Египедһээ гаралга 15:20 - Библи

²⁰ Аһарооной эгэшэ, мэдэлшэ Мириам хэсэ сохижо захалба. Бүхы эхэнэрнүүд хойноһоонь ябажа, хэсэ сохин, хатар дэлгэбэ.

Египедһээ гаралга 15:20 ပူးပေါင်းရင်းမြစ်များ

Эхин 31:27

Нюусаар тэрьедэхэ, намһаа хорохо, намайе мэхэлхэ ямар ушар байгааб? Хэрбээ шинии намда хэлэһэн һаа, ябахадашни найр наадатай, дуутай, хэнгэрэг, ятага дуугарган үдэшэхэ байгаабди.

2 Хаан түрэнүүд 1:20

Пилиштүүдэй басагадые баярлуулхагүйн, бэлгэеэ отолуулаагүй зоной үхидые хүхеэхэгүйн тула энээн тушаа Гаадта бү мэдүүлэгты, Ашхэлооной гудамжануудташье бү тунхаглагты.

2 Хаан түрэнүүд 6:14

Давид маалинга эфод үмдэнхэй, Эзэниие магтан бүхы шадалаараа бүжэглэбэ.

2 Хаан түрэнүүд 6:16

Эзэнэй ханзые Давидай хотодо оруулха үедэ Саулай басаган Михаал сонходо байгаад, Эзэнэй урда хатаран, баясан ябаһан Давидые харажархиба, тиигээд тэрэниие шоо үзэбэ.

2 Хаан түрэнүүд 6:5

Давид болон бүхы израильшууд Эзэнэй урда хүхилдэн, бүхы шадалаараа дуу дуулажа, ятаг, лира, хэнгэрэг, тобшуур, сан дуугарган наадажа ябаа.

4 Хаан түрэнүүд 22:14

Санаарта Хилкияа, Ахикаам, Ахбоор, Шапаан, Асайяа табан Хулдаа гэдэг лүндэншэ эхэнэртэй хөөрэлдэхэеэ ерэбэ. Хулдаа хадаа һүмын санаартадай хубсаһа хадагалдаг Шаллуумай һамган бэлэй. Шаллуум болбол Тикваагай хүбүүн, Хархаасай аша бэлэй. Хулдаа Иерусалимай хоёрдохи тойрогто ажаһуудаг һэн. Тэдэнэр ерэһэн хэрэгээ тэрэ эхэнэртэ хэлэбэд.

1 Угай бэшэг 15:16

Левидүүдэй даргануудта өөһэдынгөө аха дүүнэрэй дундаһаа хүгжэмэй зэмсэгүүд дээрэ псалтирнууд, цитранууд, кимвалнууд дээрэ наадажа, баяр баясхалангай оршон байдал байгуулха гэһэн захиралта Давид үгэбэ.

1 Угай бэшэг 6:3

Амраамай үхибүүд: Аһароон, Моисей, Мириам. Аһороной хүбүүд: Надааб, Абиһуу, Эльазаар, Итамаар;

Нэхэмьяа 6:14

Тобияа, Санбаллаат гэгшэдэй мүн намайе айлгахаар шиидэһэн Ноһаадьяа эхэнэрэй, бусадшье лүндэншэдэй эдэ бүхы ябадалнуудые, минии Бурхан, хадуун абыт!

Псалманууд 149:3

Хатар хатаран нэрыень магтан байгты, хэнгэрэг болон ятагын хүгжэмөөр Тэрэниие магтагты.

Псалманууд 150:4

Тэрэниие хэнгэрэг дуугарган, хатар хатаран магтагты! хүбшэргэй дуугарган, лимбээр дууряан магтагты!

Псалманууд 30:11

Юуб гэхэдэ, би амидаралаа уйдхар гашуудалтайгаар, он жэлнүүдээ һанаа алдан үнгэрүүлнэб. Хүсэ тэнхээмни зоболонһоом боложо һулараа, яһамни хэбэрэг болошоо.

Псалманууд 68:11

Би масаг барин сэдьхэлдээ уйлааб, иигэжэ баһажа-наадалуулжа байбаб.

Псалманууд 68:25

Уур хилэнсэгээ тэдээн дээр адхыт, дүрэлзэн байгаа ууртнай тэдээн дээр бууг лэ!

Псалманууд 68:26

Гэр байрань хооһорог, майхануудтань хэншье ажаһуухаа болиг!

Псалманууд 81:2

«Хэды болотор таанар буруу шүүбэрилхэбта, хорото муу зоной талые баримталхабта?! [Хүгжэм]

Египедһээ гаралга 2:4

Нялхын эгэшэ юун бологшо ааб гэжэ холохонһоо адаглажа байба.

