Египедһээ гаралга 13:9 - Библи

⁹ Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Египедһээ гаралга 13:9 ပူးပေါင်းရင်းမြစ်များ

Нэхэмьяа 1:10

Өөрынгөө бата гараар, Өөрынгөө агуу хүсөөр тэдэниие Та сүлөөлөөлта, тэдэнэр Танай арад, Танай зарамалнууд лэ!

Псалманууд 89:13

Эзэн, һөөргөө бусыт! Хэды болотор юм? Өөрын зарасанарые хайрлыт.

Египедһээ гаралга 12:14

Энэ үдэрые дурсажа байгты. Хойшодоо үеын үедэ энэ Эзэнэй һайндэр гэжэ тэмдэглэжэ байгты. Энэтнай таанадта хэтын тогтоол болоно.

Египедһээ гаралга 12:41

Дүрбэн зуун гушан жэлэй үнгэрһэн хойно энэ һүни Эзэнэй сэрэг шэнгеэр жагсаһан арад Египедһээ мултаран гаража ошобо.

Египедһээ гаралга 13:14

Хожом хэзээ нэгэтэ хүбүүншни «Энэ юун гэһэн удхатайб?» гэжэ асууба гэлэй, тэрээндэ иигэжэ харюусахаш: «Эзэн хүсэтэ гараараа Египедэй дарлалтаһаа маанадые гаргаһан юм.

Египедһээ гаралга 13:16

Энэ хадаа шамда гар дээрэ отолһон, сохо дээрэ шатааһан шарха мэтэ сараа тамга болохо жэшээтэй. Юуб гэхэдэ, Эзэн ашата хүсөөрөө маанадые Египедһээ гаргаа».

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 3:20

Би Өөрын хүсэтэ гар Египет руу һунаахаб, эди шэдеэрээ элдэб гайхамшаг үзэгдэл харуулхаб – тиихэдэм лэ таанадые табиха.

Египедһээ гаралга 7:4

Харин таанадай үгэ фараон дуулахагүй. Одоол тиихэдэ Египет Минии гарай хүндые мэдэхэ даа! Минии арад болохо Израиль угсаатаниие сэрэг шэнгеэр жагсаан Египедһээ гаргахаб. Хэһээлтэм шанга!

Һургаал 1:9

Үнэн дээрэ энэшнил үзэсхэлэнтэ сэсэгэй титим, хүзүүнэйшни шэмэг бололтой.

Һургаал 3:21

Харааһааш эдэ бү хоргодог, оюун ухаан, холын бодол бүрин гамнаарай.

Һургаал 7:23

Һуршын зэбын эльгыень нэбтэ сохихоор бэлэн байһые мэдэхэгүй, урьхада орохо жэгүүртэ мэтэ аюулда орохоёо ойлгохогүй байба.

Дуунай дуун 8:6

Зүрхэндөө ши намайе тамгалжа, тэбэридээ ши намайе ласада! Дуран гээшэ үхэл шэнги хүсэтэй. Хара гээшэ хүүр шэнги үршөөлгүй. Дуранай гал түймэр мэтэ дүрэлзэдэг. Халуун дүлэниинь хуйхалан шатаадаг.

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 40:10

Харагты, Эзэн Бурхан хүсэ шадалаа, засаг эрхэеэ зангидан залархань. Зондо шагнал Тэрэ асарна.

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Исай 49:16

Альган дээрээ нэрыеш бэшээб, хэрэмүүдшни Минии урда ходо үзэгдэнэ.

Исай 51:9

Эзэн, һэриит, маанадта туһалыт! Хүсэ шадалаа зангидан, бидэниие абарыт! Эртэ урда сагта, урданай сагта мэтэ һэриит! Тэнгис далайн Рааһаб гэжэ амитаниие сабшан хюдаа, далайн абарга могойе таһа татаа бэлэйт.

