаба.

Тоололго 21:5

Эзэндэ болон Моисейдэ дураа гутан иигэжэ гэмэрэлдэбэд: – Таанад бидэниие юундэ Египедһээ гаргаабта? Бидэнэр энэ сүл губида үхэхэмнайл! Эндэ хилээмэншье, уһаншье үгыл! Энэ муухай эдеэ хоолһоо ойгоо гутажа эхилээбди!

Хэрэгүүд 26:29

– Түргөөр гү, түргөөр бэшэ гү, гэбэшье гансал та бэшэ, харин мүнөөдэр намайе шагнажа байгаашад булта (энэ гэнжэнүүдһээ гадна) намдал адли болохыень би Бурханда зальбарнаб, – гэжэ Павел харюусаба.

Коринфынхидтэ 1-дэхи 4:8

Зай, тиихэдээ таанад бэеэ ханаба гүт? Баяжаба гүт? Таанад бидэнгүй хаанууд болообди гэжэ һананат. Үнэхөөрөө таанадай хаан шэрээдэ һуухые хүсэнэб, тиигэбэл бидэшье таанадтай хамта захирха һэмди.

Коринфынхидтэ 2-дохи 11:1

Тэнэг зан гаргахадамни тэсэбэритэй байһайт гэжэ хүсэнэб. Хэрэг дээрээ тиимэл байдаг ха юмта даа.

Хуули дабталга 28:67

Хараһан юумэнһээ зүрхэ сэдьхэлтнай айн һалганажа, үглөөгүүр «үдэшэ болоһой!» гээд хүсэхэт, харин үдэшэлэн «үглөө мандаһай!» гээд үгүүлхэт.

Хуули дабталга 8:3

Хүн ганса хилээмээр амидардаггүй, харин Эзэнэй үгын ашаар амиды ябадаг гэжэ ойлгохынтнай тула Тэрэ таанадые даран номгоруулаа, гэдэһыетнай үлдэхүүлээ, удаань таанадай хараагүй, үбгэ эсэгэнэрэйтнайшье үзөөгүй сагаан будаагаар холлуулаа.

Нүүнэй Иисүүс 7:7

Иисүүс иигэжэ хэлээ: – Түгэс хүсэтэ Эзэн! Юундэ Та энэ арадые Иордан гаталуулан гаргаабта? Маниие эмооршуудай гарта үгэжэ, усадхахын түлөө гү? Иорданай саана үлэхөө яагаабибди!