Египедһээ гаралга 15:11 - Библи

¹¹ Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 15:11 ပူးပေါင်းရင်းမြစ်များ

2 Хаан түрэнүүд 7:22

Эзэн Бурхамнай, Та болбол агууехэт! Тандал адли хэншье байхагүй. Бидэнэй шагнажа мэдэһээр, Танһаа бэшэ ондоо Бурхан байхагүй!

3 Хаан түрэнүүд 8:23

иигээд зальбарба: – Израилиин Эзэн Бурхан! Дээгүүр огторгойгоор, доогуур газар түбеэр Тандал адли Бурхан байхагүй! Һургаал заабарииетнай үнэнхэ зүрхэнһөө сахигша зондоо Та энэрэл хайраяа үзүүлнэт, зарасанартайгаа баталһан хэлсээгээ мартанагүйт.

1 Угай бэшэг 16:25

Юуб гэбэл, Эзэн агууехэ, угаа магтагдаха, бүхы бурхадһаа үлүү Тэрээнһээ аймаар.

2 Угай бэшэг 2:5

Минии барижа эхилһэн Һүмэ хадаа угаа ехэ, юуб гэхэдэ, манай Бурхан бусад бурхадһаа угаа ехэ юм.

2 Угай бэшэг 6:14

иигээд зальбарба: – Израилиин Эзэн Бурхан! Огторгой, газар дээрэшье Тандал адли Бурхан байхагүй! Һургаал заабарииетнай үнэнхэ зүрхэнһөө сахигша зондоо Та энэрэл хайраяа үзүүлнэт, зарасанартайгаа баталһан хэлсээгээ мартанагүйт.

Псалманууд 113:5

Далай, юундэ тэрьедэбэш? Иордан, юундэ һөөргөө урдабаш?

Псалманууд 136:4

Хариин газарта Эзэндэ дуу яажа бидэ дуулахабибди?!

Псалманууд 35:10

Юуб гэбэл, амидаралай эхин Танда бии, Танай гэрэл дорол гэгээн гэрэл үзэдэгбди.

Псалманууд 60:2

Эзэн, минии хашхархые дуулыт! Зальбаралым анхарыт!

Псалманууд 66:5

Яһатан баясан, хүхилдэн байг! Арадуудые Та зүб шударга шүүхэт, дэлхэйн яһатаниие захирхат.

Псалманууд 77:11

Хэһэн хэрэгүүдынь, харуулһан гайхамшагта үйлэнүүдынь тэдэ мартаа.

Псалманууд 77:14

үдэртөө урдуурнь үүлээр, һүниндөө галай гэрэлээр хүтэлэн ябаа;

Псалманууд 77:19

Бурханда эсэргүүсэжэ, иигэжэ хэлээ: «Бурхан сүл губида эдеэнэй шэрээ бэлдэжэ шадаха гү?

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Египедһээ гаралга 18:11

Энээнһээ хойшо Эзэн лэ хамаг бурхадһаа үлүү гэжэ мэдэхэ болобо гээшэб.

Египедһээ гаралга 20:3

Намһаа ондоо бурхан шамда байха ёһогүй.

Египедһээ гаралга 3:20

Би Өөрын хүсэтэ гар Египет руу һунаахаб, эди шэдеэрээ элдэб гайхамшаг үзэгдэл харуулхаб – тиихэдэм лэ таанадые табиха.

Египедһээ гаралга 8:10

Үглөөдэр гэжэ фараоной хэлэхэдэ: – Шинии хэлэгшээр лэ болохо. Манай Эзэн Бурхантай тэнсэхэ хэншье үгы гэжэ мэдэжэ абахыншни түлөө энэ хэгдэхэ.

Египедһээ гаралга 8:6

Аһарооной уһа голнууд тээшэ гараа дэлгэн дэехэдэнь, баханууд гаража, Египедые бүрхөөбэ.

Египедһээ гаралга 9:14

Энэ удаа бүришье аймшагтай хэһээлтэ шамда, түшэмэлнүүдтэш, бүхы арад зондош амасуулхам. Намтай тэнсэхэ хэншье дэлхэй дээрэ үгы гэжэ шинии мэдэхын тулада!

Исай 30:11

Замһаа зайлагты, харгыһаа хадуурагты, Израилиин арюун Бурхан тушаа дуулахаа һананагүйбди», – гэжэ тэдэ хэлэнэ.

Исай 40:18

Таанад Бурханиие хэнтэй адлидхахабта? Ямар дүрсэтэй гээд яагаад зураглахабта?

Исай 40:25

Нангин Арюун Бурханиие хэнтэй адлидхахаар бэ? Хэнтэй тэнсүүлхээр бэ?

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 6:3

Нэгэнь нүгөөдэдөө хашхаран: – Түмэн Сэрэгтэ Эзэн нангин, нангин, нангин! Тэрэнэй алдараар бүхы газар дэлхэй дүүрэнхэй! – гэжэ хэлэжэ байба.

Ерэмияа 10:16

Яковай Бурхан тэдээндэ адли бэшэ! Тэрэ болбол Хамагые Бүтээгшэ, Израиль – Тэрэнэй Өөрын арад, мэдэлэйнь албатан. Нэрэ хүндэнь – Түмэн Сэрэгтэ Эзэн мүн.

Ерэмияа 49:19

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Левит 19:2

– Израилиин олониитэдэ тунхагла: Таанад арюун нангин байгты, юуб гэбэл, Би танай Эзэн Бурхантнай арюун нангин байнаб.

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Лука 12:5

Зүгөөр хэнһээ айжа байхыетнай таанадтаа заажа үгэһүү: хүнэй ами һүнөөгөөд, һүнэһыень гал тамада хаяха эрхэ засагтай Бурханһаал айгты. Үнэхөөрөө, гансал Бурханһаа айжа байха ёһотойт!

Хуули дабталга 1:30

Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 3:24

«Дээдэ Эзэн! Та Өөрынгөө асари ехэ һүр жабхалан, бата бэхи шадал шандааһа намда, Өөрын зарасада, харуулжа эхилээт. Тандал адли иимэ хэрэгүүдые эрхилхэ, иимэ ехэ хүсэ шадалтай ямар бурхан газар уһан дээрэ, огторгой тэнгэридэ байхаб даа.

Хуули дабталга 33:26

Израилиин арад зон, Ешүрүүнэй Бурхандал адли ямаршье бурхан байхагүй! Тэрэ һүр жабхалантайгаар үүлэд дээрэ тэнгэреэр соёрон, танда туһалхаяа ерээ.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Гэршэлгэ 13:4

Тэдэ хүнүүд арьяатанда засаг үгэһэн луугай урда һүгэдэн мүргөөд, мүн арьяатанда һүгэдэн мүргэхэ зуураа, иигэжэ хэлэбэ: «Энэ арьяатантай тэнсэхэ амитад олдохо аал? Энээнтэй дайлалдажа шадаха хүн амитан байха аал?»

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!

1 Хаан түрэнүүд 2:2

Эзэндэл адли арюун хэншье байхагүй. Тэрэл ори ганса Бурхан гээшэ, манай Бурхандал адли хамгаалагша байхагүй.