Египедһээ гаралга 14:21 - Библи

²¹ Харин Моисей гараа далай дээгүүр дэлгэн дэебэ. Бүхэли һүниндөө Эзэн зүүн тээһээ шангаар үлеэһэн һалхи тууба, далайн долгин салгидан эбхэрбэ, далайн оёор үзэгдэбэ.

Египедһээ гаралга 14:21 ပူးပေါင်းရင်းမြစ်များ

Эхин 8:1

Тиигээд Бурхан Ной тухай, тэрээнтэй суг ханза-онгосо соо ябаһан амитадые һанаандаа оруулжа, һалхи үлеэлгэхэдэнь, үерэй уһан татажа эхилбэ.

4 Хаан түрэнүүд 2:8

Элияа субаяа абажа эбхээд, тэрээгээрээ уһа сохибо. Уһанай хоёр тээшээ боложо харгы гаргахада, тэдэ хоёр хуурай газар дээгүүр мүрэн гаталба.

Нэхэмьяа 9:11

Тиигээд Та манай эсэгэнэрэй хараһаар байтар далайе дундуурнь таһалжа, тэдэниие далайн оёороор гаталуулаат, харин намнагшадыень гүнзэгы уһа руу хаягдаһан шулуун шэнгеэр Та шэнгээн хосороогоот.

Иоов 26:12

Тэрэ хүсэ шадалаараа далайе номгоруулдаг, Рааһаб шүдхэрые диилэн дарадаг.

Иоов 38:24

Ямар ушарһаа сахилгаан сахилжа, зүүн зүгһөө һалхин үлеэдэг бэ?

Псалманууд 148:8

гал ба мүндэр, саһан ба манан, үгыень дүүргэдэг шуурга һалхин,

Псалманууд 66:6

Бурхан! Арадууд Таниие магтаг лэ! Бүхы арадууд Танда магтаал үргэг!

Псалманууд 78:13

Харин бидэ, Танай арад түмэн, Танай бэлшээриин хонин һүрэг, Таниие мүнхэ алдаршуулан байхабди, үеһөө үедэ Танда магтаал үргэхэбди.

Египедһээ гаралга 14:16

Харин өөрөө дулдыгаа далай тээшэ дэлгэн дэехэш – далай хажуу тээшээ эбхэрэн зайлажа, хуурай газар бии болохо. Израиль угсаатан далайн оёороор хуурай газарта ябаһан шэнги гарахал.

Египедһээ гаралга 14:20

Египедэй болон Израилиин жагсаалнуудые тэрэ илган холодуулба. Үдэртөө бүрэнхы үүлэн байһан аад, һүни болоходо гэрэлтэжэ байба. Тэрэ һүни хоёр жагсаал бэе бэедээ дүтэлбэгүй.

Египедһээ гаралга 15:8

Үлеэхэдэтнай, уһа долгин хүбхыбэ, хана мэтэ хажуу тээшээ эбхэрэн зогсобо, Хулһата далайн уһанай эрьюулгэ хуурай газарай хайрта адли болобо.

Египедһээ гаралга 7:19

Эзэн Моисейдэ айладаба: – Дулдыгаа Египедэй бүхы уһан дээрэ – гол мүрэн, һэдэһэ, тэдэнэй һалаа, нуур, сөөрэмүүд дээрэ дэлгэн дэехэш гэжэ Аһароондо хэлэ, уһаниинь шуһан болохо. Бүхы Египедэй газар дайдаар – модон дээрэ, шулуун дээрэ – шуһан бии болохо.

Исай 23:11

Эзэн гараа далай дээгүүр һунгажа, хаан түрэнүүдые доһолгобо. Ханаһаанай хэрэмүүд һандараг гэжэ Тэрэ зарлиг буулгаба.

Исай 43:16

Тэнгис дундуур зам, урдажа байһан уһан дундуур харгы гаргагша Эзэн иигэжэ айладхаба.

Исай 44:27

Минии тэнгис далайда захирхада, уһаниинь шэргэжэ хатадаг.

Исай 50:2

Минии абархаяа ерэхэдэ, арад түмэмни юундэ байгаагүйб? Минии дуудахада, юундэ хэншье харюусаагүйб? Иихэдээ Минии гарые богони, Намда абарха хүсэн үгы гэжэ тэдэ һанаба гү?! Хараад үзөөрэйгты, захирхадам, далай шэргэхэ, гол мүрэнүүдые сүл губи болгоходом, загаһад уһагүйһөө боложо хосорхол.

Исай 51:10

Абарһан зонойнгоо гаталан гарахын тула далайе шэргээжэ, гүн уһые харгы зам болгогшонь мүн лэ Та бэлэйт.

Исай 51:15

Би болбол тэнгис далайе хүдэлгэжэ, долгидыень шааяса хүнхинүүлдэг Эзэн Бурхантнай мүн! Минии нэрэ – Түмэн Сэрэгтэ Эзэн!

Исай 63:12

Моисей гэгшые хүтэлжэ, далайн уһа хубаагаад, Өөртөө мүнхэ нэрэ олгуулагша Эзэн хаанаб?»

Исай 63:13

Тэрэ гүн уһан дундуур зониие талаар мори хүтэлөөд ябаһандал гаргаа, тиихэдэнь арад зон нэгэшье бүдэрөөгүй бэлэй.

Аввакуум 3:8

Моридоо унаад, абаралай тэргэнүүдтээ залараад ерэһэнтнай гол мүрэнүүдтэ сухалдаһандаа, үгышье һаа, далайда уурлаһандаа гэжэ гү?

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Нүүнэй Иисүүс 2:10

Танай Египедһээ гаража ябахада, Эзэн танай урда Хулһата далайн уһа хатаагаа гэжэ дуулаа һэмди. Иорданай саанахи Эмоорой хоёр хаашуулые, Сиһоон Оог хоёрые яажа усадхаһытнайш дуулаа һэмди.

Нүүнэй Иисүүс 3:17

Зон Ерихооной хажуугаар гаталба; Эзэнэй хэлсээнэй ханза үргэжэ ябаһан санаартан Иорданай тэг дунда хуурай газар дээрэ зогсожо байба. Израилиин хүбүүд хуурай газараар Иордан голые гаталба.

Нүүнэй Иисүүс 4:23

Яагаад бэ гэхэдэ, Эзэн, танай Бурхан танда Иорданай уһа хатаагаад, танай гаратар хүлеэгөө, тиигэжэ баһал Эзэн, танай Бурхан Хулһата далайе танай гаратар хатаагаа.