Египедһээ гаралга 14:22 - Библи

²² Израиль угсаатан далайн оёороор хуурай газарта ябаһан шэнги ябаба. Баруун гар тээнь эгсэ уһан хана байба, зүүн гартань мүн лэ уһан хана байба.

Египедһээ гаралга 14:22 ပူးပေါင်းရင်းမြစ်များ

4 Хаан түрэнүүд 2:14

Элишаа тэрэнэй субаар уһа сохёод: – Элияагай Бурхан, Эзэн хаана гээшэб? – гэжэ асуугаад, тэрээгээрээ үшөө дахин уһа сохин шабхадаба. Уһан хоёр тээшээ хубааран эбхэржэ, тэрээндэ харгы гаргаба. Элишаа хуурай газараар мүрэн гаталба.

4 Хаан түрэнүүд 2:8

Элияа субаяа абажа эбхээд, тэрээгээрээ уһа сохибо. Уһанай хоёр тээшээ боложо харгы гаргахада, тэдэ хоёр хуурай газар дээгүүр мүрэн гаталба.

Нэхэмьяа 9:11

Тиигээд Та манай эсэгэнэрэй хараһаар байтар далайе дундуурнь таһалжа, тэдэниие далайн оёороор гаталуулаат, харин намнагшадыень гүнзэгы уһа руу хаягдаһан шулуун шэнгеэр Та шэнгээн хосороогоот.

Псалманууд 106:9

Юуб гэбэл, Тэрэ ангаһан зониие ундалуулаа, туража үхэжэ байгшадые эдеэлүүлээ.

Псалманууд 66:6

Бурхан! Арадууд Таниие магтаг лэ! Бүхы арадууд Танда магтаал үргэг!

Псалманууд 78:13

Харин бидэ, Танай арад түмэн, Танай бэлшээриин хонин һүрэг, Таниие мүнхэ алдаршуулан байхабди, үеһөө үедэ Танда магтаал үргэхэбди.

Египедһээ гаралга 14:29

Харин Израиль угсаатан далайн оёороор хуурай газарта ябаһан шэнги гараба; баруун гар тээнь уһан хана тогтоод байба, зүүн гар тээнь – мүн лэ уһан хана.

Египедһээ гаралга 15:19

Фараоной морин сэрэгэй далайда ороходо, Эзэн урдаһаань уһа долги салгидуулан эбхэрүүлээ. Харин Израилиин зон далайн оёороор хуурай газарай хайр дээгүүр ябаһандал гараа!

Египедһээ гаралга 15:8

Үлеэхэдэтнай, уһа долгин хүбхыбэ, хана мэтэ хажуу тээшээ эбхэрэн зогсобо, Хулһата далайн уһанай эрьюулгэ хуурай газарай хайрта адли болобо.

Исай 11:15

Эзэн Египедэй далайн хоолойе хатааха, Евфрат мүрэн хатаахаяа халуун һалхяар үлеэлгэхэ, хүнэй шаахайгаа тайлангүй тэрэниие гаталдаг болотор долоон багахан горхон болгон хубааха.

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 43:16

Тэнгис дундуур зам, урдажа байһан уһан дундуур харгы гаргагша Эзэн иигэжэ айладхаба.

Исай 51:10

Абарһан зонойнгоо гаталан гарахын тула далайе шэргээжэ, гүн уһые харгы зам болгогшонь мүн лэ Та бэлэйт.

Исай 63:12

Моисей гэгшые хүтэлжэ, далайн уһа хубаагаад, Өөртөө мүнхэ нэрэ олгуулагша Эзэн хаанаб?»

Исай 63:13

Тэрэ гүн уһан дундуур зониие талаар мори хүтэлөөд ябаһандал гаргаа, тиихэдэнь арад зон нэгэшье бүдэрөөгүй бэлэй.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Тоололго 33:8

Израильшууд Пи-Һахироодһоо гараад, далай гаталжа, сүл губи руу ошобо. Тиигээд тэдэнэр гурбан үдэр ябажа Этаамай сүл губиие гаталаад, Мараагай хажууда тогтон байрлаба.

Коринфынхидтэ 1-дэхи 10:1

Аха дүүнэр, Моисейе дахажа ябаһан үбгэ эсэгэнэртэймнай юунэй болоһые би таанадта һануулха һанаатайб. Тэдэниие бултыень үүлэн хамгаалжа ябаа, тэдэнэр бултадаа Улаан далайе аюулгүй гаталаа.

Еврейнүүдтэ 11:29

Этигэл һүзэгөөрөө израильшууд Улаан далайе хуурай газар мэтэл гаталба, харин египедэй сэрэгшэдэй тон тиимээр гаталхаяа һэдэхэдэнь, уһан хана тэдэниие хушаба.

Нүүнэй Иисүүс 3:16

дээрэһээ урдаһан уһан Царэтаанай хажуудахи Адаам хото хүрэтэр ехэ зайда хана болобо; талын далай, Дабһата далай руу урдаһан уһан шэргэн дууһаба.

Нүүнэй Иисүүс 3:17

Зон Ерихооной хажуугаар гаталба; Эзэнэй хэлсээнэй ханза үргэжэ ябаһан санаартан Иорданай тэг дунда хуурай газар дээрэ зогсожо байба. Израилиин хүбүүд хуурай газараар Иордан голые гаталба.

Нүүнэй Иисүүс 4:22

«Израиль энэ Иорданиие хуурай газараар гаталаа» гэжэ хүбүүдтээ хөөрөөрэйгты.

1 Хаан түрэнүүд 25:16

Тэдэнэй хажууда хони адуулжа байха үедэмнай тэдэнэр үдэршье, һүнишье бидэндэ хана халхабша мэтэ болон байгаа бэлэй.