Египедһээ гаралга 13:17 - Библи

¹⁷ Израилиин зониие фараоной табихадань, Бурхан тэдэниие Пилиштын газараар ябуулбагүй – энэнь даншье богони харгы байгаа. Эзэн иигэжэ сэдьхэбэ: тэндэхи арадтай дайлалдаха болохобди гэжэ харахадаа зүрхэ алдаад, Египет руугаа бусахадаа болохо.

Египедһээ гаралга 13:17 ပူးပေါင်းရင်းမြစ်များ

3 Хаан түрэнүүд 8:47

Баряанда байхадаа тэдэ һэгээ орожо, «бидэ нүгэл хээбди, муу юумэ үйлэдөөбди, зэмэтэйбди» гэжэ нүгэлөө мэдэрэн гэмшэбэл, Танда зальбарбал,

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Египедһээ гаралга 14:10

Фараон дүтэлжэ ябаба. Нэхэжэ ерэһэн Египедэй сэрэг хараад, Израиль угсаатан һүрдэхын ехээр һүрдэжэ, Эзэнһээ абарал эрибэ.

Хэрэгүүд 15:38

Гэбэшье Памфилида тэдэниие хаяжа, хэрэгыень бүтээлсэхэеэ арсаһан Маркые Павел абажа ябаха дурагүй байгаа.

Хэрэгүүд 7:39

Гэбэшье манай үбгэ эсэгэнэр тэрэнэй үгэ дуулаха дурагүй байгаа. Тэдэнэр Моисейе буруушаажа, Египет руугаа бусахые хүсөө.

Хуули дабталга 17:16

Хаан хадаа өөртөө моридойнгоо тоо олошоруулжа байха ёһогүй, моридые олоор абахын тула зониие Египет руу эльгээжэ байха ёһогүй. Юуб гэхэдэ, Эзэн «Тиишээ, энэ харгыгаар һөөргөө бусахагүйт» – гэжэ таанадта айладаа һэн шуу.

Хуули дабталга 20:8

Ахамадууд нэмэн иигэжэ хэлэг: «Хэн аймхайб, дээрэ зүрхэтэйб, бэшэ зониие һажаалдуулхагүйн, зоригыень мүхөөхэгүйн тула гэртээ бусаг».

Хуули дабталга 28:68

«Энэ харгы замые дахин харахагүйт» гэжэ минии дамжуулан хэлэһэншье һаа, Эзэн таанадые далайн онгосонуудаар Египет руу бусааха. Тэндэ дайсадтаа богоол болохоёо бэеэ худалдажа эхилхэт, теэд таанадые худалдан абаха хүн олдохогүй.

Еврейнүүдтэ 11:27

Тэрэ этигэл һүзэгөөрөө хаанай уур сухалһаа айнгүй, Египедые орхёо һэн. Нюдэндэ харагдадаггүй Бурханиие хаража байһандал тэрэ бата хатуу байгаа.

Ударидагшад 7:3

Тиимэһээ хэд дайсадһаа айнаб, тэдэнэр Галаадай хадануудта байдаг түрэл арадтаа бусагты гэжэ соносхо. Хорин хоёр мянган сэрэгшэд Гидоониие орхижо, гэр гэртээ бусаба. Тиихэдэнь арбан мянган сэрэгшэд үлэбэ.