Египедһээ гаралга 14:4 - Библи

⁴ Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.

Египедһээ гаралга 14:4 ပူးပေါင်းရင်းမြစ်များ

Нэхэмьяа 9:10

Тэдэниие египедшүүдэй доромжолон зобоохые мэдэхэдээ, Та фараондо, тэрэнэй бүхы зарасануудта, тэрэ ороной бүхы хүн зондо дүлгэ тэмдэг, шэдитэ үйлэ харуулжа, гайхуулаат. Та мүнөөшье болотор мартагдашагүй алдар соло олоот.

Египедһээ гаралга 10:2

Египедые ямар хэһээлтээр Минии хэһээһэн тухай, гайхамшаг үзэгдэлнүүдые хайшан гэжэ Минии үзүүлһэн тухай хүбүүдтээ ба аша гушанартаа хөөрөөрэйгты! Эзэн хэн гээшэб гэжэ мэдэхынтнай тула эсэргүүсүүлээб!

Египедһээ гаралга 10:27

Эзэн фараоной үсэдыень хүдэлгэбэ, тэрэ дахяад табибагүй.

Египедһээ гаралга 12:28

Израиль угсаатан Эзэнэй Моисей Аһароон хоёрто айладаһые бүгэдыень бүтээбэ.

Египедһээ гаралга 14:23

Египедэй сэрэг – морин сэрэг, дайшалхы тэргэнүүд бүгэдэ – израильшуудые далайн оёороор намнажа, хушууран оробо.

Египедһээ гаралга 14:25

Дайшалхы тэргэнүүдэйнь мөөрнүүд тэргэһээ мултаран гаража, египет сэрэг тэдэниие арай-шамай шэрэжэ ябабад. «Израиль угсаатанһаа зугадая! – гэжэ египет сэрэгшэд гэмэр-гутар гэлдэбэ. – Эзэн тэдээндэ туһална: Тэрэ Өөрөө Египедтэй дайлалдана ха даа».

Египедһээ гаралга 14:3

Тэдэ замһаа хадууран төөрибэ, сүл губи тэдээндэ дабагдашагүй һаалта болобо гэжэ фараон эндүүрэн һанаг.

Египедһээ гаралга 14:5

Израиль угсаатан ябаа гэжэ Египедэй хаанда элидхэбэ. Фараон түшэмэлнүүдтэеэ гэнтэ бодолоо хубилгаба. – Юу хэбэ гээшэбибди? – гэжэ тэдэ дуугаралдаба. – Ажалыемнай хэжэ байһан ажалшадаа табиха ёһогүй байгаалди.

Египедһээ гаралга 14:8

Үсэд нэтэрүү фараон Израиль угсаатаниие нэхэжэ ерэхэ гэһэн Эзэнэй һанаһан үйлөөр тиигээд лэ болобол даа. Харин Израиль угсаатан Бурханай хамгаалалта доро ябаа.

Египедһээ гаралга 18:11

Энээнһээ хойшо Эзэн лэ хамаг бурхадһаа үлүү гэжэ мэдэхэ болобо гээшэб.

Египедһээ гаралга 6:7

Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.

Египедһээ гаралга 7:17

«Эзэн хэн гээшэб гэжэ мүнөө мэдэхэш!» – гэжэ Эзэн шамда айладана. Дулдыгаар Нил мүрэнэй уһа сохиходом, тэрэ уһан шуһан болошохо.

Египедһээ гаралга 7:3

Зүгөөр Би фараоной үсэд зангыень хүдэлгэхэб. Минии олон дүлгэ тэмдэг болон гайхамшаг үзэгдэлнүүдые Египет орондо үзүүлхэб.

Египедһээ гаралга 7:5

Минии хүндэ гарта сохюулхадаал Эзэн хэн гээшэб гэжэ Египет зон мэдэхэ даа. Тиихэдэнь лэ Израиль угсаатаниие тэндэһээ гаргахаб.

Египедһээ гаралга 9:16

Гэбэшье Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе амиды үлөөнэб.

Эзэкээл 20:9

Теэд Би тиибэгүйб, юуб гэхэдэ, тэдэнэй хажуугаар тиихэдэ ажаһуугааша үндэһэ яһатадай дуулаһаар байтар Израилиие Египет орон нютагһаа гаргахаб гэжэ соносхоо бэлэйб. Нэрэеэ гутаахагүйн тула Би тиимэ юумэ үйлэдэбэгүйб.

Эзэкээл 28:22

Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 32:15

Египедые хооһон элһэн сүл губи болгон, нэгэшье амиды амитаниие тэндэ үлөөнгүй байхадам, таанад Намайе Эзэн гээд мэдэдэг болохот.

Эзэкээл 38:16

Шуургата үүлэн мэтэ хушан, Минии улад зондо добтолхош. Минии орон нютаг болохо Израиль руу нэбтэрэн орохыеш Би зүбшөөхэб. Юуб гэхэдэ, Намайе, Эзэниие, арюун нангин гэжэ дэлхэйн арад бүхэнэй мэдэдэг болохын тула иимэ юумэ эрхилхэб».

Эзэкээл 38:23

Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».

Эзэкээл 39:13

Дэлхэйн бүхы зон тэдэниие хүдөөлүүлхэдэ туһалха, Минии, Эзэн Бурханай, алдар солын мандаһан тэрэ илалтын үдэр тэдэ шагнал хайрада хүртэхэ.

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Римэйхиндэ 11:8

Нангин Бэшэг соо хэлэһэнэй ёһоор: «Бурхан тэдэнэй сэдьхэлые мэдэрэлгүй болгоо, тиин тэдэнэр мүнөөдэршье болотор хараха гү, али дуулаха аргагүй байна».

Римэйхиндэ 9:17

«Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе хаанаар табяа хүм», – гэжэ Эзэн Египедэй фараондо Нангин Бэшэг соо хэлэнэ.

Римэйхиндэ 9:18

Тиимэһээ Бурхан дуратайл хүнөө үршөөнэ, дуратайл хүнөө зүрюу болгоно.

Нүүнэй Иисүүс 11:20

Юундэб гэхэдэ, тэдэ Эзэнһээ зүрхэеэ шэрүүдхээд, израильшуудые дайгаар угтаа. Эзэнэй Моисейдэ захиһан ёһоор, тэдэ хараалда хүртэхэ, үршөөл абахагүй, усадхагдаха хубитай байгаа.

Ударидагшад 4:7

Би Ябиинай сэрэгүүдэйнь жанжан Сисэраае, тэрэнэй бүхы тэргэнүүдые, тэрэнэй үй түмэн сэрэгшэдые Кишоон мүрэнэй гол газарта дахуулжа асараад, шинии гарта тушаахаб. Тэндэ илалта туйлахадатнай, таанадта Би туһалхаб.