Египедһээ гаралга 13:19 - Библи

¹⁹ Моисей Египедһээ Иосифой яһа бэеынь абажа гараа һэн. Амиды байхадаа, Иосиф Израилиин хүбүүдһээ тангариг абаһан гэхэ: «Эзэнэй хэзээ нэгэтэ һаналаа хүсэлдүүлэн, Египедһээ таанадые гаргаха сагайнь ерэбэл, минии яһа хүүр эндэ орхижо бү байгты, абажа гарахат».

Египедһээ гаралга 13:19 ပူးပေါင်းရင်းမြစ်များ

Эхин 48:21

Һүүлээрнь Израиль Иосифто хэлэбэ: – Абашни удахагүй хада гэртээ харихань. Харин Бурхан таанадтай хамта байжа, үбгэ эсэгэнэрэйтнай нютаглан байһан Ханаһаан орон таанадые бусаан абаашаха.

Египедһээ гаралга 4:31

Арад зон одоошье үнэншэбэ. Эзэн Израилиингаа хүбүүдые анхаран, ядарал зоболонгымнай хараа гэжэ дуулахадаа, тэдэ һүгэдэн хүндэлжэ, доро дохин байгаа бэлэй.

Лука 1:58

Эзэнэй Елизаветэдэ хүртөөһэн эбигээл хайра арьбажаа гэжэ дуулахадаа, хүршэнэрынь, түрэл саданиинь тэрээнтэй хамта ехэтэ баярлаба.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Хэрэгүүд 7:15

Урилга абаһан Яков Египет руу нүүгээ һэн. Тэндэ тэрэ өөрөөшье, манай үбгэ эсэгэнэршье наһа бараа.

Хэрэгүүд 7:16

Тэдэнэй шарилые Абраһаамай мүнгөөр Хамоорой хүбүүдһээ Шэхээмдэ худалдажа абаһан агы нүхэн соо хүдөөлүүлээ бэлэй.

Еврейнүүдтэ 11:22

Иосиф наһа барахадаа, этигэл һүзэгэйнгөө ашаар Израилиин арад Египедые орхижо ошохо гэжэ айладаба, ябахадаа, яһыень абаад ябаха тухай захидал орхибо.

Нүүнэй Иисүүс 24:32

Израилиин хүбүүдэй Египедһээ гаргаһан Иосифой яһыешье Шэхээмдэ, Шэхээмэй эсэгэ Хамоорой хүбүүдһээ Яковай зуун зоосоор худалдажа абаһан, һүүлдэ Иосифой хүбүүдтэ хубаари боложо хүртэһэн талбай газар дээрэ хүдөөлүүлээ.