Египедһээ гаралга 14:10 - Библи

¹⁰ Фараон дүтэлжэ ябаба. Нэхэжэ ерэһэн Египедэй сэрэг хараад, Израиль угсаатан һүрдэхын ехээр һүрдэжэ, Эзэнһээ абарал эрибэ.

Египедһээ гаралга 14:10 ပူးပေါင်းရင်းမြစ်များ

2 Угай бэшэг 18:31

Дайшалхы тэргэнүүдэй ноёд Ёшапаадые хараад, «Израилиин хаан энэ мүн» гэжэ һанажа, тэрээнтэй тулалдахаа хотирбо. Теэд Ёшапаадай хашхархада, Эзэн тэрээндэ туһалжа, добтологшодыень зайсуулба.

Нэхэмьяа 9:9

Та манай эсэгэнэрэй Египедтэ зобожо байхые хараат. Хулһата далайн дэргэдэ тэдэнэй «абарыт!» гэжэ хашхаралдахые дуулаат.

Псалманууд 107:13

Хашагдаад байһан үедэмнай туһалыт, зондо найдаха гээшэ худал.

Псалманууд 107:6

Бурхан, огторгойһоо дээгүүр үргэмжэлэгдыт, бүхы дэлхэй дээгүүр алдар солотнай нэрьег лэ!

Псалманууд 34:17

Ай, Эзэн! Та хэды болотор хаража байхабта? Минии ами наһые хорото хэрэгүүдһээнь, ори ганса амиием арсалангуудһаа абарыт!

Псалманууд 53:5

Юуб гэбэл, хари зон урдаһаам эсэргүүсэн бодоол, хэрзэгышүүл намайе алахаа бэдэрнэ. Өөһэдын урда Бурханиие заладаггүйшүүл тэдэ мүн. [Хүгжэм]

Псалманууд 81:7

Харин таанар хүнүүдтэл адли үхэхэт, алишье ноёндол адли унахат».

Египедһээ гаралга 13:17

Израилиин зониие фараоной табихадань, Бурхан тэдэниие Пилиштын газараар ябуулбагүй – энэнь даншье богони харгы байгаа. Эзэн иигэжэ сэдьхэбэ: тэндэхи арадтай дайлалдаха болохобди гэжэ харахадаа зүрхэ алдаад, Египет руугаа бусахадаа болохо.

Египедһээ гаралга 15:25

Моисей Эзэндэ зальбарба, Эзэн модо тэрээндэ харуулба. Моисейн модонһоо мүшэр хухалжа уһа руу хаяхадань, уһаниинь уухаар амтатай болобо. Тэрэ газарта Бурхан хуули тогтоол тэдээндэ үгөө агша бэлэй, тэрэл газарта туршаха туршалгаар шалгаа агша бэлэй.

Исай 26:16

Өөһэдынгөө арад түмэниие Танай хэһээхэдэ, бидэ зобон-тулин, Эзэн, Тандаал зальбараа бэлэйбди.

Исай 7:2

Эпрааимай газар дайдада Араамай сэрэгэй ороод байһан тухай мэдээсэл Давидай гэр бүлэдэ дуулдахадань, Ахааз хаан арад зонтоёо хамта һалхинда найгажа байһан ойн модод мэтэ шэшэрэлдэн айба.

Ерэмияа 22:23

Ливаанай үнэтэ хуша модоор бэеэ хүреэлэн амархан ажаһуугша таанад түрэжэ байһан эхэнэртэл адли хүндэ үбшэндэ нэрбүүлхэдээ, хэды шангаар ёолохо гээшэбта!

Хуули дабталга 9:7

Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.

Нүүнэй Иисүүс 24:6

Танай эсэгэнэрые Египедһээ гаргахадамни, таанар Хулһата далайда ерээт. Тиихэдэ Египедэй зон хоёр сахаригтай тэргээр, хазаар морёор танай эсэгэнэрые Хулһата далай хүрэтэр намнаа.

Нүүнэй Иисүүс 24:7

Эсэгэнэртнай Эзэндэ хандан гуйгаа. Эзэн таанарай ба Египедэй зоной хоорондо шэб харанхые табяа, тэдээн тээшэ далай урадхуулхадань, уһан тэдээниие дараа. Египедтэ юу хэһыемни танай нюдэн хараа. Тиигээд удаан элһэн губида байгаат.

Иоаннай 1-дэхи хандалга 4:18

Дуран айхые мэдэдэггүй: ёһотой дуран айлтые зайлуулдаг, яахадааб гэбэл, айха гээшэ хэһээлтэтэй холбоотой, тиигээд хэн айнаб, тэрэ хүн дуранай эрхим шанарые туйлаагүй гээшэ.