Египедһээ гаралга 15:15 - Библи

¹⁵ Эдоомой түшэмэлнүүд шэшэрэлдээ, Моһаабай удамаршад айдаһаа хүрэнхэй, Ханаһаан ороной зон ухаагаа алдатараа һүрдэнхэй.

Египедһээ гаралга 15:15 ပူးပေါင်းရင်းမြစ်များ

Эхин 36:15

Эсаав Адаа хоёрһоо түрэһэн ууган хүбүүн Элипаазай хүбүүд Тэмаан, Омаар, Цэпоо, Кэнааз, Коорах, Гатаам, Амалээг өөр өөрын обог аймаг бүрилдүүлжэ, эхи табигшадынь болоо һэн. Тэдэ бултадаа Эдоом орон дайдада ажамидардаг бэлэй.

Эхин 36:40

Эсаавай удамһаа мүн лэ олон угууд бии болоо. Тэдэниие нэрлэбэл, Тимнаа уг, Алваа уг, Етээт уг,

2 Хаан түрэнүүд 17:10

Тиигэбэл, арсаландал адли зоригтой хүнэйшье зоригынь мохохол. Юуб гэбэл, танай эсэгын зоригтойнь, тэрэниие дахаад ябаһан зоной эрэлхэгынь бүхы Израильда мэдээжэ.

Псалманууд 48:5

Һургаал үгэдэ шэхээ табихаб, удхыень бүтүүлэн хэлэһэнээ ятагын дууряалгаар тайлахаб.

Псалманууд 68:2

Бурхан, намайе абарыт, юуб гэбэл, ехэ уһан аминдамни хүрэжэ байнал.

Исай 13:7

Тиимэһээ хүн бүхэнэй гарынь һуларжа, зүрхэниинь айһандаа шэшэрнэ.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Ерэмияа 49:23

Эзэнэй Дамааск тушаа айладхаһаниинь энэ: – Хамаат болон Арпаад хотонуудта зон хүлгэнэнэ, һанаагаа зобоно. Юуб гэбэл, тэдэ муу һураг суу дуулаа. Һанаагаа зобоһондоо тэдэ далайдал адли таһалгаряагүй бурьялна.

Эзэкээл 21:7

Тэдэнэй шамһаа «Юундэ ёолонобши?» гэжэ асуухада, зүрхэ алдахуулха, гар һуларуулха, зориг мохоохо, үбдэг шэшэрүүлхэ аймшагтай юумэнэй болохоёо байһан тухай мэдээтэйб гээд хэлэ.

Наум 2:10

Теэд Нинэвээ дууһан дээрмэшэлэгдээ, хооһороо, сүйдхэгдээ. Айн һүрдэһэндөө зонойнь зүрхэн хайлажа, үбдэгүүд шэшэржэ, хүсэ шадалынь бууража, нюур шарайнь сухиигаа.

Аввакуум 3:6

Тэрэнэй зогсоходо, дэлхэй доһолбо. Харахадань, арадууд шэшэрбэ. Мүнхэ хада ууланууд хамхарба, эртэ урдын толгойнууд унаба. Эдэ хадаа Тэрэнэй эртэ урда сагта сэнгэдэг зүргэ замууд бэлэйл.

Аввакуум 3:7

Кушаан болон Мидианай майхангуудай айһандаа шэшэрэн байхые хараа һэм.

Хуули дабталга 2:4

– Таанадта иимэ захиралта дамжуулхыемни Тэрэ уялгалаа: „Сэһиирэй уулархаг орон нютагта ажаһуудаг, танай түрэл болохо Эсаавай үри һадаһадай газараар гарахаяа байнат, тэдэнэр таанадһаа айха. Болгоомжотой байгты.

Хуули дабталга 20:8

Ахамадууд нэмэн иигэжэ хэлэг: «Хэн аймхайб, дээрэ зүрхэтэйб, бэшэ зониие һажаалдуулхагүйн, зоригыень мүхөөхэгүйн тула гэртээ бусаг».

Нүүнэй Иисүүс 14:8

Намтай ошоһон аха дүүнэрни арадай зүрхэ уяруулаа, би Эзэнэй, минии Бурханай хэлэһээр лэ хээб.

Нүүнэй Иисүүс 2:11

Энээн тухай дуулахадаа, зүрхэмнай һулараа, танда эсэргүүсэхэ хэндэмнайш үгы болоо, юундэб гэхэдэ, Эзэн, танай Бурхан дээрэ тэнгэришье, доро газарташье захирна.

Нүүнэй Иисүүс 2:24

Тэдэ Иисүүстэ хэлэбэ: – Эзэн тэрэ бүхы газарые манай гарта үгөө, тэндэхи бүхы зон манһаа айжа һүрдэжэ байна.

Нүүнэй Иисүүс 2:9

Тэдээндэ иигэжэ хэлэбэ: – Эзэнэй энэ газарые танда үгэһые мэдэнэб. Тиигээд таанар маниие һүрдөөн айлгаат, энэ газарта һуудаг бүхы зон танһаа һүрдэн шэшэржэ байна.

Нүүнэй Иисүүс 5:1

Иорданай энэ тала руу, далай тээшэ һууһан эмооршуудай бүхы хаашуул, далай шадар һууһан ханаһаануудай бүхы хаашуул тэдээнэй гол гаратар Эзэн Израилиин хүбүүдэй урда Иорданай уһа хатаагаа гэжэ дуулахадаа, зүрхэниинь һулараа, Израилиин хүбүүдэй урдаһаа тэдэ һүнэһэгүй болоо.

1 Хаан түрэнүүд 14:16

Бэньямиинэй обогой газар дайдын Гибаада байгша Саулай харуулай харахада, тоо томшогүй зон таража бутаран, наашаа саашаа гүйлдэжэ байба.