Экклезиаст 3:4

уйлаха муудаха саг ба энеэхэ эльгэлхэ саг; гомдохо гуниглаха саг ба хатар наада дэлгээхэ саг;

Ерэмияа 31:4

Дахин таанадые һуурижан байгуулхаб, дахин таанад хэнгэрэгүүдээ барин, баяртайгаар бүжэглэн-хатаран байхат.

Михей 6:4

Египедэй газар дайдаһаа, богоол байдалһаа шамайе абаран гаргаа һэм. Шамайе дахуулан ябахыень Моисей, Аһароон болон Мириамые эльгээгээ һэм.

Тоололго 12:1

Мириам Аһароон хоёр Моисейдэ дураа гутажа, Күүшһээ уг гарбалтай эхэнэрые һамга абаһанайнь түлөө зэмэлбэд.

Тоололго 12:2

– Эзэн гансал Моисейгээр дамжуулан һургаал заабаринуудаа арад зондо хэлүүлнэ гэжэ гү? Эзэн бидэнэрээршье дамжуулан, ерээдүйн сагта болохо юумэнүүдые уридшалан арад зондо хэлэнэл, – гэжэ тэдэ хоёрой хэлэхые Эзэн дуулаба.

Тоололго 20:1

Нэгэдэхи һарада израильшууд Циин губида ерэжэ, Кадээшдэ тогтобо. Тэндэ Мириам наһа бараба. Тэрэниие тэндэнь хүдөөлүүлбэ.

Тоололго 26:59

Амраамай һамган бологшо Левиин басаган Ёхээбэд гэжэ нэрэтэй байгаа. Тэрэ Египедтэ түрэһэн Левиин басаган бэлэй. Тэрэ Амраамда Аһароониие, Моисейе, тэдэнэй дүү басага Мириамые түрэһэн байна.

Лука 2:36

Һүмэ соо Ашээр обогой Фануил гэдэг хүнэй удам болохо Анна лүндэншэн байгаа. Тэрэ наян дүрбэтэй хүгшэн залуудаа хадамда гарабашье, долоон жэл нүхэртэеэ һуугаад, һүүлдэнь бэлбэһэн боложо үлөө.

Хэрэгүүд 21:9

Тэрэ хадамда гараагүй дүрбэн басагатай һэн. Басагадынь булта лүндэншэд байгаа.

Коринфынхидтэ 1-дэхи 11:5

Толгойгоо хушангүй зальбарһан, али үгы һаа, Бурханай мэдээсэл элирүүлһэн алишье эхэнэр толгойгоо гутаана, юундэб гэхэдэ, тиимэ эхэнэрэй ба үһэеэ хюһаһан эхэнэрэй хоорондо ямаршье илгаа үгы юм.

Коринфынхидтэ 1-дэхи 14:34

эхэнэр хүнүүд суглаан дээрэ дуугүй байха ёһотой. Тэдэнэр юумэ дуугарха эрхэгүй, Моисейн Хуули соо хэлэгдэһэнэй ёһоор үгөөр байха ёһотой.

Ударидагшад 11:34

Иптаа Мицпаада байдаг гэртээ бусажа ерэбэ. Тэрэнэй урдаһаа бүлбэнүүр дуугаргажа, бүжэглэн хатарһаар угтаһан эхэнэрнүүдэй дундаһаа басаганиинь урагшаа гараба. Иптаа тэрээнһээ бэшэ бусад хүүгэдгүй, харин ори ганса басагатай байгаа.

Ударидагшад 21:21

Шилоо хотын үхидэй хатархаяа дүхэригтэ гарахадань, уһан үзэмүүдэй эшэнүүд сооһоо гарагты. Һамга хэхэ басагаяа Шилоо хотын үхидэй дундаһаа баряад, Бэньямиин обогой ажаһуужа байһан орон нютаг абаашагты.

Ударидагшад 4:4

Израильда ударидагшадай ажаһууһан тэрэ үе сагта Лаппидоотын һамган Дэбоораа Бурханай мэдээ асарагша эхэнэр байба.

1 Хаан түрэнүүд 10:5

Удаань Пилиштын харуулай бүлэгэй байһан газарта, Бурханай Гибаада хүрэхэш. Хото руу орожо байхадаа, тэндэ ятаг, хэнгэрэг, лимбэ, хуур дуугарган, бүжэглэн, үргэлэй обооһоо буужа байһан лүндэншэдэй бүлэгтэй уулзахаш. Тэдэ абарал буулгажа ябаха.

1 Хаан түрэнүүд 18:6

Давидай үнөөхи пилишт хүниие усадхаһанай һүүлээр бүгэдөөрөө бусан ерэжэ ябахадань, эхэнэрнүүд Израилиин бүхы хотонуудһаа гаража, хэнгэрэг, хэсэ дуугарган, дуу дуулажа, хатаржа, баяртайгаар Саул хааниие угтаба.