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Ерэмияа 22:24

Эзэн Ёякиимэй хүбүүн, Иудын хаан Ехонияа гэгшэдэ иигэжэ айладхаба: – Би Өөрөөрөө тангаригланаб, Минии баруун гарта тамгатай бэһэлигшье байгаа һааш, Би шамайе һугалжа хаяхаб!

Даниил 9:15

Эзэн Бурхамнай, агууехэ хүсөөрөө Өөрын арад түмэниие Египедэй орон нютагһаа гаргаат, мүнөөшье хүрэтэрөө алдар солотнай гэрэл мэтэ толорно. Харин бидэ нүгэлтэйбди, буруу юумэ хээбди.

Ёһээл 2:11

Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Тоололго 15:39

Тэдэ сасагуудаа хараха бүхэндөө таанадта Эзэнэй захиһан һургаал заабаринууд һанагдажа, тэдэнииень ходол сахижа, зальхайралгаһаа холуур ябагты.

Матвей 23:5

Зүгөөр хүнүүдтэ юумэ хэжэ байһан хэбэр үзүүлхэ гэжэ бүхы шадалаараа оролдодог. Нангин Бэшэг сооһоо мүрнүүдые бүд дээрэ олоор бэшээд, духаяа боодог, гартаа уядаг, Бурханда зорюулаатай байһыень харуулһан дэгэлдэнь оёотой сасагуудынь бусад зонойхиһоо ута унжагар байдаг, Нангин Бэшэг сооһоо буулгажа абтаһан мүрнүүдые хадагалжа ябадаг арһан туламуудынь ехэл томо байдаг.

Римэйхиндэ 10:8

Юундэб гэбэл, «Бурханай үгэ шамтай хамта байна, хэлэ амандашни, зүрхэ сэдьхэлдэшни оршоно». Эгээл тэрэ мэдээсэлые бидэ таанадта номнонобди.

Хуули дабталга 30:14

Бурханай үгэ шамтай хамта байна, хэлэ амандашни, зүрхэ сэдьхэлдэшни оршоно, яагаад сахихаб гэжэ хэлэжэшье шадахат.

Хуули дабталга 5:15

Египедтэ богоол байһанаа, тэндэһээ Минии, Эзэн Бурханайшни, бар хүсөөрөө, агууехэ шадалаараа шамайе гаргаһан тухай бү марта. Тиимэһээ Би, Эзэн Бурханшни, субботые жэншэдгүй сахихыешни захирнаб.

Хуули дабталга 6:21

хүбүүндээ иигэжэ хэлээрэй: «Египедтэ фараоной богоолнууд байһан гээшэбди, теэд Эзэн тэндэһээ бар хүсөөрөө маанадые гаргаһан юм.

Хуули дабталга 6:6

Мүнөө дамжуулан хэлэжэ байгааша эдэ үгэнүүдыемни хододоо һанажа ябаарайгты.

Хуули дабталга 6:8

Дүлгэ тэмдэг мэтээр тэдэниие гартаа уягты, һануулга мэтээр магнай дээрээ боолто болгон байлгагты.

Гэршэлгэ 18:8

Тиимэһээ али бүхы гай аюулнууд: үхэл хосорол, гай гашуудал, үлэсхэлэн зоболон тэрэ эмэдэ гэнтэ буужа ерэхэ даа! Тэрэниие галда шатааха, ушарынь гэбэл, тэрэниие шүүбэрилхэ Эзэн Бурхан угаа хүсэтэй юм.

Ударидагшад 2:12

Тэдэнэр угайнгаа үбгэ эсэгэнэрэй шүтэн мүргэдэг байһан, мүн бүхы израильшуудые Египедэй газарһаа гаргаһан Эзэниие орхижо, оршон тойрон ажаһуудаг арадуудай хуурмаг бурхадта шүтэн мүргэдэг болобо. Тиихэдэнь Эзэн тэдээндэ сухалдашаба.